“မေမေ…..မေမေ………..”
“ဟင်..ဘာလဲသမီးရဲ့”
ကုလားထိုင်ပေါ်ထိုင်လို့ တွေတွေငေးငေးဖြစ်နေတဲမြရည် သမီးလေးခေါ်သံတောင် မကြားမိတော့ချေ။ လက်ကိုလှုပ်ရမ်းလိုက် တော့မှ အသိဝင်လာတဲ့ကျွန်မက ချက်ချင်းပဲ ပြန်ထူးလိုက်ရပါတယ်။
“ မေမေ၊ ဖေဖေက ဘာလို့ပြန်မလာသေးတာလဲဟင်၊ ဖေဖေပြန်မလာတာ ၃ ရက်ရှိပြီနော်”
မျက်နှာတည်တည်လေးနဲ့ လက်ကလေး ထောင်လို့ ပြောလာတဲ့ သမီးလေးရဲ့ဟန်ပန်ကြောင့် မြရည် ရင်ထဲ အမည်မသိဝေဒနာ တစ်ခု တိုးဝင်သွားပါတယ်။ သူ့အဖေကိုစိတ်ကောက်နေဟန်ပုံလေးနဲ့ ချစ်စရာ့သမီးလေးမျက်နှာကို ကျွန်မသေချာကြည့်ပြီး တော့-
“ ဖေဖေက ခရီးထွက်သွားတာပါ သမီးရဲ့၊ ပြန်လာမှာပါ၊ ပြီးတော့ သမီးအတွက်လည်း မုန့်တွေအများကြီး ၀ယ်လာမှာ”
သမီးလေးကို အလိုက်သင့်ပြန်ဖြေပေးလိုက်ရပေမယ့် မတင်မကျအဖြေဆိုတာ ကျွန်မဘာသာ အသိဆုံးမဟုတ်လား။ နှုတ်ဖျားကထွက်သွားတဲ့ဒီစကား အမှန်တရားဖြစ်ပါစေ၊ အမှန်တရားဖြစ်ပါစေ………လို့ ကျွန်မဘာသာ ဆုတောင်းလိုက်မိ ပါသေးတယ်။
ပတ်ဝန်းကျင်ရဲ့ တစွန်းတစကနေ အရာထင်လာခဲ့တဲ့ ခင်ပွန်းဖြစ်သူရဲ့အကြောင်းကို ကျွန်မနားနဲ့မဆန့်အောင်ကြားခဲ့ရပါတယ်။ ဘယ်သူတွေဘာပြောပြော သူ့နှုတ်က မပြောမချင်း မယုံဘူးလို့ ကျွန်မ ဆုံးဖြတ်ပြီးသား။ ပြဿနာတိုင်းမှာ အဖြေရှိတယ်လို့ ကျွန်မမေမေ သွန်သင်ခဲ့တာကို ကျွန်မရင်ထဲမှာအမြဲအမှတ်ရနေပြီးသားပါ။ အကောင်းဆုံးအဖြေဖြစ်ဖို့ကိုတော့ မိမိဘာသာ ရွေးချယ်ရမယ်တဲ့လေ။ မြရည် မေ့မေ့ကို ပြေးမြင်လိုက်မိပါတယ်။ အပြုံးမပျက်လမ်းခွဲခဲ့တဲ့ မေ့မေ့လို သတ္တိမျိုး မြရည်မှာ မရှိဘူးမေမေ။
ရိုးသားအေးဆေးတဲ့မိသားစုလေးဘ၀၊ ပျော်ရွှင်စရာ မိသားစုလေးကို ကျွန်မ အလိုချင်ဆုံးဆိုတာ သူလည်းပဲအသိလေ။ နွေးထွေးပြီး အေးချမ်းတဲ့မိသားစုဘ၀လေးက ကျွန်မအလိုချင်ဆုံး အိမ်မက်တစ်ခုဆိုတာ သူကောကျွန်မပါ အသိဆုံး မဟုတ်ပါလား၊ ဒါနဲ့များတောင် အဖြစ်အပျက်တွေက ကျွန်မအတွက်တော့ မလိုချင်တဲ့ ဆုလာဒ်တွေပါလား…….အော်…. ကျွန်မအတွက်တော့ ဘယ်အရာမှ လိုတိုင်းမပြည့်ခဲ့သလို ငြင်းဆန်ဖို့လဲ အခွင့်အရေးနည်းခဲ့ရတယ်လေ။
***-----***-----***-----***-----***-----***-----***-----***-----
“မေမေ..မေမေရေ…………မီးမီးကို ဒီပုံလေးတွေ ကူဆွဲပေးပါဦး….မီးမီးဆွဲတာမလှလို့။”
စာအုပ်ကိုင်ပြီးပြေးထွက်လာတဲ့ သမီးငယ်လေးကြောင့် မြနှစ် အသာလှမ်းကြည့်လိုက်ပါတယ်။ ကျောင်းကပေးလိုက်တဲ့ အိမ်စာ တွေကို ရောက်တာနဲ့ချက်ချင်းလုပ်တတ်တဲ့ အငယ်ဆုံးသမီးလေးရဲ့အကျင့်ကို မိမိအသိဆုံးမဟုတ်လား။ မောင်နှမ ၃ ယောက်ထဲမှာ အငယ်ဆုံး၊ အတော်ဆုံးနဲ့ အလိမ္မာဆုံးဖြစ်တဲ့ သမီးငယ်လေးကို မြနှစ်ရော ခင်ပွန်းသည်ပါ အရမ်းချစ်ကြသလို၊ သူ့အကိုနဲ့အမတွေကလည်း ညီမငယ်လေးမို့ အရမ်းချစ်ကြပါတယ်။
“ဟော..သင်္ချာပုံလေးတွေပါလားသမီးရဲ့ ပြော မေမေ ဘယ်ပုံကိုဆွဲပြပေးရမလဲ”
“ ဒီပုံ၊ ဒီပုံ”
“ ဒါလား…..အော်…ဒါက ပဉ္စဂံ လို့ခေါ်တယ်သမီးရဲ့ သူ့က အနား ၅ နားရှိရမယ်လေ၊ ပြီးတော့ အနား ၅ နားရှိရင် ပြီးရောဆိုပြီး ဖြစ်သလိုဆွဲထားရင် ဘယ်လှမလဲသမီးရဲ့၊ စာအုပ်ထဲကပြထားတဲ့ပုံလေးအတိုင်းဆွဲရင် ဘယ်လောက်လှသလဲ၊ သမီးလေး အများကြီးဆွဲရင် ကျွမ်းကျင်လာမှာပေါ့ကွယ်”
“ အော…..မီးမီးသိပြီ…………။ ဒါက မီးမီး၊ ဒါက ကိုကိုနဲ့မမ၊ အပေါ်က ဖေဖေနဲ့မေမေ၊……..ဟုတ်တယ်မလားမေမေ”
သူ့စိတ်ကူးလေးနဲ့ပုံလေးကိုဆွဲလို့ နှုတ်ကလည်းတတွတ်တွတ်ရွတ်နေတဲ့ သမီးလေးဟန်ပန်က တစ်ကယ်ပဲချစ်စရာကောင်းနေ ပါတယ်။ မြနှစ် တစ်ယောက်ထဲမပြီးခဲ့ သူ့ကိုကို၊ မမနဲ့ သူ့ဖေဖေကိုလည်း ဆွဲထားတဲ့ပုံလေးကိုလိုက်ပြလို့ သဘောကျနေတဲ့သမီး ငယ်လေးအတွက်တော့ ဒီပုံလေးက နမူနာကောင်းလေးတစ်ခုပဲလေ။ အောက်ခြေကစလို့ အပေါ်ကမိုးထားတဲ့ တန်းလေး ၂ချောင်းနဲ့ ချစ်စရာ့ ပဉ္စဂံ ပုံလေးတွေကို သမီးလေးသဘောကျစွာနဲ့ အများကြီးကိုရေးဆွဲနေတော့တာ။ အဲ့ဒီနေ့လေးကို မြနှစ် ဘယ်တော့မှမမေ့တော့ပေ။
***-----***-----***-----***-----***-----***-----***-----***-----
 “ မြရည်…..မြရည်..သမီးလေး ဘာဖြစ်လာတာလဲ၊ ဘာဖြစ်လာတာလဲ၊ ပြောပြော..မေ့မေ့ကိုပြော”
ကျူရှင်ကပြန်လာတဲ့ သမီးလေးမြရည် မျက်နှာကြီးစူပုပ်ပြီး အိမ်ပေါ်လှမ်းတက်လာကတည်းက အပြင်မှာတစ်ခုခု ဖြစ်ခဲ့တာ သေချာပါပြီ။ အလိုမကျမှုတစ်ခုခုဆိုတိုင်း မျက်နှာမှာပေါ်လွင်နေတဲ့ သမီးလေးက ဒီတစ်ခါ ဘာများဖြစ်ခဲ့ပါလိမ့်။ အိမ်ပေါ်တက် စကားမပြောပဲ အိပ်ခန်းဆီသို့သာ တန်းဝင်သွားတဲ့ သမီးလေးနောက်ကို ဒေါ်မြနှစ်အပြေးလိုက်လို့ အမောတကော မေးရပါပြီ။
“ ဟဲ့… ဟဲ့..ဒါက ဘာဖြစ်နေတာလဲ။ ပြောပါ မေ့မေ့ကိုပြောပါ။……….မြ ..ရည်…”
မြင်ရာမြင်ရာ အ၀တ်တွေ၊ ပစ္စည်းတွေကို ဆွဲလို့ လွင့်ပစ်နေတဲ့ သမီးငယ်ကို ကျွန်မ လေသံနဲနဲမာပြီးမေးလိုက်မှ-
“ ဘာဖြစ်ရမလဲ မေမေ၊ တစ်ခါမကတော့ဘူး။ ဒါပါနဲ့ဆို ၃ ခါ၊ ၃ခါ၊ ဟွန်း မပြောလိုက်ချင်ဘူး မိန်းမတွေ ယောက်ျားရှားနေလားမသိဘူး  ကဲကိုကဲတယ်”
“ သေချာရှင်းရှင်းပြောစမ်းပါ သမီးရယ်။ မေမေ နားမလည်လို့ပါ ”
“ မေမေ အဲ့လို ဘာမှနားမလည်လုပ်နေ၊ ဟိုမှာ သူများနောက်ပါတော့မယ်”
“ ဟဲ့ ဒါက ဘာစကားတုန်း၊ ဘယ်သူက ဘယ်သူ့နောက် ပါမှာတုန်း”
“ ဘယ်သူရှိရမလဲမေမေ ဖေဖေပေါ့၊  မိန်းမတစ်ယောက်နဲ့ သမီးတွေ့တာ 3 ခါရှိနေပြီ။ သမီးတို့ဆရာမကို အိမ်ပြန်လိုက်ပို့တဲ့လမ်းမှာ  သူငယ်ချင်းတွေပြလို့ သမီးကမြင်တာ ဖေဖေကမမြင်ဘူး။ လမ်းဘေးက မုန့်တီဆိုင်မှာ ဖေဖေက ရယ်လို့မောလို့၊ ဟွန်း…….ဟိုမိန်းမကလည်း မျက်နှာကြီးကိုဖြီးလို့….။
“ အော်….ဘာများလဲလို့ သမီးရယ်…. ဒီလိုပဲ အလုပ်ကိစ္စနဲ့ သွားတာ လာတာနေမှာပေါ့။  သမီးဖေဖေက အလုပ်များတယ်မလား၊ ဒီလိုပဲ လူပေါင်းစုံနဲ့ သွားရလာရမှာပေါ့။ ဘာမှမဟုတ်ပါဘူးသမီးလေးရယ်။ မဟုတ်တာမတွေးနဲ့နော် ငါ့သမီးလေး ငရဲကြီးနေပါ့မယ်။”
ဒေါ်မြနှစ် အသံကိုမနည်းထိန်းပြီးပြောလိုက်ရပေမယ့် သမီးလေးကတော့ အတော့ကိုဝမ်းနည်းနေပုံပါ။ အိမ်မှာဆို အဖေဖြစ်သူရဲ့ တည်တည်ငြိမ်ငြိမ်ပုံစံကို သူတစ်သက်လုံးမြင်တွေ့လာခဲ့ရတာမလား၊ အပြုံးအရယ်နည်းပြီး အေးဆေးတည်ငြိမ်တဲ့ သူတို့အဖေကို သူတို့ဂုဏ်ယူမဆုံးခဲ့ပေ။ အပြင်မှာခုလို သွားတယ်၊ လာတယ်ဆိုတော့ သူ့စိတ်ထဲ မခံချင်ဖြစ်ပြီးဝမ်းနည်းလာပုံရပါတယ်။
စကားတောင် လိုအပ်မှပြောလေ့ရှိတဲ့ ခင်ပွန်းသည်ကို မြနှစ်ကော ကလေးတွေကပါ ချစ်ကြောက်ရိုသေကြပါတယ်။ လေးလေးစားစားနဲ့ တသက်လုံးနေလာခဲ့တဲ့သူတို့အဖေကို ခုလိုမျိုး မိန်းမငယ်လေးနဲ့ ရယ်မောနေတာကိုမြင်တော့ သမီးလေးစိတ် ထဲ အလိုမကျမှုတွေ ဖြစ်လာခဲ့တယ်ဆိုတာ့ မြနှစ်တွက်ဆမိပါတယ်။
ဘာရယ်လို့မဖြစ်လာသေးတဲ့ ပုစ္ဆာတစ်ပုဒ်ကို ကြိုတင်ပြီးအဖြေမထုတ်ချင်ခဲ့။ အငယ်ဆုံးသမီးလေးတောင် 10 တန်းရောက်နေမှ သ၀န်တိုတာတွေ ဘာတွေလည်း မြနှစ်မတွေးတတ်၊ မသိတတ်ခဲ့ပါ။ ဒါပေမယ့် မသိစိတ်ထဲကနေတော့ အရာရာကိုကြိုတင်ပြင်ဆင် ထားဦးမှဟု………………..။
***-----***-----***-----***-----***-----***-----***-----***-----
“မေမေ..ဖေဖေဒီတစ်ခါခရီးသွားတာကြာလိုက်တာ”
မီးဖိုချောင်ထဲထမင်းချက်နေတဲ့ ကျွန်မ၊ နောက်ကသိုင်းဖက်ပြီးမေးလာတဲ့ သမီးလေးကို ကျွန်မအပြုံးလေးနဲ့ပဲ တုန့်ပြန်လိုက်ပါတယ်။ ပထမတစ်ခါကတည်းက သံသယစိတ်တွေဖြစ်တည်နေတဲ့ သမီးလေးက သူ့အဖေကို သံသယတွေနဲ့သာ မြင်နေမိပါတော့တယ်။ 10 တန်းစာမေးပွဲက တဖြည်းဖြည်းနီးကပ်လာတာနဲ့အမျှ စာမေးပွဲကိုသာ အာရုံစိုက်ဖို့ ကျွန်မ မကြာခဏ သတိပေးနေရပါတယ်။
“ ဘာတွေ တွေးနေပြန်ပီလဲသမီးလေးရဲ့ မေ့မေ့ကိုပြောသွားပါတယ် ဒီတစ်ခါ ရက်နဲနဲကြာမယ်တဲ့”
“ မေမေသိရင်ပီးတာပဲ၊ သမီးက မေမေမသိဘူးထင်လို့”
အိမ်ရှေ့ဘက်လှည့်ထွက်သွားတဲ့သမီးလေးက အဝေးရောက်သွားပေမယ့် စကားသံတို့အနားမှာ လွင့်ပျံနေဆဲပါလား။ တစ်ဆက်တည်းမှပဲ လူမသိ၊ သူမသိ ဆုံးဖြတ်လိုက်တဲ့ မြနှစ်ရဲ့ ဆုံးဖြတ်ချက်ကို သားတို့သမီးတို့ နားလည်မှာပါဟု တွေးလိုက်မိရင်းက သမီးလေးရဲ့စာမေးပွဲ မြန်မြန်ပြီးပါစေဟုသာ……………..။
***-----***-----***-----***-----***-----***-----***-----***-----
“ မေမေ…ဒါ တကယ်လား၊ တကယ်လားဟင် မေမေ၊”
“ ဟုတ်တယ်သမီးတို့၊ ကဲပါ လာလာ ထိုင်ကြပါဦး၊ မတ်တပ်ကြီးနဲ့ကွယ်”
သားသမီး ၃ ယောက်တို့ အပြိုင်အဆိုင် တစ်ယောက်တစ်ပေါက်မေးသံကို တည်တည်ငြိမ်ငြိမ်နဲ့ ပြန်ဖြေပေးနေတဲ့ မြရည်တို့ မေမေကို မြရည် အံ့သြမိပါတယ်။ ဆုံးဖြတ်ချက်တစ်ခုကိုချလိုက်ပြီး၊ ကိုယ့်ဆုံးဖြတ်ချက်ကို ကိုယ့်ဘာသာတာဝန်ယူတဲ့ ခံယူချက်နဲ့ အရာရာကို အေးဆေးတည်ငြိမ်စွာနဲ့ ဆုံးဖြတ်ပြောဆိုနေတဲ့ မေမေက မြရည်တို့အတွက်တော့ တစ်ကယ့်သူရဲကောင်းပါပဲ။
တစ်ဖက်သားမိန်းကလေးအတွက် စဉ်းစားပေးလိုက်ပြီး ခင်ပွန်းဖြစ်သူနဲ့ဆွေးနွေးကာ သမီးလေးစာမေးပွဲပြီးတဲ့အထိ တောင်းပန် ထားခဲ့တဲ့မေမေ၊ ဟန်မပျက်နေခဲ့ပေမယ့် မေ့မေ့ရင်ထဲ ဘယ်လောက်များကြေကွဲနေတယ်ဆိုတာ မြရည်တို့ မသိခဲ့ပါလား။
ဘ၀ရဲ့တစ်ဝက်လောက်ထိ တာဝန်ကျေခဲ့တဲ့ ဖေ့ဖေ့ကိုလည်း နားလည်ပေးနိုင်ဖို့ မေမေဘာလို့များ တတွတ်တွတ်ပြောနေပါလိမ့်။
“ သားနဲ့သမီးတို့ သမီးတို့ဖေဖေက သားတို့သမီးတို့ကို အားလုံးပြည့်စုံအောင် လုပ်ထားပေးခဲ့ပြီပဲ။ အသိဥာဏ်၊ ကိုယ်ကျင့်တရား၊ တာဝန်ယူစိတ်နဲ့ ပြည့်စုံတဲ့ပညာအရည်အချင်းတွေ အားလုံးပြည့်စုံနေပီပဲ။ ဖေဖေ့ကို နားလည်ပေးလိုက်ပါ။ တဖက်သား မိန်းကလေးကိုလည်း ကိုယ်ချင်းစာပေးလိုက်ကြပါနော်”
အဲဒီနေ့က မြရည် 10 တန်းဖြေပြီး ၁ လအကြာမှာဖြစ်ပါတယ်။ မိသားစု ၄ ယောက် ဧည့်ခန်းထဲထိုင်ပြီးစကားပြောနေပုံက  မြရည်ငယ်ငယ်ကဆွဲခဲ့တဲ့ မညီမညာ စတုဂံပုံပါလား။ တစ်ခါက စိတ်ကူးယဉ်လို့ မိသားစုလေးသဖွယ် ဆွဲခဲ့တဲ့ ငါးနားညီ ပဉ္စဂံပုံလေးကို မြရည် ပြေးပြီးမြင်ယောင်လိုက်ပါတယ်။ ခု မြရည်တို့ရဲ့ ငါးနားညီပဉ္စဂံလေးက ခေါင်မိုးတစ်ချက် ဟ သွားခဲ့ပြီမဟုတ်လား။
မေမေရဲ့ဦးဆောင်မှုအောက်မှာ မြရည်တို့မောင်နှမတွေ ဘ၀ကို အေးချမ်းစွာနဲ့ပျော်ရွှင်စွာနေခဲ့ကြတယ်။ မေမေ့ဘက်က မိသားစု တွေရဲ့ နွေးထွေးတဲ့အရိပ်အောက်မှာ မြရည်တို့တွေ မျက်နှာမငယ်နေခဲ့ကြတယ်။ ဒါပေမယ့်လည်းလေ တစ်ခါတလေတော့လည်း ဖေ့ဖေ့ကို သတိရမိကြတာပဲ။ မြရည်တို့က နှုတ်ကဖွင့်ပြောလို့သတိကြရပေမယ့် မေမေကတော့ တစ်ခါမှ မပြောခဲ့။
နှစ်တွေတဖြည်းဖြည်းကြာလာတာနဲ့အမျှ မမနဲ့ ကိုကိုတို့ အိမ်ထောင်ကျသွားကြတော့ မေမေနဲ့ကျန်ခဲ့ရသူက မြရည်ပဲလေ။ မေမေ့ရဲ့အတွင်းစိတ်နဲ့ ခံယူချက်ကို မြရည်ပိုပြီးနားလည်လာရပါတယ်။ တဖြည်းဖြည်းကုန်မြန်လာတဲ့ အချိန်တွေကြားမှာ မေမေလည်းအသက်ကလေးရလာတော့ မြရည်ကိုစိတ်မချခဲ့ပြန်ဘူး။
“ မေမေ သမီးအိမ်ထောင်မပြုချင်ဘူး မေမေနဲ့ပဲ တသက်လုံးနေမယ်လေ နော်”
“ အော်……..သမီးလေးရယ်။ ဒီလိုလဲဘယ်ဟုတ်ပါ့မလဲ၊ အရာရာတိုင်းကို အကောင်းချည်း၊ အဆိုးချည်းပဲ တွက်မထားရဘူးလေ၊ သမီးလေးလည်း ငယ်တော့တာမှမဟုတ်တာ၊ ပြီးတော့ မောင်အောင်ကလည်း သမီးနဲ့ရင်းနှီးပြီးသားပဲဟာကို၊ သူကလေးကလည်း ငါ့သမီးလေးကို ချစ်ခင်စုံမက်ရှာတယ်မဟုတ်လား”
မေမေ့ရဲ့ပြောစကားတွေက စကားဆိုးတွေဖြစ်နေဦးတော့ မြရည်နားထဲမှာ အေးအေးငြိမ့်ငြိမ့်လေးနဲ့ပဲ ၀င်သွားမိမှာပါ။ မိန်းကလေး တစ်ယောက်ရဲ့ဘ၀တစ်ခုလုံးအတွက် တစ်ခါတည်းသောဆုံးဖြတ်ချက်ကို မြရည် မေမေနဲ့သာအတူတကွ ဆုံးဖြတ်ခဲ့ပါတယ်။
အိမ်ထောင်သက် ၅ နှစ်ကျော်လောက်ထိ မေမေရယ်၊ ကိုအောင်ရယ်၊ မြရည်ရယ်တို့ အတူတကွပျော်ရွှင်စရာနေခဲ့ရတော့ မြရည် ကြည်နူးမိတာပေါ့။ “ အော်… တစ်ခါတလေတော့လည်း ဘ၀ဆိုတာ ပျော်စရာ၊ ကြည်နူးစရာနဲ့ ရင်ခုန်စရာကောင်းပါလား” လို့ မြရည် တိုးတိုးလေးညည်းကြည့်ဖူးပါတယ်။
ဟော…ခုတော့ မြရည်မှာ အသက် ၄ နှစ်အရွယ် သမီးလေးပင် ရလာခဲ့လေပြီ။ တစ်ခါကြုံထားဖူးတဲ့ သံသယကို မြရည် ကြောက်မိပါတယ်။ တစ်ချိန်ချိန်မှာ မေ့မေ့လိုအဖြစ်မျိုးများဖြစ်လေမလားလို့ မြရည်ခဏခဏတွေးပူမိပါတယ်။
ခုလည်း ပတ်ဝန်းကျင်က ပြောလာတဲ့ စကားတွေ မြရည်ကြားနေခဲ့ရပြီ။ မြရည် မေမေ့လိုစိတ်ဓာတ်မျိုးရှိပါ့မလား၊ မြရည်ရဲ့သမီးလေးကခုမှငယ်ငယ်လေးရှိသေးတာ။ ပြီးတော့ ကိုအောင်၊ ကိုအောင်က မြရည်ကို ငယ်ငယ်ကတည်းက ချစ်ခဲ့တာပဲ။ ဘုရား၊ ဘုရား၊ ဘာမှမဟုတ်တာတွေ မဖြစ်လာပါစေနဲ့……………………….။
“မေမေ၊ မေမေ၊ မီးမီးဗိုက်ဆာပြီ”
“ အော..သမီးလေး..”
ကျွန်မဘယ်လောက်များအတွေးတွေများသွားပါလိမ့်။ အိပ်တောင်ပျော်သွားလားမသိ၊ သမီးလေးအသံကြားမှ အသိတရားတွေ ပြန်ဝင်လာခဲ့ရပါတယ်။
“ မေမေ ခွံ့ကျွေးမယ်နော်သမီး”
“ ဟုတ်”
ညနေစာကိုစောစောစားတတ်တဲ့သမီးလေးက ထမင်းကိုအားရပါးရစားနေလေရဲ့၊ ခေါင်းပေါ်တည့်တည့်ကတိုင်ထိပ်ကနာရီကို အမှတ်မထင်မော့ကြည့်လိုက်တော့ နာရီလေးက တြိဂံပုံလေး၊ ကျွန်မအရူးတစ်ယောက်လိုထပ်ပြီး ဆုတောင်းမိပြန်ပါပြီ။ ကျွန်မတို့ မိသားစု ၃ ယောက် ဘ၀တသက်လုံးပျော်ပျော်ရွှင်ရွှင်နေသွးရပါလို၏……လို့။
“ ဟေး……………ဖေဖေပြန်လာပြီ”
“ ဟင်…………ကိုအောင်”
“ မပြောမဆိုနဲ့ တိုးတိုးလေးပြန်လာတာပေါ့လေဟုတ်လား”
“ ဟုတ်တယ်မြရည်ရဲ့ မိန်းမနဲ့သမီးလေးကို လွမ်းလို့လေ၊ ပြီးတော့ နောက်တစ်ပါတ်ကျရင် ကိုယ်တို့ရုံးက ဟိုကောင်မလေးလေ သိလား၊”
“ ဘယ်သူလဲ သီတာ လား”
“ အော..င့ါမိန်းမက သိသားပဲ၊ ဟုတ်တယ် သူမင်္ဂလာဆောင်မှာ အဲဒါ ကိုယ်တို့မိသားစုသွားကြမယ်” 
“ဟယ်………………….”
ကျွန်မဘယ်လောက်များပျော်လိုက်သလဲ၊ ကျွန်မရင်ထဲကို ခဏလောက်ဝင်ကြည့်ပေးကြပါလားနော်။ တစ်ကယ်တော့ ဘ၀ဆိုတာ တွေးထားတာတွေလည်း မဟုတ်ပါလားလို့ ကျွန်မဘာသာတွေးလိုက်မိရင်းက ဒီတစ်ခါပြုံးလိုက်အတဲ့ အပြုံးလေးတစ်ချက်က အသက်အ၀င်ဆုံးပဲမဟုတ်ပါလားနော်………………….။
26.3.2014
စိမ့်စမ်းရေ











Read More
Posted by စိမ့်စမ်းရေ on Sunday, April 20, 2014

foot binding (aka Lotus Feet). ခြေစည်းခြင်း။ 






ငယ်ငယ်တုန်းက ခြေသေးတရုတ်မ ဆိုတာ ကြားဖူးတယ်။ ခြေထောက်သေးလို. ခေါ်တယ်ထင်တာ။ အမှန်က တရုတ်ပြည်မှာ ခြေစည်းတာကို ခုခေတ်မှာ ဒေါက်မြင့်ဖိနပ်စီးသလို သဘောထားကြတာပါ။ တန်ဖိုးကြီး ဖန်စီဒေါက်မြင့်ဖိနပ် အမြင့်ကြီးစီးတာကို ခုခေတ်မှာ ပိုက်ဆံတတ်နိုင်ခြင်း ချမ်းသာခြင်းရဲ့ အမှတ်အသားတခုလို သဘောထားကြတယ်။ အဲ့ဒီခေတ်တုန်းကလည်း ခြေထောက်လေး ချွန်နေတာ (မသွားနုိုင် လမ်းမလျှောက်နိုင် မပြေးနိုင်တာ) ချမ်းချမ်းသာသာ နေရလို. အခန်.သားထိုင်နေရတယ်ဆိုတဲ့ social status တခုကိုပြချင်လို.ဖြစ်ပါတယ်။ တရုတ်ယောက်ျားတွေကလည်း အဲလိုခြေလေး သေးချွန်ပြီး နေမှ အရမ်း attractive ဖြစ်တယ် လက်ထပ်ဖို.သင့်တော်တယ်လို. ယူဆကြတယ်ဆိုပဲ။

ခြေစည်းတာ ဘယ်လောက်ခေတ်စားလဲဆိုရင် ဆင်းရဲတဲ့မိသားစုတစုမှာ သမီးအကြီးဆုံးမွေးရင် ခြေစည်းပြီး ပစားပေးထားရပါသတဲ့။ နောက်မွေးလာတဲ့ သမီးလေးများက လယ်ထဲဆင်း ကောက်စိုက် အလုပ်ကြမ်းလုပ်ြ့ပီး အဲဒီခြေသေးမကို လုပ်ကျွေးရပါတယ်။ ခြေမစည်းတဲ့မိန်းကလေးများ အမြင့်ဆုံးဖြစ်ရင်တောင် မယားငယ်(cocubine) လောက်ပဲဖြစ်ကြရပါသတဲ့။

မိန်းကလေးငယ်ငယ် (၄နှစ်ကနေ ၉ နှစ်)အရွယ်ကနေ ခြေစည်းဖို. ဆုံးဖြတ်ပြီးရင် ပထမဆုံးအဆင့်က ခြေထောက်ကို ရေနွေးတွေ တိရိစ္ဆာန်သွေးတွေနဲ. ဆေးမြစ်တွေနဲ.ဆေြး့ပီး နှိပ်နယ်ပေးရပါသတဲ့။ ပြီးရင် နောက်တဆင့်ကတော့ ခြေမကလွဲလို. ကျန်တဲ့ခြေလေးချောင်းစလုံးကို ချိုးလိုက်ရပါတယ်။ ပြီးရင် အဝတ်နဲ. တရက်ကို သုံးလေးနာရီစီ နှစ်ချီပြီး စည်းထားလိုက်တာပါပဲ။ ပြီးရင် သေးနိုင်သမျှ အသေးဆုံး ဖိနပ်ကိုစီးပေးထားပါတယ်။ အဲလိုနဲ. ခြေထောက်အရှည် လေးလက်မလောက်ပဲရှိတဲ့အထိ စည်းရပါတယ်။

တရုတ်ကြီးတွေ ဘာလို. ခြေစည်းတာကြိုက်သလဲဆိုရင် ခြေစည်းတဲ့ အမျုိုးသမီးတယောက်က လမ်းလျှောက်ရင် ခြေမလေးပဲ ထောက်ထောက်ပြီးလျှောက်ရတာဆိုတော့ မြန်မြန်လည်း မလျှောက်နိုင် ယိုင်တိုင်ယိုင်တိုင်နဲ. ယိမ်းနွဲ.ပြီး (မလဲအောင်) လျှောက်ကြတာကို သူတို.က အကြိုက်တွေ.ပါတယ် (ခုခေတ် ပင်ဆယ်လ်ဟီးလ်စီးသလိုပေ့ါ)။ အဲဒါကိုပဲ erotic ဖြစ်တယ်လို. ယူဆကြပါသတဲ့။ချင်မင်းဆက် (Qing Dynasty) က sex manual (အလဲ့ တယ်လာပါလား) မှာဆိုရင် အမျိုးသမီးတွေရဲ. စည်းထားတဲ့ခြေနဲ. (ခြေအိပ်ဝတ်ပြီးမှပေါ့) ကစားတဲ့နည်း ၄၈ မျိုးတောင်ပါတယ်လို.ဆိုပါတယ်။ တကယ့် foot fetish သမားတွေ။ နောက်တခုက အဲလိုခြေစည်းတဲ့ အမျိုးသမီးတယောက်ဟာ ဘာ အိမ်မှုကိစ္စမှ လုပ်ဖို.မလွယ်ပါဘူး။ ဘယ်မှလဲ မသွားရမလာရတော့ ယောင်္ကျားတွေက စိတ်ချတယ်ပါတယ်တဲ့။ ဒီမိန်းမ ဘယ်မှပြေးလို.မရဘူး ငါပိုင်ပြီပေါ့လေ။

ဒီခြေအိပ်ကို ချွတ်လိုက်ရင်တော့ သူတို.ကြိုက်ချင်မှကြိုက်ပါလိမ့်မယ်။ ကျန်တဲ့ခြေလေးချောင်းက ကောက်ကွေ.ပြီး ခြေဖဝါးမှာကပ်နေတာဆိုတော့ အဲ့အထဲကို ရေနဲ.စင်အောင်ဆေးဖို.ရာမလွယ်တဲ့အတွက် မှိုတွေတက်ပြီး နံစော်နေတာပါပဲတဲ့။ တသက်လုံး disable ဖြစ်သွားတာမျိုးပါ။ နောက်ပိုင်း anit footbinding campaign တွေလုပ်ပြီးမှ တဖြည်းဖြည်းနောက်ပိုင်းပျောက်သွားတာဖြစ်ပါတယ်။ အလှအပအတွက် အဆင့်အတန်းတခုအတွက် လက်ကောင်းခြေကောင်းတွေ အဓိပ္ဗါယ်မရှိ ကျိုးခဲ့ကြရတာပေါ့။


 ဖေ့ဘုတ်ပေါ်မှ ဖတ်ရသမျှကို ဗဟုသုတအဖြစ် ပြန်လည်မျှဝေပါသည်။

Read More
Posted by စိမ့်စမ်းရေ on Sunday, March 30, 2014


မကြီးမေကြည်



ညနေ 6 နာရီထိုးလို့ မှောင်ရီပျိုးစအချိန်ဆိုရင်တော့ ရပ်ကွက်တစ်ခုရဲ့ဒေါင့်ချိုးလေးတစ်ခုမှ စာကျက်သံ၊ စာဖတ်သံတို့ဆူညံနေတဲ့ စာသင်ဝိုင်းလေးကို ခပ်ဝေးဝေးကပင် လှမ်းမြင်ရမှာဖြစ်ပါတယ်။ 

အလင်းရောင်သိပ်မထွန်းလင်းပေမယ့် အားရပါးရစာကျက် နေကြ၊ စာဖတ်နေကြတဲ့ ကလေးငယ်များရဲ့ အသံများကတော့ အားရှိစရာထွက်ပေါ်နေမှာပါ။

တလှုပ်လှုပ်တရွေ့ရွေ့နဲ့ ရွေ့လျားနေတဲ့ အရိပ်နှစ်ခုက ပူးသွားလိုက်၊ ခွာသွားလိုက်နဲ့ အဝေးကလှမ်းမြင်နေရတာမို့ စာကျက်နေကြတဲ့ ကလေးငယ်တွေရဲ့ မျက်လုံးတွေက လမ်းမဘက်က အကြည့်မခွာကြပေ။

တဖြည်းဖြည်း နီးကပ်လာတဲ့ ထိုပုံရိပ်တို့ သဲကွဲလာတဲ့အခါမှာတော့
“ဆရာမ..ဆရာမ.. ဧည့်သည်ရောက်နေလို့”

အိမ်အတွင်းပိုင်းလေးမှာ စာပြနေတဲ့ကျွန်မ  ၄ တန်းတပည့်လေးရဲ့အသံကြောင့် အိမ်ရှေ့ဘက်ဆီသို့ လှမ်းကြည့်လိုက်ပါတယ်။ ဧည့်သည်လာရင် ဧည့်ခံစကားပြောနေကျ လူနှစ်ယောက်စာနေရာလေးမှာ အကျအနဧည့်ခံပေးထားတဲ့ ဧည့်သည် ၂ယောက်က ၅ နှစ်အရွယ်ကလေးမလေးတစ်ယောက်နဲ့ အိုမင်းစပြုနေတဲ့ အန်တီတစ်ယောက်ကို မြင်လိုက်ရပါတယ်။ ကျောင်းလာအပ်တယ်ဆိုတာ မမေးပဲသိနိုင်ပေမယ့်

“ဟို….အန်တီ”
“ဆရာမလား မသိဘူးနော်..၊ ဒီ မြေးမလေးကို ကျူရှင်လေးထားချင်လို့ပါသမီးရယ် အဲဒါလေး……..”

ပါးစပ်ကလည်းပြော လက်ကလည်းလှမ်းကိုင်လာတဲ့ သန်မာတဲ့လက်တွေက ကျွန်မရဲ့ညာလက်ဆီသို့သာ။ အားကိုးတကြီး ဆုပ်ကိုင်လိုက်တဲ့ ဒီလက်တွေက အကြောပြိုင်းပြိုင်းထနေပေမယ့် အားမာန်တွေအပြည့် ကျန်နေပါသေးတယ်။

“အော်…ရတာပေါ့ အန်တီ..ထိုင်ပါ။ ထိုင်ပါ၊ လာ လာ သမီးလေး  ဆရာမဆီကိုလာ”

မူလထိုင်နေရာမှ မတ်တပ်အနေအထားဖြစ်သွားကြတဲ့ မြေးအဖွားနှစ်ယောက်ကို ကျွန်မကပဲဦးဆောင်ပြီးတော့ စကားလမ်းကြောင်း စ ပေးလိုက်ရပါတယ်။ အဖွားဖြစ်သူရဲ့ မေတ္တာကိုလည်း လှစ်ခနဲ မြင်လိုက်ရသလို စာသင်ခွင့်ရသွားတဲ့ ကလေးငယ်ရဲ့မျက်လုံးဝိုင်းဝိုင်းလေး၊ ကျေနပ်ပီတိဖြစ်သွားတဲ့ အဖွားဖြစ်သူရဲ့ အားရကျေနပ်မှုတွေရောနေတဲ့ မျက်ဝန်းညိုညိုတို့က ကျွန်မတွက်တော့ နောက်ထပ်အားဆေးတစ်ခုပေါ့။

စကားအတန်ကြာပြောပြီးချိန်မှာတော့ တီတီ လို့ခေါ်တဲ့ ဒီသမီးငယ်လေးက  ကျူရှင်တက်ချင်ကြောင်း၊ တခြားရပ်ကွက်ကလာခဲ့ ရကြောင်း စသည်စသည်ဖြင့်သာ။  ဖခင်မရှိတော့တဲ့ ဒီသမီးငယ်လေးရဲ့အမေကလည်း အဝေးတစ်နေရာမှာ။ အဖွားဖြစ်သူရဲ့ လက်ပေါ်ကြီးလို့ အဖွားကိုအမေလို့သတ်မှတ်ထားတဲ့ နုနယ်တဲ့ ဒီကလေးငယ်ရဲ့မျက်ဝန်းတို့ ဘာလို့များ အရောင်မတောက်ပါလိမ့်ဆိုတာ အကြောင်းတော့ပေါ်လာခဲ့လေပြီ။ အသက် 5 နှစ်ကျော်ကျော် ကလေးငယ်ရဲ့စိတ်ထဲမှာ ဘာတွေများတွေးနေသည်မသိ။ အဖွားရဲ့လက်ကိုဆွဲလို့ ပြန်ထွက်သွားချိန်ထိ စာကျက်နေကြတဲ့ ကလေးငယ်များဆီသို့ မျက်လုံးက မခွာခဲ့ပေ။

အော်…. မနက်ဖန်ဆိုရင် နောက်ထပ် ကျောင်းသူအသစ်လေးတစ်ယောက် ကျွန်မရဲ့ဘ၀ထဲ ရောက်လာပေဦးမည်။ တစ်နည်းပြောရရင်တော့ ဘ၀တစ်ခုအကြောင်း ထပ်သိရပေတော့မည်။ ဘ၀တစ်ခုရဲ့ဖြစ်ပျက်နေပုံအကြောင်းထဲ ကျွန်မ ၀င်ရောက်လည်ပတ် ရပေတော့မည်။

***----------***-----***-----***----------***-----***-----***----------***-----***-----

“ဟော သမီးလေး ရောက်နေပြီလား။ ဘယ်သူလိုက်ပို့လဲသမီး”
“ဖွားဖွား”

တစ်ခွန်းထဲသာဖြေလို့ ဟိုဘက်ပြန်လှည့်သွားတဲ့သမီးငယ်လေးကသနပ်ခါး အဖွေးသားလိမ်းလို့ ကြက်တောင်စည်းကလေးနဲ့၊ လှပတဲ့ ခေတ်ဆန်ဆန်အ၀တ်အစားတွေက တခြားကလေးတွေ အားကျစရာပင်။
အလုပ်ကကျွန်မ ပြန်ရောက်ချိန်မှာတော့ အိမ်မှာ ကလေးများက စုံနေပေပြီ။ 

အတန်းကြီးကလေးများက နေရာချပေးလို့ ကိုယ့်နေရာမှာကိုယ် ထိုင်နေကြတဲ့ကလေးငယ်တွေကြားထဲ မနေ့ကသမီးလေး တီတီကို တွေ့လိုက်ရပါတယ်။ အတန်းတူတွေနဲ့ အတူထိုင်နေတဲ့သမီးငယ်ကို ခဏထားခဲ့ပြီး အ၀တ်အစားလဲဖို့ ကျွန်မ အိမ်ထဲသို့ ၀င်သွားလိုက်တယ်ဆိုရင်ဖြင့် အိမ်ရှေ့ဘက်ဆီ မှာတော့ စကားပြောသံတို့ ကျန်ရစ်ခဲ့လေရဲ့။

ကျွန်မက ကျောင်းမှာတစ်နေကုန်သင်ခဲ့ရသမျှကျောင်းစာတွေကို ရှင်းပြပေးခြင်းသာ၊ အတန်းကြီးကလေးများက စာကျက်၊ သင်္ချာတွက်၊ မသိတာ၊ နားမလည်တာတွေကို လာမေးကြ၊ တစ်နေ့စာတစ်နေ့အပြီးလုပ်ကြရတာဆိုတော့ ကျူရှင်ပြီးချိန် ဆိုတာကလည်း ပုံသေတော့မရှိချေ။

အတန်းငယ်တဲ့ တီတီတို့လိုကလေးငယ်တွေကျတော့ ကျွန်မအနားမှာ ၀ိုင်းကြီးပတ်ပတ်ဒူဝေေ၀ပေါ့။ ကျောင်းမတက်ရသေးတဲ့ ကလေးငယ်တွေကြားထဲမှာ တီတီက အသက်အကြီးဆုံးဖြစ်နေပြီ။ ကျောင်းထားရမယ့်အချိန်ကိုကျော်လွန်ပြီးမှ ကျောင်းတက်ရတဲ့ ကလေးငယ်တစ်ယောက်ရဲ့မသိစိတ်ထဲမှာ ဘယ်လောက်များအားငယ်နေသည်မသိပါ၊ မျက်နှာငယ်လေးနဲ့ ဟိုကြည့်ဒီကြည့်ဖြစ်နေတဲ့ သမီးလေးတီတီကို ကျွန်မ ရင်ခွင်ထဲခဏတာ ဆွဲသွင်းလိုက်မိပါတယ်။

ထူးထူးခြားခြား အပြုအမူများဖြစ်သွားလားမသိ၊ ကျွန်မကို မော့ကြည့်လာတဲ့ ကလေးငယ်ရဲ့မျက်ဝန်းလေးတွေကို ကျွန်မ ပြန်ပြုံးပြ ပေးလိုက်ပါတယ်။ ပုံမှန်ကလေးငယ်များထက် မြင်မြင်ချင်းသံယောဇဉ်ကြောင့် သူလေးကိုတော့ ကျွန်မအချစ်တွေ ပိုမိပြန်ပါပြီ။

ဝ လုံးလေးတွေ တန်းစီနေအောင် ကြိုးစားရေးနေတဲ့ သမီးလေးတီတီကို အားလုံးနဲ့မိတ်ဆက်ပေးပြီးတော့ တစ်ဦးကိုတစ်ဦး ကူညီရိုင်းပင်းကြစေဖို့လည်း ထပ်မံပြီးသတိပေးလိုက်ပါတယ်။ မိဘနဲ့သားသမီးဆိုတာ အနီးဆုံးပေမယ့် အတူနေရချိန်နည်းရင် တစိမ်းဖြစ်တတ်တာပဲလေ။ ကျွန်မဆီရောက်လာကြတော့လည်း ကျွန်မရဲ့သားသမီးလေးတွေပေါ့။ 

ကျူရှင်ဆင်းချိန်ရယ်လို့ သတ်သတ်မှတ်မှတ်မရှိပေမယ့် 9 နာရီက နောက်ဆုံးပါ။ ပထမဦးဆုံးနေ့မို့လားမသိဘူး သမီးလေးတီတီက ပျော်နေပုံရပါတယ်။ ကလေးများအားလုံးနှုတ်ဆက်ကာပြန်သွားသည့်တိုင် တီတီတို့အိမ်က မည်သူမှ လာမကြိုပါ။ 

“ တီတီ….သမီလေး…. ဖွားဖွားက လာကြိုမယ်လို့ပြောလား”
“ မီးမီး မသိဘူး”

လွယ်အိတ်လေးကို လွယ်လို့ အဖွားဖြစ်သူလာကြိုမယ့်လမ်းလေးကို ငေးနေတဲ့ သမီးလေးတီတီကို ကျွန်မ လိုက်ပို့ဖို့ ဆုံးဖြတ်လိုက်ပါတယ်။ မိဘလာမကြိုတဲ့ အားငယ်မှုကို ကျွန်မငယ်ငယ်က ခံစားဖူးခဲ့ရတယ်လေ။ ဘယ်လိုပြောရမှန်းမသိတဲ့ အားငယ်တဲ့ဝေဒနာကို ဒီသမီးလေးကို ကျွန်မ မခံစားစေချင်ဘူး။

“ ကဲ..လာ၊ သမီး ဆရာမတို့ လမ်းလျှောက်သွားကြမယ်။ လမ်းမှာ အဖွားနဲ့လဲ တွေ့ချင်တွေ့မှာပေါ့”
သမီးလေးတီတီကို လက်ဆွဲလို့ ကျွန်မတို့နှစ်ယောက်သားထွက်လာလိုက်ပါတယ်။ လမ်းမကြီး ၂ ခုလောက်ကျော်ပြီးမှ ရောက်ခဲ့တဲ့ တီတီတို့အိမ်က လမ်းအဆုံးမှာပင်။ 

“ ဖွားဖွား…ဖွားဖွား……….မီးမီး ပြန်လာပြီ”
“ ဟော…မြေးလေးပြန်လာပြီ။ ဆရာမရေ ကျွန်မလည်း မြေးလေးကိုလာကြိုမလို့ အဲဒါ ဟိုဘက်အိမ်ကို နာရီမေးနေတာ ခုလေးတင်ထွက်လာတော့မလို့” 

တီတီ့အဖွားက အိမ်ထဲကနေထွက်လာပြီး လမ်းမပေါ်မှာရပ်နေတဲ့ကျွန်မကို ကမန်းကတန်းပြောရှာပါတယ်။
“ဟုတ်၊ ရပါတယ်၊ နောက်ရက်တွေတော့ လာကြိုပေးနော်၊ သွားလိုက်ပါဦးမယ် အန်တီ”
“ ကျေးဇူးတင်ပါတယ်ဆရာမရယ်”

ကျွန်မပြန်လာတဲ့ လမ်းတလျှောက်လုံးကို စိတ်မချဟန်နဲ့ အိမ်ထဲမ၀င်သေးဘဲ ရပ်ကြည့်နေတဲ့ တီတီ့အဖွားကို ခပ်ဝေးဝေး ရောက်တဲ့ထိ ကျွန်မလှမ်းမြင်နေရပါတယ်။ မြေးအဖွားနှစ်ယောက်တော့ ဘယ်လိုတွေကျန်ခဲ့တယ်မသိ၊ ကျွန်မတော့ အမြင့်ဆုံးခြေလှမ်းတို့နဲ့ အိမ်အရောက်သို့သာ။

***----------***-----***-----***----------***-----***-----***----------***-----***-----

တီတီနဲ့ကျွန်မတို့တွေ တဖြည်းဖြည်းကျော်ဖြတ်လာတဲ့ ပျော်စရာရက်လေးများထဲမှ တစ်ရက်မှာတော့……………..
“ ရော့.. ကိုကိုတစ်ခု၊ မမတစ်ခု၊”

“အမယ်။ တီတီက မုန့်တွေဝေပေးနေလို့ပါလား။ ဘာလို့ မုန့်တွေ ဝေနေတာလဲသမီးရဲ့”

 “မီးရဲ့ မကြီးမေကြည်လေ အဲဒါ ဟိုးအဝေးကြိးက ပြန်ရောက်လာတာ မီးတွက် မုန့်တွေများကြီးဝယ်လာတယ်၊ အင်္ကျီတွေကော၊ စကတ်တွေကော ၀ယ်လာတာ၊ မကြီးမေကြည်ကလေ ဒီတစ်ခါ မီးမီးနဲ့ အကြာကြီးနေမှာတဲ့။ ဒီအင်္ကျီလေးက ဒီနေ့မှ ၀ယ်လာတာ”

“ ဟုတ်လား။ ဒါဆို တီတီက ပျော်နေတာပေါ့၊ ဒါ့ကြောင့် ဒီနေ့ တီတီ အရမ်းလှနေတာ”

ကလေးငယ်တွေလက်ထဲမှာ မုန့်ထုပ်လေးတွေကိုယ်စီနဲ့ ပြုံးပျော်နေကြတဲ့ မြင်ကွင်းလေးက တစ်ကယ့်သဘာဝ အလှတရားပါ။ သနပ်ခါးအဖွေးသားနဲ့ ပြုံးလို့ပျော်နေတဲ့ သမီးလေးတီတီက ကျောင်းသားအားလုံးထဲမှာ အသံအကျယ်ဆုံးဖြစ်လို့နေလေသည်။ မောင်နှမသားချင်းမရှိဘူးလို့ ပြောသွားတဲ့ တီတီ့အဖွားမှာ ဘယ်က သမီးအကြီးမတစ်ယောက် ရှိနေပါလိမ့်လို့ ဘာမဆိုင် ညာမဆိုင်တွေးလိုက်မိပါတယ်။ 

လင်းလက်ပြီးတောက်ပလာတဲ့ ကလေးရဲ့မျက်ဝန်းလေးတွေကို သူ့ရဲ့မကြီးမေကြည်က တော်တော်လွှမ်းမိုးထားပုံရပါတယ်။ ပုံမှန်ထက် ပိုပြီး သွက်လက်ချက်ချာနေတဲ့ သမီးလေးတီတီ့အကြောင်းက ကျွန်မအတွေးများစွာကို နေရာယူလိုက်ပါတော့တယ်။ ဒီနေ့ကော တီတီ့အဖွားလာမကြိုရင် ခက်ရချေရဲ့လို့ စိတ်ထဲက တွေးလိုက်မိစဉ်မှာပဲ

“ ဆရာမ”
“ အင်း သမီး…… ပြော၊”
“ မီးမီးကို ဒီနေ့ မကြီးမေကြည် လာကြိုမှာ”
“ ဟုတ်လား”

စာအုပ်လေးကို လက်ကကိုင်လို့ ခန္ဓာကိုယ်က ဟိုဘက်ယိမ်းလိုက်၊ ဒီဘက်ယိမ်းလိုက်လုပ်နေရင်းက ပြောလာတဲ့ တီတီ့ရဲ့ စကားသံကို ကျွန်မသေချာကြည့်လိုက်ပါတယ်။ အရင်ရက်တွေကနဲ့ဘာမှမဆိုင်ပဲ စိတ်ထဲပျော်နေတာတွေက မျက်လုံးမှတစ်ဆင့် ခန္ဓာကိုယ်သို့တိုင်အောင် ဖွင့်လှစ်ပြနေတဲ့ သမီးလေးရဲ့ အမူအယာအားလုံးက အထူးအဆန်းတွေပင်။ 

ပြန်ချင်စောနဲ့ စာတွေကိုအမြန်ပြီးအောင်ရေးထားတဲ့ သမီးလေးလက်ရေးတွေတောင် မလှပချင်တော့။ ဘေးနားက ကျောင်းသူကျောင်းသားလေးတွေက စလိုက်၊ နောက်လိုက် လုပ်နေတာကိုတောင် ပြုံးပြ၊ ရယ်ပြ လုပ်နေတဲ့ တီတီလေးက သူ့မကြီးမေကြည်အကြောင်းပဲ ထပ်ကာထပ်ကာ ပြောလို့နေလေသည်။
“ အော်…မကြီးမေကြည်၊ မကြီးမေကြည်”

မမြင်ရာကိုမှန်းဆလို့ တီတီရဲ့ မကြီးမေကြည်ကို ကျွန်လည်းမြင်ဖူးချင်လှပါပြီ။ အမေကိုများ မကြီးမေကြည်ဟု ခေါ်သလား၊ တခြားအဒေါ်ဝမ်းကွဲတွေလား၊ အမ၀မ်းကွဲတွေလား ကျွန်မ မတွေးတတ်တော့။
သားသမီးတိုင်းရဲ့ မသိစိတ်တောင့်တမှုက မိခင်တွေပဲမဟုတ်ပါလား။ ခွဲခြားနေကြရတဲ့ သားသမီးနဲ့မိဘကြားက မသိမသာ ဝေးကွာမှု၊ တွယ်တာမှုတွေက မမြင်ရတဲ့အရာတွေပင်။ ကျွန်မရဲ့ကျောင်းသူကျောင်းသားတွေရဲ့ မပြည့်စုံကြတဲ့ အရာတွေများလှ ပေမယ့် အားလုံးက မိစုံဖစုံ၊ မောင်နှမတွေနဲ့ပင်။ 

ပုံစံမတူ တစ်မူကွဲနေတဲ့ အသိုင်းအ၀ိုင်းတစ်ခုက သမီးလေးတီတီကို စိတ်ဝင်စားမိတဲ့ကျွန်မ လွန်တယ်ဟုမထင်မိပါ။ 

“ဟော..လာပြီ။ မကြီးမေကြည်…မီးမီးဒီမှာ”
လှမ်းခေါ်လိုက်သံကြောင့် ကျွန်မလည်း တခြားနေရာမျက်စိရောက်နေရာကနေ လှမ်းကြည့်လိုက်ပါတယ်။ အိမ်ထဲကို လှမ်းဝင်လာတဲ့ ခေတ်ဆန်ဆန်လှပနေတဲ့ ညီမငယ်လေးတစ်ယောက်က တီတီ့ရဲ့ မကြီးမေကြည် ဆိုပါလား။

“အော်..လာလာ ညီမ၊ ဒီမှာလာထိုင်ပါ။ တီတီရဲ့ မကြီးမေကြည် ထင်ပါတယ်။”
“အော်. ဟုတ်ပါတယ်။ သမီးလေးက မေကြည့်သမီးပါ။ ငယ်ငယ်ထဲကသင်ပေးထားလို့ နှုတ်ကျိုးနေတာ”
“ တီတီက မေကြည့်အကြောင်းပဲ ဒီနေ့ ပြောနေတာ။ သူတော်တော်ပျော်နေပုံရတယ်၊ အော်….ဒါနဲ့ညီမ အချိန်ရတယ်မလား၊ တခြားကလေးတွေကို ပြန်လွှတ်လိုက်မလို့၊”

“ အော်…ဟုတ် ဟုတ်”
တခြားကျောင်းသားကလေးတွေပြန်သွားကြတော့ မေကြည်နဲ့ကျွန်မ အချိန်တော်တော်ကြာ စကားပြောဖြစ်ခဲ့ကြပါတယ်။ သူ့ဘ၀အကြောင်းလေးကို ရင်ဖွင့်သွားရှာတဲ့ မေကြည်က အလွန်ဆုံးရှိမှ 25 နှစ်လောက်ပါ။ ကျွန်မညီမအရွယ်လောက်လေး မို့လည်း မြင်မြင်ချင်း ကရုဏာ သက်မိခဲ့ပါတယ်။

“ သမီးလေးပိုးတီ အသက် 1 နှစ်အရွယ်လောက်ကတည်းက ညီမတို့လမ်းခွဲခဲ့ရပါတယ်။ 

ဘ၀ကိုရင်ဆိုင်ရင်းက ရွေးချယ်မိခဲ့တဲ့ မေကြည်ရဲ့လမ်းကြောင်းက အရက်ကုမ္မဏီတစ်ခုရဲ့ ၀န်ထမ်းပါ၊ နယ်တွေကိုခရီးထွက်ရ၊ ညနေပိုင်းတွေမှာသာလုပ်ရတဲ့ အလုပ်တွေရဲ့အကျိုးကတော့ သမီးလေးနဲ့မေကြည့်ကို ဝေးသွားစေတာပါပဲ။”

“မေကြည်လည်းလေ တစ်ခါတလေ သမီးလေးရဲ့ အမေလို့ခေါ်သံကို နားထောင်ချင်မိတယ်။ ဒါပေမယ့်လည်း အလုပ်ကို ပြန်လှည့်ကြည့်လိုက်တော့ ဒါတွေက နဲနဲအဆင်မပြေဘူးလေ။ ဒီနေ့တော့ ကျွန်မဆုံးဖြတ်လိုက်ပါပြီ။ သမီးလေးအနားမှာပဲနေပြီး သမီးလေးကိုပြုစုတော့မယ်လို့လေ။”

“သမီးလေးက ညီမကို ဒီနေ့ ဘာပြောလဲသိလား………။ “မကြီးမေကြည်…မီးမီးလေ..မကြီးမေကြည်မရှိရင် အရမ်းပျင်းတာပဲ” တဲ့ ၊ ညီမဖြင့် မျက်ရည်တောင်ဝဲမိတယ်အမရယ်။”

“ အမေကပြောပြတယ်လေ ဒီကဆရာမတို့မိသားစုအကြောင်းနဲ့ သမီးလေးအရင်လိုမဟုတ်ပဲ ပျော်နေတဲ့အကြောင်းတွေပေါ့၊ ကျွန်မဖြင့်လေ ကျေးဇူးတွေတင်လိုက်ရတာဆရာမရယ်။ အဲဒါကြောင့်လည်း ခုလိုလာပြီး အေးအေးဆေးဆေး စကားလာပြောတာပါ။”

“ အော်..ညီမရယ်.. အဲ့လောက်လည်းမဟုတ်ပါဘူး။ တီတီလေးကို သူ့အဖွားကျောင်းလာအပ်တဲ့နေ့ကတည်းက သတိထားမိ ပါတယ်။ ကလေးက တစ်ခုခုများလိုနေသလားလို့ပေါ့။ သူတဖြည်းဖြည်းနဲ့ စာသင်ရတာပျော်လာတယ်လေ။ ဒီက အကိုတွေ၊ အမတွေနဲ့ဆိုတော့ သူလည်းအဖော်ရတာပေါ့။ ကဲပါ ခုတော့အားလုံးလည်း အဆင်ပြေနေတာဆိုတော့ ညီမလည်း စိတ်ပူစရာ မလိုတော့ဘူးပေါ့။”

“ ကျေးဇူးပါ ဆရာမရယ်။ ညီမကိုပြန်ခွင့်ပြုပါဦးနော်။”

တီတီ့ကိုလက်ဆွဲလို့ ပြန်သွားကြတဲ့ မေကြည်တို့သားအမိနှစ်ယောက်ကို ကျွန်မအတန်ကြာငေးနေမိပါတယ်။ ကလေးအမေဆိုပေမယ့် ပုံမှန်ထက် လှပကျော့ရှင်းနေတဲ့ မေကြည့်ကို ကျွန်မဘယ်လိုများ သတ်မှတ်ပေးရပါ့မလဲ။ မိဘကလည်း မထောက်ပံ့ပေးနိုင်၊ တခြားညီကိုမောင်နှမတွေလည်းမရှိနဲ့ ကလေးလေး ၁ နှစ်အရွယ်ကတည်းက ဆုံးဖြတ်ချက်ချလို့ လျှောက်လှမ်းခဲ့တဲ့ သူ့လမ်းကြောင်းလေး နာမည်ပျက်စာရင်းနဲ့ မတိမ်းစောင်းတာကိုပဲ မေကြည့်ကိုလေးစားမိပါတယ်။ 

တာဝန်တွေကြားမှာ ပျော်မွေ့နေရတဲ့မေကြည့်နေရာ၊ အမေကိုအမခေါ်လို့ အသံတိတ်နေရှာတဲ့ သမီးလေးတီတီ့နေရာနဲ့၊ သမီးနဲ့မြေးဖြစ်သူကို ထိန်းနေရရှာတဲ့ အဖွားဖြစ်သူတို့ရဲ့ နေရာတွေကို ကျွန်မတစ်ဦးချင်းစီ ခဏလောက်တော့ ၀င်ကြည့်မိလိုက်ပါတယ်။ 

တစ်ကယ်တော့ ကျွန်မတို့ဆရာမတွေဆိုတာ့ ကျောင်းသားတွေကိုစာသင်ရင်းက သူတို့လေးတွေနဲ့ဘ၀တွေကို ၀င်ရောက်လည် ပတ်နေကြရတာမဟုတ်ပါလားနော်။ လည်ရင်းပတ်ရင်းက တစ်ဦးကိုတစ်ဦး ဖေးမလို့ ကူညီကြရင်းက အားလုံးရဲ့ဘ၀တွေ ရှင်သန်နေကြရတာလည်း မဟုတ်ပါလားနော်။


စိမ့်စမ်းရေ
23.2.2014








Read More
Posted by စိမ့်စမ်းရေ on Thursday, March 27, 2014

မြန်မာစစ်တပ် ရာထူးအဆင့်အခေါ်အဝေါ်များ

=========================









(၁) တပ်မတော်ကာကွယ်ရေးဦးစီးချုပ် Commander in Chief of Defense Services

(၂) ဒုတိယတပ်မတော်ကာကွယ်ရေးဦးစီးချုပ် Deputy Commander in Chief of Defense Services

(၃) ကာကွယ်ရေး ဦးစီးချုပ် Commander in Chief (Army)

(၄) ကာကွယ်ရေး ဦးစီးချုပ် (ရေ) Commander in Chief (Navy)

(၅) ကာကွယ်ရေး ဦးစီးချုပ် (လေ) Commander in Chief (Air)

(၆) စစ်ရေးချုပ် Adjutant General

(၇) စစ်ထောက်ချုပ် Quartermaster General

(၈) တပ်မတော်စစ်ဆေးရေး အရာရှိချုပ် Defense Services Inspector General

(၉) တပ်မတော်လေ့ကျင့်ရေး အရာရှိချုပ် Chief of Armed Forces Training

(၁ဝ) တပ်မတော် စစ်ဘက်ရေးရာ လုံခြုံရေး အရာရှိချုပ် Military Affairs Security (Chief)

(၁၁) စစ်ဦးစီးအရာရှိချုပ် (ကြည်း) Chief of Staff (Army)

(၁၂) စစ်ဦးစီး အရာရှိချုပ် (ရေ) Chief of Staff (Navy)

(၁၃) စစ်ဦးစီး အရာရှိချုပ် (လေ) Chief of Staff (Air)

(၁၄) စစ်ရာထူးခန့်ချုပ် Military Appointments General

(၁၅) စစ်ဥပဒေချုပ် Judge Advocate General

(၁၆) တွဲဖက်စစ်ရေးချုပ် Vice Adjutent General

(၁၇) တွဲဖက် စစ်ထောက်ချုပ် Vice Quartermaster General

(၁၈) တပ်မတော် တပ်ထိန်းချုပ် Provost Marshal

(၁၉) စစ်လက်နက်ပစ္စည်းညွှန်ကြားရေးမှူး Director of Ordinance

(၂ဝ) စစ်အင်ဂျင်နီယာ ညွှန်ကြားရေးမှူး Director of Military Enginerring

(၂၁) ဆေးဝန်ထမ်း ညွှန်ကြားရေးမှူး Director of Medical Services

(၂၂) ဆက်သွယ်ရေး ညွှန်ကြားရေးမှူး Director of Signal

(၂၃) ပစ္စည်းဝယ်ယူမှု ညွှန်ကြားရေးမှူး Director of Defense Services Procurment

(၂၄) ပြည်သူ့စစ်နှင့် နယ်ခြားစောင့်တပ်များ ညွှန်ကြားရေးမှူး Director of People Militias and Frontier Forces

(၂၅) ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူး Director of People Relation and Psychological Welfare

(၂၆) ပြန်လည်နေရာချထားရေး ညွှန်ကြားရေးမှူး Director of Resettlement

(၂၇) လေ့ကျင့်ရေး ညွှန်ကြားရေးမှူး Director of Military Training

(၂၈) သံချပ်ကာယန္တရားတပ်ဖွဲ့ ညွှန်ကြားရေးမှူး Director of Armor

(၂၉) အမြောက်တပ်ဖွဲ့ ညွှန်ကြားရေးမှူး Director of Artillery

(၃ဝ) တိုင်းမှူး Command Commander

(၃၁) တပ်မမှူး Division Commander

(၃၂) စစ်ဗျူဟာမှူး Tectical Operation Command

(၃၃) လက်ထောက်စစ်ဥပဒေချုပ် Assistant Judge Advocate General

(၃၄) တပ်ရင်းမှူး Commanding Officer

(၃၅) ဒုတိယ တပ်ရင်းမှူး Second in Command

(၃၆) စစ်ဦးစီးအရာရှိ (ပထမတန်း) General Staff Officer Grade I

(၃၇) စစ်ဦးစီးအရာရှိ (ဒုတိယတန်း) General Staff Officer Grade II

(၃၈) စစ်ဦးစီးအရာရှိ (တတိယတန်း) General Staff Officer Grade III

(၃၉) တပ်ရေးဗိုလ်ကြီး Adjutant

(၄ဝ) တပ်ထောက်ဗိုလ်ကြီး Quarter Master

(၄၁)ထောက်လှမ်းရေးအရာရှိ Intelligence Officer

(၄၂) ဆက်သွယ်ရေးအရာရှိ Signal Officer

(၄၃) ဆေးမှူး Medical Officer

(၄၄) ဆေးလက်ထောက် အရာခံဗိုလ် Medical Assistant

(၄၅) တပ်ရင်းတပ်ထောက် အရာခံဗိုလ် Regimental Quarter Master Sergeant

(၄၆) ရုံးအုပ်ကြီး Head Clerk

(၄၇) တပ်ကြပ်ကြီးစာရေး Sergeant Clerk

(၄၈) တပ်စာရင်းကိုင် Unit Accountant

(၄၉) ဗိုလ်လောင်း Cadet

(၅ဝ) အလုပ်သင်ဗိုလ် Apprentice

***********************

(၁) ဗိုလ်ချုပ်မှူးကြီး Senior General

(၂) ဒုတိယဗိုလ်ချုပ်မှူးကြီး Vice Senior General

(၃) ဗိုလ်ချုပ်ကြီး General

(၄) ဒုတိယ ဗိုလ်ချုပ်ကြီး Lieutenant General

(၅) ဗိုလ်ချုပ် Major General

(၆) ဗိုလ်မှူးချုပ် Brigadier General

(၇) ဗိုလ်မှူးကြီး Colonel

(၈) ဒုတိယ ဗိုလ်မှူးကြီး Lieutenant Colonel

(၉) ဗိုလ်မှူး Major

(၁ဝ) ဗိုလ်ကြီး Captain

(၁၁) ဗိုလ် Lieutenant

(၁၂) ဒုတိယ ဗိုလ် Second Lieutenant

(၁၃) အရာခံ ဗိုလ် Warrant Officer I

(၁၄) ဒုတိယအရာခံ ဗိုလ် Warrant Officer II

(၁၅) တပ်ခွဲ တပ်ကြပ်ကြီး Quarter Master Sergeant

(၁၆) တပ်ကြပ်ကြီး Sergeant

(၁၇) တပ်ကြပ် Corporal

(၁၈) ဒုတပ်ကြပ် Lance Corporal

(၁၉) တပ်သား Private

Read More
Posted by စိမ့်စမ်းရေ on Saturday, March 22, 2014


 
 
 
 
 
"မြတ်စွာဘုရား၏ (၁၀၈)ကွက် စက်လက္ခဏာတော်များ"

(၁) လှံမ The larger spear
(၂) အိမ်မွန် The royal mansion
(၃) ဇလပ်ပန်း The wax flower
(၄) လည်ရေးသုံးဆင့် The three regular lines across the neck
(၅) ဦးဆောက်ပန်း The ornament head band
(၆) ထမင်းပွဲ The tablelaid
(၇) အင်ပျဉ် The royal cot
(၈) ချွန်းတောင်လက်နက် The jevelin
(၉) ပြဿ ဒ် The multitiered roof
(၁၀) တုရိုဏ်တိုင် The archway
(၁၁) ထီးဖြူ The white parasol
(၁၂) သန်လျက် The royal scimitar
(၁၃) ထန်းရွက်ယပ် The palmyra fan
(၁၄) ဥဒေါင်းမြှီးစီးယပ် The fan made of peacock feathers
(၁၅) စာမရီယပ် The whisk made tail of the yak
(၁၆) သင်းကျစ် The frontlet
(၁၇) ပတ္တမြား The ruby
(၁၈) သပိတ် The alms bowel
(၁၉) မုလေးပန်းဆိုင် The garland of jasmine
(၂၀) ကြာညို The brown lotus
(၂၁) ကြာနီ The red lotus
(၂၂) ပဒုမ္မာကြာ The loyered lotus
(၂၃) ကြာဖြူ The white water-lily
(၂၄) ကြာပုဏ္ဏရိတ် The white lotus
(၂၅) ပြည့်သောအိုး The pot full of water
(၂၆) ပြည့်သောဖလား The cup full of water
(၂၇) သမုဒ္ဓရာ The ocean
(၂၈) စင်္ကြဝဠာတောင် The mountain of the universe
(၂၉) ဟိမဝန္တာတောင် The Himalayan
(၃၀) မေရုတောင် The Meru Mountain
(၃၁) နေ The sun
(၃၂) လ The moon
(၃၃) နက္ခတ်တာရာများ The planets
(၃၄-၃၇) ကျွန်းကြီးလေးကျွန်း The four great islands
(၃၈) ကျွန်းငယ်နှစ်ထောင် The two thousand lesser islands
(၃၉) စင်္ကြာမင်း The Cakavatti(The Universal Monarch)
(၄၀) ခရုသင်းဖြူ The white conch shell
(၄၁) ရွှေငါးကြင်းအစုံ The pair of golden gudgeon
(၄၂) စစ်လက်နက် The wheel
(၄၃-၄၉) အိုင်ကြီးခုနှစ်အိုင် The seven great lakes
(၅၀-၅၆) တောင်စဉ်ခုနှစ်ထပ် The seven mountain ranges
(၅၇-၆၃) သီတာခုနှစ်တန် The seven rivers
(၆၄) ဂဠုာန်မင်း The Garuda King
(၆၅) မိချောင်းမင်း The Crocodile King
(၆၆) တံခွန် ကုက္ကား The streamers
(၆၇) ရွှေထမ်းစင် The golden palanquin
(၆၈) ကေလာသတောင် The mountain Kalasa
(၆၉) ခြင်္သေ့မင်း The lion king
(၇၀) ဝလဟကမြင်း The noble steed born among clouds
(၇၁) ကျားမင်း The tiger king
(၇၂) ဥပေါသထဆင် The noble white elephant
(၇၃) နဂါးမင်း The king of firebreathing dragon
(၇၄) ဟင်္သာမင်း The golden hansa bird
(၇၅) ဥဿ ဖ နွားမင်း The noble bull
(၇၆) ဧရာဝဏ်ဆင်မင်း The Eravana (SAKKAS CELESTIAL ELEPHANT)
(၇၇) ရွှေမကားရ် The Golden Makara
(၇၈) မုဒ်လေးခုနှင့်ရွှေလှေ The royal barge with four doorways
(၇၉) နို့စို့နွားသားအမိ The cow and her calf
(၈၀) ကိန္နရာ The Keinnara( Mythical mail bird )
(၈၁) ကိန္နရီ The Keinnari ( Mythical female bird )
(၈၂) ကရဝိတ်ငှက်မင်း The Karaweik Bird
(၈၃) ဥဒေါင်းမင်း The Peacock
(၈၄) ကြိုးကြာငှက်မင်း The Crane
(၈၅) စက္ကဝါက်ငှက်မင်း The Ruddy Goose
(၈၆) ဇီဝဇိုးငှက်မင်း The Pheasant Partridge
(၈၇-၉၂) နတ်ပြည်ခြောက်ထပ် The six Dera Realms
(၉၃-၁၀၈) ဗြဟ္မာ ၁၆ ဘုံ The Sixteen Brahma Realms

( မှားတာရှိရင်ပြင်ပေးပါရန်…မှတ်စုလေးကကြာပြီမို့ပါ….)

ပန်းစကား


facebook မှ ပြန်လည်မျှဝေပါသည်။

Read More
Posted by စိမ့်စမ်းရေ on Thursday, March 20, 2014



ထုံးအိုးပမာ




နံနက်ခင်း လေနုလေးက အေးစိမ့်လို့နေသည်။ ပြတင်းပေါက်မှ တိုးဝင်လာတဲ့ အေးစက်စက်အရသာကို တ၀ကြီးခံစားလိုက်ရတော့၊ ဒီနှစ်ကျမှ ဆောင်တွင်းက ပိုပြီး ပီပြင်နေသလားလို့ မိမိဘာသာ တွေးလိုက်မိသည်။  အညောင်း တစ်ချက် ဆန့်လိုက်ချိန်မှာ ဖြိုးဖြိုးဖျောက်ဖျောက် အသံတွေထွက်ပေါ်လာတဲ့ ကိုယ်ခန္ဓာကို အတော်ကလေး စိတ်ပျက် သွားပေမယ့် ပုံမှန်လည်ပတ်မှု တစ်နေ့တာကိုတော့ မရပ်တန့်မိချေ။
ဖြစ်ပေါ်နေတဲ့ သဘာဝတရားကို အံတုလို့ သမိုင်းပေးတာဝန်ကို ကျေပွန်ဖို့ ဒေါ်အေးမိ နေ့စဉ်ထမ်းဆောင်ရပါတယ်။  နံနက်ခင်း ဝေယျာဝစ္စများအပြီးသတ်လုပ်ဆောင်ပြီးချိန်မှာတော့ အာရုဏ်ကျင်းရောင်နီက ထွက်ပေါ်လာချေပြီ။ ညကတည်းက အသင့်ပြင်ထားတဲ့ ဈေးရောင်းပစ္စည်းတွေကို ခြင်းတောင်းထဲ အသာစီထည့်လိုက်ပါတယ်။ အပေါ်ရုံ ခပ်ပါးပါးကို အတင်းလွှမ်းခြုံ လိုက်ပြီဆိုတာနဲ့ လက်ဆွဲတော် ခြင်းတောင်းလေးက ထက်ထဲသို့ ပါလာခဲ့လေပြီ။ ခြင်ထောင်ထဲ အိပ်ပျော်ကျန်ရစ်ခဲ့တဲ့ သမီးငယ်ကို စိတ်မချနိုင်စွာ တစ်ချက်လှည့်ကြည့်ရင်းက ဦးဘမောင် ပြောတဲ့ စကားတစ်ခွန်းကို ရင်ထဲအောင့်သက်သက်ဖြစ်စွာနဲ့ သတိရလိုက်မိပါတယ်။
နံနက် ၅ နာရီခွဲချိန်ဆို ဒေါ်အေးမိတစ်ယောက်ကို ပုံမှန်မြင်တွေ့ရမှာဖြစ်ပါတယ်။ တရွေ့ရွေ့၊ တလှုပ်လှုပ်နဲ့ လှုပ်ရှားနေ ပေမယ့် အေးနေတဲ့ရာသီဥတုနှင့်တော့ လိုက်ဖက်လွန်းနေသည်။ ဆိုင်ဟုဆိုနိုင်သော ဒေါ်အေးမိဈေးရောင်းရာနေရာလေးသို့ သူကပုံမှန်လမ်းလျှောက်လာနေကျ၊ သူနှင့်အတူပါလာတဲ့ ကွမ်းယာပစ္စည်းမျိုးစုံတို့ကလည်း အချင်းချင်း တွန်းတွန်း တိုက် တိုက်နှင့်။ တိုးညှင်းစွာထွက်ပေါ်နေတဲ့ လမ်းလျှောက်သံနဲ့ ဗူးသံပုလင်းသံတို့က သူ့တွက်တော့ ပုံမှန်စည်းချက် ၀ါးချက်များပင်။
လူတစ်ယောက် မတ်တပ်ရပ်စရာနေရာပေမယ့် ဆိုင်ခုံပေါ်မှာလည်း နေရာကျအောင်ထားရသည်။ ဆွဲခြင်းထဲက ထုံးအိုးကို ထုတ်ယူချိန်မှာတော့ ဦးဘမောင်စကားကိုပင် ပြန်ကြားယောင်မိပြန်သည်။ ဘာလို့များ ရင်ထဲရောက်နေပါလိမ့်လို့ ခေါင်းတစ်ချက်ခါကာ အတွေးတို့ တွန်းထုတ်လိုက်ပေမယ့် ကိုင်ထားတဲ့ ထုံးအိုးလေးက ခြင်းတောင်းထဲက မထွက်လာနိုင်ခဲ့။
“ အို..မဖြစ်သေးပါဘူး၊ ငါ့အလုပ်ပျက်တော့မှာပဲ.”
လုပ်ဆောင်စရာ ကိစ္စတွေကို ခပ်သွက်သွက်လှုပ်ရှားလိုက်တော့မှ မူလအခြေအနေသို့ ပြန်ရောက်သွားတော့သည်။
ကွမ်းယာရောင်းတာ အစောကြီးဘာလုပ်ဖို့လဲဟု မေးလာသမျှတွေကို ဒေါ်အေးမိ ပြန်မဖြေဖြစ်ခဲ့ပေ။ ခပ်စောစော ပြင်ဆင်လို့ အဆင်သင့်ထုပ်ပိုးထားမှသာ သမီးလေးကို ထားခဲ့ရချိန် ခဏလေးမှာ သူ့အတွက်အဆင်ပြေသည်။ လုံလောက်တဲ့ ပြင်ဆင်မှုပြီး ချိန်မှာတော့ အနားကဈေးလေးမှာ ဈေးသည်များလည်း စုံလောက်ပြီလေ။ တစ်နေ့စာတွက် ချက်ပြုတ်မှုကို သမီးလေးဆိုင်လာ ထိုင်ပေးချိန်မှာ ဒေါ်အေးမိအားလုံးပြီးအောင် လုပ်ရသည်။ ဒါက နေ့စဉ်လိုလိုပင်။
“ဟဲ့ အေးမိ၊ ဘာငေးနေတာလဲ”
“အော် ဦးဘမောင်၊ လမ်းလျှောက်ထွက်လာပြီလား”
အိမ်နီးနားချင်းဖြစ်တဲ့ ဦးဘမောင် တစ်ယောက် လမ်းလျှောက်ထွက်လာချိန်ဆို နံနက် ၆ နာရီခွဲပင်။ ဟိုနားဒီနား လမ်းလျှောက်ပြီးရင်တော့ ဆိုင်ကိုခဏ၀င်နားတတ်သည်။ ခင်ပွန်းသည်ရှိစဉ်က တည်းက မိသားစုချင်းရင်းနှီးနေတဲ့ ဦးဘမောင်ကို သမီးလေးကလည်း အဖိုးတစ်ယောက်လို၊ အဘတစ်ယောက်လို ခင်မင်သည်။ ဦးဘမောင် လမ်းလျှောက်ပြီးလို့ ဒေါ်အေးမိဆိုင်မှာခဏနားချိန်ဆို သမီးလေးကလည်း ဆိုင်ထိုင်ချိန်ပင်။ နေ့စဉ် ပုံမှန်မဟုတ်ပေမယ့် အရွယ်ရောက်စပြုနေတဲ့ သမီးလေးတစ်ယောက်တည်းဆိုင်မှာရှိချိန်ဆို  ကြည့်မကောင်းဟုဆိုကာ ဦးဘမောင်တို့ မိသားစုက အလှည့်ကျ လာလာနေပေးတတ်သည်။ ဖေးဖေးမမရှိတဲ့ ဒီပတ်ဝန်းကျင်လေးကြောင့်လည်း ဒေါ်အေးမိ တစ်ယောက် ခုလို ရပ်တည်နေနိုင်ခြင်းပင်။ ဘာပဲဖြစ်ဖြစ် ဦးဘမောင်တို့ တစ်မိသားစုလုံးကို ကျေးဇူးတင်သင့်တာတော့ အမှန်ပင်။
ကားဂိတ်နဲ့နီးတဲ့ ဒေါ်အေးမိဆိုင်လေးမှာ နံနက်မလင်းခင်ကတည်းက ကျဲတောက်ကျဲတောက်နှင့် ရောင်းရပေသည်။ ကိုယ့်အနီးမှာ ဆိုင်ပြိုင်မရှိတာကိုပင် ဒေါ်အေးမိ ကျေးဇူးတင်နေရသည်။ မကြာခင်ရောက်လာမည့် သမီးလေးကိုစောင့်ရင်း အသင့်စားအထုပ်ကလေးတွေကို ပြင်ဆင်နေမိသည်။
ဆုံးပါးသွားတဲ့ ခင်ပွန်းသည်ရဲ့ လက်ငုတ်လက်ရင်းလေးဖြစ်တဲ့ ဒီနေရာ၊ ဒီဆိုင်လေးကို ဒေါ်အေးမိ သိပ်ကိုကျေးဇူးတင်ရပါတယ်။ ၀မ်းဝရုံထက်ပင်ပိုသာတဲ့ ၀င်ငွေလေးတစ်ခု ဖန်တီးပေးခဲ့တဲ့ ခင်ပွန်းသည်ကိုလည်း ကျေးဇူးတင်ရပါတယ်။ လောကအလယ်မှာ တစ်ကောင်ကြွက်ဘ၀နဲ့ မျက်နှာမငယ်စေခဲ့ပါ။ ရိုးသားစွာနဲ့ ရှာဖွေစားသောက်ရသည်ကပင် တစ်မျိုးကံကောင်းနေသည် မဟုတ်ပါလား။
“ ဟဲ့ အေးမိ၊ နင့်သမီး မလာသေးပါလား။”
“ ဟုတ်ပါရဲ့ ဦးဘမောင်ရယ်၊”
“ နင်၊ ငါပြောထားတာလည်း ခေါင်းထဲထည့်ထားဦးနော်။ ငါက နင့်သမီးလေးအတွက် ပြောတာပါ။”
“ကျွန်မ သဘောပေါက်ပါတယ် ဦေးလးရယ်။ နားလည်း နားလည်ပါတယ်။ စေတနာတွေကိုလည်း သိပါတယ်။ ကျွန်မ တဖြည်းဖြည်းချင်း သွန်သင်ပါ့မယ်။”
သမီးလေးလမ်းလျှောက်လာတာကို အဝေးကပင် လှမ်းမြင်ရတာမို့ ကျွန်မတို့ စကားစကို ရပ်လိုက်ရပါတယ်။ သားအမိချင်းကြားထဲ မ၀င်ကောင်းပေမယ့် အတော်ရင်းနှီးလို့သာ ဦးဘမောင်က ဒီစကားကိုပြောထွက်ခဲ့တယ်ဆိုတာလည်း ဒေါ်အေးမိ သိပါတယ်။
“သမီးလေး၊ ဘာလို့နောက်ကျနေတာလဲ။ နေတောင်အတော်မြင့်နေပြီ၊ ဘာစားခဲ့ပီလဲ သမီး”
မျက်နှာစူပုပ်လို့ ဆိုင်ထဲဝင်လာတဲ့ သမီးကို ဒေါ်အေးမိ စကားစပြောလိုက်ပေမယ့်။ သမီးဖြစ်သူက ဘာတစ်ခွန်းမှ ပြန်ပြောခဲ့ပေ။ အရာရာကိုပေကပ်ကပ်နိုင်လွန်းတဲ့ ဒီသမီးကို တစ်ခါတစ်လေ စိတ်ပျက်မိသည်။ ကလေးတို့သဘာဝ လူချစ်လူခင်ပေါရမည် ဖြစ်သော်လည်း သမီးလေးမှာ အဲ့လိုမရှိခဲ့ပေ။ စကားပြောလည်းမတက်၊ အပေါင်းအသင်းလည်းမဆန့်။  ပြန်မပြော ၊ နားမထောင်ဆိုသလို ဖြစ်နေတဲ့သမီးအကြောင်းကို ဒေါ်အေးမိသာ အသိဆုံးမဟုတ်လား။
လိုတာထက်ပို၍ ကပ်စေးနှဲသည့် သမီးငယ်က ငယ်ငယ်ကလေးဘ၀ကတော့ ချစ်စရာကောင်းခဲ့သည်။ အိမ်နီးနားချင်းများက ချစ်စနိုးဖြင့် ထုံးအိုးလေးဟုပင် ခေါ်ခဲ့ကြသည်။ ထိုအဓိပ္ပါယ်ကို ဒေါ်အေးမိ သဘောမပေါက်ခဲ့ပါ။ မိမိက ကွမ်းယာရောင်းနေလို့သာ အသားဖြူဖွေးပြီး ၀၀ကစ်ကစ်နှင့် ချစ်စရာကောင်းသည့် သမီးငယ်ကို ထုံးအိုးလေးနှင့်တူ၍ဟုသာ သဘောပေါက်ခဲ့မိသည်။
ယခုတော့ အဲ့လိုအဓိပ္ပါယ်မဟုတ်ခဲ့ပေ။ ငယ်ငယ်ကတည်းက ဘာတောင်းတောင်း ဟင့်အင်း၊ ဟင့်အင်း ဆိုသံလေးကို နားဝင်ချို ခဲ့ပေမယ့် ယခုတော့ အဲဒီအကျင့်က သမီးလေးမှာ ပါလာခဲ့လေပြီ။

“ကဲ၊ ဦးဘမောင် ကျွန်မ အိမ်ပြန်ပြီး ချက်လိုက်ပြုတ်လိုက်ဦးမယ်။”
“သမီးလေး၊ ဆိုင်ကိုသေချာကြည့်ထားနော်။ အနားမှာ ဘဘရှိနေပေးလိမ့်မယ်။”
ဆိုင်ကို ခဏထားခဲ့လို့ ဒေါ်အေးမိ ခပ်သုတ်သုတ်လေး ပြန်ရပါတယ်။ အနားက ဈေးလေးမှာ ဟင်းချက်စရာဝယ်ပြီး အိမ်ပြန်ချက်ရုံသာ၊ မနက်ကထည်းကထမင်းအိုးတစ်လုံးတည်းတည်ပြီးသားဆိုတော့ အဆင်ပြေသည်။ သားအမိနှစ်ယောက်စာ ၀ယ်စားလို့ အဆင်ပြေတယ်ဆိုပေမယ့် အိမ်ထမင်းအိမ်ဟင်းလောက်တော့ ဘယ်ဟာမှ စားမကောင်းပေ။
နံနက်စာချက်ပြုတ်ပြီး၊ လျှော်ဖွပ်၊ ဆေးကြောလို့ အားလုံးပြင်ဆင်ပြီးချိန်မှာတော့ 10 နာရိခွဲသာရှိသေးသည်။ ဆွမ်းလောင်းဖို့နဲ့ ကိုယ်စားဖို့အတွက်ပါထည့်လို့၊ နေ့လည်စာ၊ ညနေစာ ခွဲခြမ်းပြင်ဆင်ပြီးရင်တော့ ဒေါ်အေးမိဆိုင်ကို တစ်ခါပြန်ရပေပြီ။ နံနက်ထဲက ထုပ်ပိုးထားတဲ့ ကွမ်းယာအထုပ်လေးတွေက ဒီချိန်လောက်ဆို ကုန်သလောက်ဖြစ်နေပေလိမ့်မည်။ ဆိုင်မှာ မျှော်နေမည့် သမီးငယ်ဆီသို့စိတ်ကရောက်သွားတော့ ကမန်းကတန်းခြေလှမ်းတို့ သွက်ရပေတော့သည်။
ဆိုင်ကိုရောက်လျှင်ရောက်ချင်း- “သမီး။ ဘာလုပ်နေတာလဲ အဲဒါ”
“အမေ၊ အမေ့ထုံးအိုး အသစ်လဲဦး”
“ဘာဖြစ်လို့လဲသမီးရဲ့၊ အမေ လဲထားတာမှ မကြာသေးတာ”
“ အ၀က တဖြည်းဖြည်းကျဉ်းကျဉ်းလာပြီ။ အဲဒါ သမီး ထိုင် ခွာနေတာ။”
“အလုပ်မရှိအလုပ်ရှာ သမီးရယ်၊ သွား ပြန်တော့။ ကျောင်းနောက်ကျနေမယ်။ အမေ အကုန်ပြင်ဆင်ခဲ့ပြီးပြီ။”
“ဟုတ်”
 ဒေါ်အေးမိရဲ့ တစ်နေ့တာလှုပ်ရှားမှုက ဒါအကုန်ပါပဲ။ နေ့လည်ခင်း ဈေးရောင်းပါးချိန်ဆိုလည်း ဒီဆိုင်လေးထဲမှာပဲ၊ သမီးငယ်ညနေကျောင်းဆင်းလို့ ဆိုင်ကူသိမ်းပြီးမှ သားအမိနှစ်ယောက် အိမ်ပြန်ရောက်၊ ညနေစာစားလို့ တစ်နေ့တာအတွက် ကုန်ဆုံးရပါတယ်။
ပုံမှန်လည်ပတ်နေတဲ့ ဒီအချိန်တွေက သမီးငယ်လေးကို အတန်းကြီးလာစေပါတယ်။ ဒေါ်အေးမိကို အသက်ကြီးလာစေပါတယ်။ နေ့စဉ်ရက်ဆက် ရက်ပျက်မရှိတဲ့ သူ့လုပ်ငန်းခွင်လေးက သူ့ရဲ့အားထားရာ ကမ္ဘာတစ်ခုဆိုလည်းမမှားခဲ့ပေ။  ကမ္ဘာကြီးထဲက ကမ္ဘာငယ်လေးဖြစ်တဲ့ သမီးလေးရဲ့ ဘ၀တစ်ခုလုံးကို အလှပဆုံးပုံဖော်မည်ဟု ငယ်ငယ်ကတည်းက ကြုံးဝါးခဲ့ဖူးသည်။ မုဆိုးမသမီးပေမယ့် အလိမ္မာ၊ အယဉ်ကျေှးဆုံး ဖြစ်စေရမည်ဟုလည်း ဆုံးဖြတ်ချက်ချခဲ့ဖူးသည်။
သမီးငယ်လေးရဲ့ လေ့လာသင်ယူနေတဲ့ကာလတွေမှာ အကောင်းဆုံးသင်ယူသူအဖြစ် ဒေါ်အေးမိ ဖြစ်စေချင်ခဲ့ပါတယ်။ ဟိုမရောက် ဒီမရောက်အရွယ်မှာက အဓိကက နားလည်သိတတ်မှုလိုအပ်တယ်ဆိုတာ ဒေါ်အေးမိ နားလည်ပါတယ်။ မိဘရဲ့ တစ်နေ့တာ လည်ပတ်မှုနဲ့ဝင်ငွေအကြောင်းကို သမီးလေးနားလည်ပေမယ့် တခြားသူငယ်ချင်းအပေါင်းအသင်းများနဲ့ကတော့ သမီးလေး အတော်ညံ့ပါတယ်။
“ဟဲ့. အေးမိ၊ နင့်သမီးကိုလည်း သေချာသွန်သင်ပါဦး၊ ဟိုနေ့ကများ အမေကိုပြန်ပြောနေလိုက်တာ ငါကြားလိုက်ရတယ်နော်။ တော်ကြာ နင့်သမီး နင်ရောင်းတဲ့ ကွမ်းယာဆိုင်ပေါ်က ထုံးအိုးလို တဖြည်းဖြည်း အ၀ကျဉ်းကျဉ်းလာမယ်”
စေတနာစကားဆိုပေမယ့် ရင်ထဲတော့ စိတ်မကောင်းခဲ့ပါ။ ဘာပဲပြောပြော ကိုယ့်သားသမီးအကြောင်း အမေသာအသိဆုံးမဟုတ်လား။
 တိုက်တိုက်ဆိုင်ဆိုင် မနေ့ကမှ ပြောလာတဲ့ ဦးလေးကိုဘမောင်ရဲ့ ပြောစကားကို ဒေါ်အေးမိ ပြန်လည်အမှတ်ရလိုက်ပါတယ်။ လူ့ပတ်ဝန်းကျင်က ဖယ်ကျဉ်ထားရတဲ့ သူတစ်ယောက်အဖြစ်တော့ ကျွန်မ သမီးလေးကို မဖြစ်စေချင်တာအမှန်ပါ။  ဒီနေ့ညနေတော့ဖြင့် ကျွန်မသမီးလေးကို ထုံးအိုးလေး နမူနာထားလို့ သွန်သင်ပေးဖို့ရာ အခြေအနေလေးတစ်ရပ်တော့ ဖန်တီးရပေတော့မည်။
***-----***-----***-----***-----***-----***-----
အဲဒိနေ့ရဲ့ ညနေစာထမင်းစားချိန်လေးအပြီးမှာတော့ စာလုပ်နေတဲ့ သမီးလေးအနားသို့ ကျွန်မ အသာကပ်ထိုင်လိုက်ရင်းက စကားများစွာပြောဖြစ်ခဲ့လေသည်။ ဂရုတစိုက်နားထောင်ပေးတဲ့ သမီးလေးအတွက် အသိပညာတွေ ရစေချင်လို့ ပြောပြနေတယ်ဆိုတာ သမီးလေး နားလည်ပေးလို့ အထူးကျေနပ်ခဲ့ရပေသည်။
“သမီးလေး…မနက်ကထုံးအိုးလေးကိုမြင်ကြည့်စမ်း၊ အမေတို့ရဲ့ထုံးအိုးလေး တဖြည်းဖြည်း အ၀ကျဉ်းကျဉ်း လာတယ်နော်။ ထုံးအိုးရဲ့သဘာဝက ဒီလိုဆိုပေမယ့်။ လူတွေရဲ့သဘာဝကျတော့ ထုံးအိုးလို ကျင့်လို့မရဘူး။
အသက်အရွယ်ရလာတာနဲ့အမျှ လူမှုနယ်ပယ်၊ ပတ်ဝန်းကျင်မှာ တဖြည်းဖြည်း ၀င်ဆန့်လာရတယ်။ ကိုယ့်ရဲ့ အပြုအမူ၊ စရိုက်၊ အပြောအဆိုကစလို့ အစစအရာရာ ထိန်းထိန်းသိမ်းသိမ်းနေရတယ်။
ဟော၊ ခုပဲကြည့် အ၀ကျဉ်းလာတဲ့ထုံးအိုးကို သမီးလေးတောင် စိတ်ကျဉ်းကျပ်တယ်မလား။ အဲ့လိုပဲပေါ့။ လူ့ပတ်ဝန်းကျင်မှာလည်း လူသားတိုင်းက ထုံးအိုးလိုလူသာဆိုရင် ဘယ်အဆင်ပြေလိမ့်မလဲကွယ်။ ဒါကို သမီးလေး နားလည်တယ်မလား။ ”
“် အမေ့ သမီးလေးက နားလည်သိတတ်ပါတယ်ကွယ်”
“ဟုတ် အမေ”

တစ်ခွန်းတည်းသာပြောလို့ တိတ်ဆိတ်သွားတဲ့သမီးလေးကိုကြည့်ပြီး သမီးငယ်တွက် နမူနာလေးတစ်ခုတော့ဖြင့် မျက်လုံးထဲပြန်မြင်ယောင်နိုင်ပါစေလို့  ကျွန်မ တွေးလိုက်မိပါတယ်။  မိဘတိုင်းကတော့ သားသမီးတိုင်းကို ကောင်းစေချင်ကြချည်းပဲမဟုတ်လား။ ကျွန်မ စေတနာ၊ မေတ္တာတွေကို သမီးလေးနားလည်လာမှာပါဟုသာ။
ကျွန်မရဲ့ သမီးလေးဟာ ကျွန်မရောင်းတဲ့ ကွမ်းယာဆိုင်ပေါ်က ထုံးအိုးလေးလို ဘယ်တော့မှ မဖြစ်စေရဘူးလို့ ဆုံးဖြတ်ချက် ချလိုက်ရင်းက အဓိပ္ပါယ်ပေါင်းများစွာ ပြည့်နေတဲ့ ဒီနေ့ရက်မြတ်လေးတစ်ရက် ကို ကျွန်မတသက်လုံး အမှတ်ရစေတာ့မည်ဟု။

စိမ့်စမ်းရေ
29.1.2014

http://www.takkathoyahanpyo.blogspot.com/
တက္ကသိုလ်ရဟန်းပျိုဓမ္မစာစောင် အတွဲ(၂) ၊ အမှတ် (၆) စာမျက်နှာ 54 တွင်လည်း ဖတ်ရှုအားပေးနိုင်ပါတယ်။

Read More
Posted by စိမ့်စမ်းရေ on Wednesday, March 19, 2014

လေးဆူဓါတ်ပုံ ရွှေတီဂုံ

လေးဆူဓါတ်ပုံ ရွှေတီဂုံ

My Blog List

  • သင်ခန်းစာ ~ (သအို) - 1.လွတ်လမ်း 2.အားလုံးယူလိုက်ပါ 3.သင်ခန်းစာ 4.မင်းလေးရှိမှပြည့်စုံမယ် 5.ငါချစ်သောသူ 6.တစ်ခုခု 7.ခြွင်းချက် 8.ငါ့ဘ၀အတွက်မင်း 9.အချစ်နဲ့ဝေးရပ် 10.မြိုသိပ်ခြင်း 1...
    1 year ago

ပီတိစကား မှာကြားသွား