(နောက်ဆုံးပိုင်း)
“တို့ရွာရဲ့ ရွာဦးကျောင်းလေးက ဘယ်ချိန်ကြည့်ကြည့် ဘယ်နေရာကကြည့်ကြည့် အေးချမ်းလိုက်တာနော်၊ ငါဖြင့် ရင်ထဲကို အေးသွားတာပဲ……”
 “ဒီမှာ….ဒေါ်ဒေါ်မေဦး…..အေးရင်လည်းအပေါ်ရောက်မှအေး….ခုတက်နေတာ လှေကားနော်…..သတိလည်းထားပါဦး…….”
ခန္ဓာကိုယ်၀၀ကြီးကို မနိုင်တနိုင်သယ်ရင်းက လှေကားလက်ရမ်းကိုအားပြုနေရတာမို့ မပုတိုမျက်နှာက ချွေးပြန်နေလေသည်။ အလုပ်ကြမ်းတွေကိုဆက်တိုက်လုပ်နိုင်ပေမယ့် လှေကားအတက်အဆင်းကိုတော့ မပုတိုမခံနိုင်ပေ။ ပုပုတိုတို ၀၀လေးမို့ ပုတိုမလို့ ချစ်စနိုးခေါ်ကြရင်းက မပုတိုရဲ့နာမည်အရင်းကို ဘယ်သူမှမသိကြတော့ပေ။
“အင်းပါ မပုတိုရယ်…မေဦးက ဒီနေရာ ဒီပတ်ဝန်းကျင်ကို သတိရနေလို့ပါ….”
“ညည်းကတော့ ရမှာပေါ့အေ……….ဟွန်း….မေဦးနော်…...မပြောလိုက်ချင်ဘူး”
ပကာသနမရှိပေမယ့် သစ်ရိပ်ဝါးရိပ်လေးကြောင့် အမြဲပဲအေးချမ်းနေတဲ့ မေဦးတို့ရဲ့ရွာဦးဘုန်းကြီးကျောင်းကို မြို့ပေါ်ကကျောင်းတွေက ဘယ်ယှဉ်နိုင်ပါ့မလဲ။ လေတစ်ချက်လောက်ဝေ့တိုက်လိုက်ယုံနဲ့တင် အေးမြပြီးလတ်ဆတ်တဲ့လေကောင်းလေသန့်ကို တ၀ကြီးရနိုင်တာမို့ ဒီတစ်ခုကတော့ဖြင့် မေဦးတို့တောသဘာဝရဲ့ ဂုဏ်ယူစရာတစ်ခုပေ။
လူ ငါးရာ၊ တစ်ထောင်စာလောက် ချက်ပြုတ်ကျွေးမွေးနိုင်တာမို့ ကျယ်ဝန်းလှတဲ့ ဘုန်းကြီးကျောင်းဝင်းကို တစ်ရွာလုံးက သဘောကျလေ သည်။ ရာသီအလိုက်ပွဲတော်ပဲဖြစ်ဖြစ်၊ ရှင်ပြုပဲဖြစ်ဖြစ်၊ တခြားအလှူတွေပဲဖြစ်ဖြစ် ဒီ ဘုန်းကြီးကျောင်းဝင်းထဲမှာ အားလုံးကုသိုလ် ပြုနိုင်လေသည်။
ရွာဦးကျောင်းရဲ့ပင်တိုင်အလှူရှင်မိသားစုဖြစ်တဲ့ မေမေကြီးတို့အလှူတုန်းလည်း ဒီနေရာလေးမှာပဲ အားလုံးလုပ်ခဲ့ကြရင်းက မေဦးတို့ ဖူးစာဆုံခဲ့ရခြင်းပင်။ အခြေအနေမတူပေမယ့် မေဦးကိုတစ်ကယ်ချစ်ခဲ့တဲ့ ကိုအောင်ရယ်၊ ရွာဦးကျောင်းဆရာတော်ရဲ့ ဒကာမကြီး မေမေကြီးရယ်ကြောင့် မေဦးတို့သားအမိ အချိန်အတော်ကြာစဉ်းစားပြီး ခက်ခက်ခဲခဲနဲ့ဆုံးဖြတ်ပြီးမှ ကိုအောင်ရဲ့အချစ်ကို လက်ခံခဲ့ခြင်းသာ။
“ အမယ် အမယ်…မေဦးတို့ အလွမ်းသယ်နေပြီထင်တယ်ဟေ့………”
“ဟာ…..မဟုတ်ပါဘူး …မအေးစိန်ကလည်း…မေဦးဖြင့် မေ့တောင်နေတာ….”
“ယုံလိုက်ပါမယ် အားကြီးကြီး…………”
“မေဦး…....... တို့တွေ ဆရာတော့်ကို ကန်တော့ပြီးမှ ပြန်ကြမယ်မလား….”
“အင်းပေါ့…မပုတိုရဲ့ ရောက်လို့မှ မကန်တော့ဘူးဆိုရင်……ဘယ်သူ့အလွန်ဖြစ်မလဲ…….ဟုတ်ဘူးလား….”
“ဟုတ်ပါ့အေ………..ဟုတ်ပါ့…..”
သုံးယောက်သားဆုံးဖြတ်ချက် ချအပြီးမှာ သစ္စာအရှိဆုံးခြေထောက်တွေကဖြင့် ဦးတည်ရာဘက်သို့ ပို့လို့တည့်မတ်စွာဖြင့်သာ……………..။
***-----***-----***-----***----- “”
“ဟာ……မေမေ….ဘာလို့ အင်္ကျီတွေလျှော်ထားတာလည်း သမီးလျှော်မှာပေါ့မေမေရဲ့….ပြီးတော့ … ရောက်တုန်းလေးမှာ မေမေ့ကိုလည်း သမီးကကူချင်သေးတဲ့ဟာကို….”
“ဒီအပြောလေးနဲ့တင်…မေမေ ကျေနပ်ပါပြီသမီးရယ်…. သွား..ထမင်းစားဖို့ပြင်ပေတော့….မေမေတော့ ရုံးပတီသီးကြော်ချက်လေး ချက်ထားတယ်…”
“ဟင်.………ရုံးပတီသီးကြီး………”
“……..ဒီကောင်မလေးနှယ်…ရုံးပတီသီးများ မစားကောင်းတဲ့အသီးများမှတ်နေလား၊ ဒါတောင် ဟိုဘက်ပိုင်းက လာရောင်းလို့ စားရတာ…. ရန်ကုန်မှာလို သွားဝယ်လို့ရနိုင်တာမျိုးမဟုတ်ဘူး…ဒီက ဘာဆေး ဘာဝါးမှ ပါတာမဟုတ်ဘူး”
“အင်းပါ မေမေရာ…..”
ဆူးပုတ်ရွက် ခပ်စိမ်းစိမ်းလေးနဲ့ရောချက်ထားတဲ့ အမေ့လက်ရာဟင်းလေးက စားချင်စဖွယ်ပါ။ စားပွဲပေါ်ခူးခပ်ပြင်ဆင်ပြီး မေမေ့ကိုစောင့်နေရင်းက ဒီအကြောင်းကိုပြောပြရကောင်းမလား၊ မကောင်းလား မေဦး မဝေခွဲတတ်တော့ပေ။
ခုဆို ရုံးပတီသီးလို့ အသံကြားတာနဲ့တင် မေဦး ရင်တွေတုန်ခဲ့သလို ခန္ဓာကိုယ်ကလည်း ဆတ်ခနဲ တွန့်သွားတတ်ပါတယ်။ မေ့ပျောက်မရနိုင်ခဲ့တဲ့ နေ့ရက်တွေထဲမှာ အဲဒီနေ့ကလည်း တစ်နေ့ပါခဲ့တာမို့ မေမေမသိတဲ့အကြောင်းတွေထဲမှာတော့ အဲဒီနေ့က အဆိုးဝါဆုံးနေ့တစ်နေ့ဖြစ်ခဲ့လေသည်။
အဲဒီနေ့က မီးဖိုချောင်ထဲမှာ ထမင်းဟင်းတွေချက်တွေနဲ့မေဦးကို မိပုလေးက ၀ိုင်းကူနေခဲ့လေသည်။ မေမေကြီးက ကျန်းမာရေးမကောင်းတာမို့ ဓါတ်စာလေးတွေလည်း ချက်ရသလို၊ မမချိုအကြိုက်လေးတစ်ခုလောက်ပါအောင်လည်း ထည့်ပေးရလေသည်။ တစ်ခါတလေကျတော့လည်း မေဦးတို့က တောစာလေးတွေလည်း ချက်စားတတ်ကြလေသည်။ အကြိုက်ချင်းမတူပေမယ့် စားချင်တာစားနိုင်တာကလည်း အခွင့်အရေး တစ်မျိုးပဲမဟုတ်လား……
“ဖြန်း…………..”
 “မိပု မိပု……ဒါ…..ဒါ မေမေကြီးအခန်းထဲက အသံမဟုတ်လားဟင် ”
“ဟုတ်တယ်…မမလေး…..မိစုတော့ ဘာလုပ်မိပြန်ပြီလားမသိပါဘူး စိတ်ညစ်လိုက်တာ…….”
“ လာလာ သွားရအောင်….မိစုလေး အားငယ်နေလိမ့်မယ်….”
မိစုလေးတစ်ယောက်တော့ မေမေကြီးရိုက်တာ ခံနေရပြီဆိုတဲ့ အသိနဲ့ ကျွန်မတို့နှစ်ယောက်သား မေမေကြီးအခန်းဆီ အပြေးထွက်ကြည့်မိ လေသည်။ မေမေကြီးကအ်ိပ်ယာပေါ်မှာ လှဲနေရပေမယ့် စိတ်မထင်ရင်မထင်သလို အနားခေါ်ပြီးခေါင်းခေါက်တာမျိုး၊ ပါးရိုက်တာမျိုးတွေ လုပ်တတ်လေသည်။ ကျန်းမာရေးမကောင်းပေမယ့် ခက်ထန်နေတဲ့စိတ်က မေမေကြီးကိုပိုလို့ပင် ကြမ်းတမ်းစေလေသည်။
“ဟင်…..မမနီလာ……”
မေမေကြီးရဲ့ ကုတင်ဘေးနားမှာ ခပ်ယို့ယို့လေးရပ်နေတဲ့ မမနီလာကို အဝေးကမြင်လိုက်တဲ့ ကျွန်မနဲ့မိပုတို့ ကိုယ်ရှိန်သတ်လို့ အသာလေးစောင့်ကြည့်နေမိလေသည်။ စိတ်ဆိုးဟန်ဖြစ်နေတဲ့ မေမေကြီးရဲ့မျက်နှာက နိဂိုကတည်းကညိုတဲ့အသားမုိ့ မဲမဲရောင်သာ ကျွန်မတို့လှမ်းမြင်လိုက်ရလေသည်။
“…တော်တော်အသုံးမကျတဲ့နီလာမ…..ဒါလေးတောင် ဖြစ်ဖြစ်မြောက်မြောက်မလုပ်တတ်ဘူး…မနေ့ကတည်းကချက်ထားလို့ ဒီဟင်းက သိုးနေရတာလား…ဟင်….မိနီလာ....”
“…ကျွန်မ….ကျွန်မ..တောင်းပန်ပါတယ် ချက်ပြီးပြီးချင်း အုပ်ထားမိလိုက်လို့ပါ၊…. နောက်မဖြစ်စေရပါဘူး မေမေကြီး…...”
“ပြောလိုက်ရင် မျက်နှာသေလေးနဲ့…. လူကဖြင့် ဘာအသုံးမှမကျဘူး…သွား….ခုချက်ချင်း ငါ့နားကထွက်သွား…….”
“ဟုတ်…ဟုတ်……”
မျက်နှာကိုလက်နဲ့အုပ်ကာ မေမေကြီးအခန်းထဲကနေ ပြေးထွက်သွားတဲ့ မမနီလာကိုမြင်လိုက်တာကြောင့် မေဦးနဲ့မိပုတို့ တစ်ယောက် မျက်နှာတစ်ယောက်ကြည့်လိုက်မိပါတယ်။ မီးဖိုချောင်ထဲပြန်ဝင်လာရပေမယ့် ၀မ်းနည်းပြီးငိုသွားရတဲ့ မမနီလာကိုတော့ မေဦးမျက်လုံးထဲက မထွက်ခဲ့ပေ။
“ မမနီလာ ဘာများဖြစ်လို့လဲမသိနော်….သူရောက်နေတာတောင် ငါတို့ မသိလိုက်ဘူး…..”
“ဘယ်သိရမလဲ မမလေးရဲ့ အဲ့ဒါဆို အဆူခံဖို့ရောက်လာတယ်လို့မှတ်….”
“အော်…….….. မေမေကြီးက ချွေးမတွေလည်းအဲ့လိုလုပ်တာပဲလားဟင် မိပု”
“သူ့သားတွေကို ထိလို့မရဘူး မမလေးရဲ့၊ အကိုလေးကမှတော်သေးတယ် သူ့အကိုတွေအားလုံးက တစ်ခုခုဆို သူ့အမေကိုပြန်တိုင်ကြတာ၊ ခုလည်း ဘာကိစ္စလှမ်းတိုင်ပြန်လည်းမသိဘူး……..”
“အော်…….”
မတ်တပ်ရပ်နေရာကနေ ထိုင်ချလိုက်ပြီး သက်ပြင်းမောတစ်ခုကို စိတ်ပျက်လက်ပျက်နဲ့ ချလိုက်မိတာမို့ လူကချက်ချင်းပင် အိုစာသွားသလိုပင်။ မြို့မျက်နှာဖုံးတစ်ယောက်အနေနဲ့ ဒီလိုစရိုက်လက္ခဏာတွေရှိလိမ့်မယ်လို့ မေဦးတို့တစ်ရွာလုံးက ဘယ်လိုလုပ် သိနိုင်၊ မြင်နိုင်၊ ကြားနိုင်ပါ့မလဲ…၊ မြင်လိုက်ရင် အမြဲပဲပြုံးရွှင်နေတတ်ပြီး အလှူအတန်းရက်ရောလှတဲ့ မေမေကြီးတို့မိသားစုတွေကို မေဦးတို့တစ်ရွာလုံးက အားကျနေကြရတာမဟုတ်လား…………..။
အဲဒီနေ့က ပြသနာက ရုံးပတီသီးကြော်ချက်ဟင်းလေး သိုးသွားရတဲ့ အဓိကတရားခံဆိုရင် ဘယ်တရားပါ့မလဲလို့ မေဦးဘာသာ မှတ်ချက် ပေးမိလေသည်။ ပါးတစ်ချက်နဲ့ရုံးပတီသီးဟင်းကိုလဲလိုက်ရတာမို့ ရုံးပတီသီးလို့ ဆိုလိုက်တာနဲ့ မေဦးလက်က ပါးပြင်ဆီသို့သာ အပြေးရောက်မိလေတော့သည်။
“သမီး….မေဦး..”
“ရှင်…မေမေ…”
“ ဒီကလေးမနှယ်….လူကလည်းငေးလို့……….လက်ကလည်းဇွန်းကြီးကိုကိုင်လုိ့ ဘာတွေများ ဒီလောက်တောင်စဉ်းစားနေရတာလဲ ဟင်…. သမီး..”
“ဘာမှမဟုတ်ပါဘူးမေမေရဲ့……. ကိုအောင်ကလည်း ရုံးပတီသီးဟင်းဆို သိပ်ကြိုက်တာလေ…..”
“အော်…..”
မုသားသုံးလိုက်ရပေမယ့် ဒီစကားလေးကြောင့်ပဲ စိတ်ချလက်ချဖြစ်သွားတဲ့မေမေ့ဟန်ကြောင့် မေဦးနေရထိုင်ရသက်သာသွားရပြန်ပါပြီ။ မေမေ့အလိုက် ထမင်းကိုအားရပါးရစားနေရပေမယ့် ရန်ကုန်အိမ်တစ်လှည့်၊ မေမေ့အိမ်တစ်လှည့် မြင်ကွင်းတွေက တစ်လှည့်စီ ။
***-----***-----***-----***----- “”
“သမီးလေး……မေဦး….”
“ရှင်…မေမေ…..….”
“ သမီးလေးရွာကိုရောက်တာ အတော်ကြာနေပြီနော်…..”
လေးလေးနက်နက် စဉ်းစားဟန်နဲ့ ပြောလာတဲ့မေမေ့စကားကို မေဦးစိုးရိမ်မိလေသည်။ မေမေမေးလို့သာ မေဦးပြောပြခဲ့ရပေမယ့် နေရာသစ်ရဲ့ မပြေလည်မှုတွေကို မေမေ့ကိုမသိစေချင်တာတော့အမှန်ပင်။ ပြဿနာအသေးအဖွဲ့ကစလို့ အကြီးကြီးတွေတိုင်အောင် မေဦး အတက်နိုင်ဆုံး နေခဲ့ရခြင်းသာ။ ခု….မေမေ ဘာများ ပြောဦးမလို့ပါလိမ့်……။
“မေမေ ဘာပြောချင်တယ်ဆိုတာ ငါ့သမီးလေး မှန်းဆတတ်ပါ့မလားဟင်……..”
“ အတိအကျတော့မသိဘူးမေမေ…..ဒါပေမယ့် မေဦးကို ပြန်သင့်ပြီလို့ မေမေပြောမလို့ဆိုတာတော့ မေဦးထင်တယ်မေမေ”
“အင်း……..”
သက်ပြင်းအရှည်ကြီးကို လေးတွဲစွာချလိုက်တဲ့ မေမေ့ဟန်က မေဦးကိုပြောစရာတွေအများကြီးရှိနေတယ်ဆိုတာ မေဦးသိလိုက်လေသည်။ ရွာကိုရောက်တာ ဆယ်ရက်ကျော်ပြီမို့  မေဦးအတွက်က ခဏလေးပါမေမေရယ်လို့ စိတ်ထဲကပဲ တောင်းဆိုမိလေသည်။ ပြောပြချင်တဲ့စကား တွေကို စဉ်းစားနေတဲ့ မေမေ့ဟန်က စကားလုံးတိုင်းကို နားလည်သဘောပေါက်စေချင်တယ်ဆိုတာလည်း မေဦးသိပါတယ်။
 “ပြောလေ မေမေ…သမီး နားထောင်နေပါတယ်….”
“……………..”
“……….”
ဖြစ်ပျက်သမျှအဆိုးအကောင်းတွေကို ဝေဖန်ပိုင်းခြားတတ်စေဖို့နဲ့ လိမ္မာရေးခြားရှိအောင် သတိထားနေထိုင်ဖို့တွေကို ပြောပြပေးနေတဲ့ မေမေ့စကားသံတွေက ဟိုးအဝေးကြီးကလာနေသလို မေဦးဆီကို တစ်လုံးချင်း တဖြည်းဖြည်းချင်းဆီ အလုအယက်ပြေးဝင်လာကြလေသည်။ မေမေရဲ့နှုတ်ခမ်းအလှုပ်လေးမှာတင် ထွက်ကျလာတဲ့ စကားစုတိုင်းက မေဦးရဲ့ နှလုံးသားထဲတိုင်အောင် စိမ့်ဝင်သွားကြလေသည်။
ရုပ်သေတစ်ခုလို ငုတ်တုတ်ထိုင်လျက် ငြိမ်သက်နေတဲ့မေဦးက မေမေရဲ့အကြင်နာမျက်ဝန်းတွေကို မျက်ရည်တွေကြားကနေ ၀ိုးတ၀ါး အကြည့်နဲ့ ကြည့်လိုက်မိလေသည်။ လိုချက်တက်မက်မှုတွေပြည့်နေတဲ့ မမချိုတို့မောင်နှမတွေရဲ့ ရောင်စုံမျက်ဝန်းတွေနဲ့ လားလားမှမဆိုင်။
မေမေကြီး၊ မမချို၊ မမနီလာနဲ့ ခဲအိုတွေရဲ့ တစ်ယောက်တစ်မျိုး ပြောဆိုနေကြတဲ့ စိတ်ရှုပ်စရာကိစ္စရပ်တွေက နေ့စဉ်နဲ့အမျှပင်၊ ကိုအောင့်ကို နိုင်ငံခြားသင်္ဘောလိုက်ခိုင်းတာလည်း မမနီလာတို့စနစ်ဖြစ်သလို မေဦးရောက်လာမှ မေမေကြီးကိုကြည့်ဖို့ခေါ်ထားတဲ့ ဆရာမကို အလုပ်ထုတ်ပစ်တာလည်း မမချိုရဲ့သဘောထားတွေပင်။ အငယ်ဆုံးသားမို့ လုပ်ငန်းတစ်ခု မခွဲဝေပေးတာကလည်း ခဲအိုတို့သဘော ဖြစ်ခဲ့လေသည်။ ကိုယ့်သဘောမပါတဲ့ နေ့စဉ်ဆုံးဖြတ်ချက်တွေကြားမှာ မေဦးရဲ့အဖော်က မိပုနဲ့မိစုမျှသာ။
 “သမီးလေး…မေဦး…ဘာတွေတွေးနေပြန်ပြီလဲဟင်..……မေမေပြောတာကို နားလည်အောင်ကြိုးစားရမယ်နော်……”
“……..သမီးကြိုးစားပြီး နေထိုင်သွားမှာပါ…..”
 “ကဲ..ဒါဆိုလည်း အိပ်ဖို့ပြင်တော့……..……”
“ဟုတ်မေမေ….”
မေမေ့ကိုရိုသေစွာကန်တော့ပြီး အိပ်ရာဝင်ခဲ့ပေမယ့် မေဦးခဏလေးနဲ့ အိပ်မပျော်ခဲ့ပေ။ ရင်လေးစရာ ရှေ့ရေးတွေကို ကြိုတင်ပြီး မစဉ်းစားချင်ပေမယ့် သေချာတာတစ်ခုကတော့ အဆိုးဆုံးဆိုတာတွေကို ကြိုတင်လို့ပြင်ဆင်ထားရပေတော့မည်။ နေရာသစ်၊ အတွေ့အကြုံသစ်မှာ ခြောက်လသာ ရင်ဆိုင်ရသေးတာမို့ နောင်နှစ်ပေါင်း ခြောက်ဆယ်အထိ တွေ့ကြုံရမယ့် အခက်အခဲပေါင်းများစွာအတွက် မေဦးသတ္တိတွေ မွေးရဦးမှာပါ။
မပြည့်မစုံကြားထဲကနေ မေဦးကိုမွေးထုတ်ပေးခဲ့တဲ့ မေမေ့ရဲ့သတ္တိသွေးတွေအပြည့်ပါနေတဲ့မေဦးက ပြည့်စုံသူတို့ရဲ့ အသိုင်းအ၀ိုင်းကြားမှာ ခေါင်းမော့ရင်ကော့နိုင်အောင် ဘာလို့များ မနေနိုင်ရမှာလဲ။
စိတ်ရင်းစေတနာတွေအပြည့်ပါနေတဲ့ မေဦးရဲ့အကြင်နာလက်တစ်စုံက ဂုဏ်ပကာသနတွေထုတ်ပိုးထားတဲ့ မေမေကြီးတို့မိသားစုကို ဘာလို့များ မနွေးထွေးနိုင်ရမှာလည်း။
မိဘနဲ့ညီကိုမောင်နှမတွေရဲ့စကားကိုမလွန်ဆန်နိုင်တာကတစ်ဖက်  မေဦးကတစ်ဖက်နဲ့ သင့်တင့်အောင်ကြိုးစားနေပေးရှာတဲ့ မေဦးချစ်တဲ့ ကိုအောင်အတွက် မေဦးက စံပြဇနီးတစ်ယောက်အဖြစ် ဘာလို့များ မနေနိုင်ရမှာလည်း။
တစ်ယောက်တည်းချမိတဲ့ ဒီဆုံးဖြတ်ချက်တွေအကောင်အထည်ဖော်ဖို့ အားအင်သစ်တွေနဲ့ ရန်ကုန်ရွှေမြို့တော်ကြီးဆီသို့ မေဦးမကြာခင် ပြန်ရပေဦးမည်။ ရောင်စုံကာလာတွေကြားထဲက အဖြူရောင်လေးတစ်ခုကိုဖြင့် အများမြင်အောင်ပြသနိုင်လိမ့်မယ်လို့ မေဦးအဆုံးတိုင် ယုံကြည်မိလေတော့သည်။
စိမ့်စမ်းရေ

12.11.2015

Read More
Posted by စိမ့်စမ်းရေ on Friday, June 10, 2016


ဟိုင်းဝေးကားကြီးမို့ထင်သည် မှတ်တိုင်တစ်ခုရောက်တိုင်း ဆင်းကြတဲ့ခရီးသည်တွေကမနည်းပင်၊ ခုလည်း ကျွန်မဆင်းတဲ့ မှတ်တိုင်မှာ အတော့်ကိုအများသားပင်။ ကိုယ့်ရှေ့ကနေ တဖြည်းဖြည်းချင်း ဆင်းနေတဲ့ တခြားခရီးသည်တွေကို ကျွန်မ စိတ်ရှည် လက်ရှည် စောင့်နေလိုက်ပြီး နောက်ဆုံးမှဆင်းခဲ့လေသည်။ အပိုတန်ဆာပလာတွေမပါတဲ့ကျွန်မအတွက်တော့ ခရီးဆောင်အိတ်ငယ်လေး တစ်လုံးတည်းပင်။
“ဟူး………ရင်ထဲကိုအေးသွားတာပဲ”
ကားပေါ်ကဆင်းဆင်းချင်း အေးမြပြီးသန့်ရှင်းတဲ့လေနုအေးက ကျွန်မကိုဆီးကြိုပွေ့ဖက်လေတော့သည်။ ဘေးဘီဝဲယာမှာ ကိုယ့်အသိတွေများ တွေ့လေမလားလို့ ဟိုဟိုဒီဒီရှာကြည့်ပေမယ့် တစ်ယောက်တစ်လေမှ မမြင်မိပေ။ ကြိုတင်အကြောင်းကြားထားရင်တော့ လာကြိုပေးမယ့်သူတွေရှိနိုင်ပေမယ့် အမေ့ကိုလည်းအံ့သြစေချင်တာကြောင့် ဘယ်သူမှအသိမပေးဘဲ တစ်ယောက်တည်းပြန်လာခဲ့ခြင်းပင်။
“အမ…ကယ်ရီ ခေါ်ဦးမလား….”
ဆိုင်ကယ်ကို ကျွမ်းကျင်စွာမောင်းနှင်လာတဲ့ ကောင်လေးက ကျွန်မဆီသို့ ၀ူး…..ဆို ရုတ်တရက်လာရပ်လေသည်။ အပြုံးတစ်ပွင့်နှင့်အတူ ကျွန်မ ခေါင်းကိုညင်သာစွာရမ်းပြလိုက်တော့ စိတ်ပျက်သွားတဲ့ သူ့ဟန်လေးက အားနာဖို့တောင် ကောင်းလေသည်။  မတွေ့ထိတာ ကြာသွားပြီဖြစ်တဲ့ တောသဘာဝအလှအပတွေကို ကျွန်မခြေဆန့်လို့ကြည့်ချင်သေးသည်လေ။
ကားပေါ်မှာ ၅ နာရီနီးပါး အညောင်းမိလာသမျှ ခုမှ ပြေစမို့ထင်သည် လမ်းလျှောက်ရတာ ဒီတစ်ခါ အရသာအရှိဆုံးလို့ ကျွန်မ ပြောလိုက်ချင်သေးသည်။ တောလမ်းခရီးမဟုတ်ပေမယ့် သွားသူလာသူ ရှိမနေပါ။ ဘေးဘီဝဲယာမှာတော့ လယ်ကွင်းတွေက စိမ်းစိမ်းစိုစို၊ လယ်တစ်ချို့ ကောက်စိုက်ပြီးပေမယ့် တစ်ချို့အကွက်တွေ ကျန်နေသေးသည်။ လူသွားလမ်းမထက်မှာတော့ ကျွန်မတစ်ယောက်တည်းသာ။
“…နေရောင်ခြည်လည်း နွေးပါစေ၊ လေပြည်အေးပါစေ……ချစ်မိတ်ဆွေပေါင်းဖော်များ…ကျန်းမာကြစေသား………”

တစ်ရွာနဲ့တစ်ရွာကြား ရောက်နေတာမို့ ကြားလိုက်ရတဲ့ ကလေးငယ်တစ်ယောက်ရဲ့ ကဗျာရွတ်ဆိုသံကြောင့် ကျွန်မ ဘေးဘီဝဲယာကို အသာငဲ့စောင်းကြည့်မိလိုက်ပါတယ်၊ အရင်က ကွင်းပြင်တွေချည်းသာရှိခဲ့ရာမှ ခုတော့ ကြိုကြားကြိုကြား အိမ်ငယ်ကလေးတွေ တိုးပွားနေသည်မို့ ဒီအစုထဲကသာဖြစ်ရမယ်လို့ ကျွန်မတွေးထင်လိုက်လေသည်။
အားမာန်အပြည့်နဲ့အဆုံးသတ်သွားတဲ့ ကဗျာနောက်ဆုံးပိုဒ်လေးကို ကျွန်မ သံယောင်လိုက်ပြုရင်းက အသံထွက်၍ပါ ဆိုမိချေပြီ။ မကြာခင်ရောက်ရှိမြင်ရတော့မယ့် ကျွန်မရဲ့ချစ်သောမေမေအပါအ၀င် မိတ်ဆွေအပေါင်းအသင်း သူငယ်ချင်းတွေအားလုံး ကျန်းမာလို့ချမ်းသာစွာ ရှိကြပါစေလို့ ကျွန်မ ရင်ထဲကနေ လှိုက်လှိုက်လှဲလှဲကို ဆုတောင်းမိလေတော့သည်………….။
***-----***-----***-----***-----
“ ဟဲ့ ဟဲ့…………ဟဲ့…ညည်း မေဦး မဟုတ်လား……………”
“ဟင်…….ဒေါ်လေးရွှေ….”
“ညည်းအေ….အကြောင်းမကြားဘာမကြားနဲ့.ဒါ ကားဂိတ်ကနေ တစ်ယောက်တည်းလမ်းလျှောက်လာတာပေါ့လေ.. ဟုတ်လား… ကြည့်စမ်းကြည့်စမ်း…ကားဂိတ်နဲ့ရွာကို အနီးလေးများထင်နေသလား မေဦးရယ်… လူကြီးတွေကို ၀မ်းသာရအောင် ကြိုတော့ ပြောသင့်တာပေါ့….. ညည်းလာလည်တာ ဘယ်သူက ၀မ်းမသာပဲ ရှိမလဲ….တကတည်း မပြောလိုက်ချင်ဘူး…… ပေးပေး….ညည်းလက်ထဲက အထုပ် ….”
“ရပါတယ် ဒေါ်လေးရွှေရဲ့ ပေါ့ပေါ့လေးပါ.. မေဦး ကိုယ့်ဘာသာ သယ်ခဲ့ပါ့မယ်..”
“ပေါ့ပေါ့လေးလေးအေ………ပေးဆိုပေးလိုက်ပေါ့……….”
ပြောပြောဆိုဆိုနဲ့ ကျွန်မလက်ထဲကအထုပ်ကို ဒေါ်လေးရွှေက ခေါင်းပေါ်ပင့်တင်လိုက်ပြီး ရှေ့ကနေဦးဆောင်လို့ သွားချေပြီ။ ရွာနောက်ပိုင်းလောက်ကျတဲ့ ကျွန်မတို့အိမ်က ကျွန်မခြေလှမ်းနဲ့ဆို အနည်းဆုံးတော့ မိနစ် 20 လောက် လျှောက်ရပေဦးမည်။ မြန်လည်းမြန် သွက်လည်းသွက်လှတဲ့ ဒေါ်လေးရွှေရဲ့ ခြေလှမ်းတွေကို ကျွန်မလိုက်မမှီတာမို့ အနောက်ကနေ ခပ်အေးအေးနဲ့သာ လျောက်နေလိုက်ပါတယ်။
“ဟိတ်……….…”
“အမလေး…..လန့်လိုက်တာ မပုတိုရယ်………ဖြေးဖြေးသာသာလုပ်ပါ…..”
“ကြည့်စမ်း…ငါကဘယ်သူများလဲလို့ နောက်ကနေလိုက်ကြည့်နေတာ၊ မှတ်တောင်မမှတ်မိပါလား မေဦးရ… တစ်သွေးတစ်မွေးကြီးကိုဖြစ်လို့ တို့ရွာက သူစိမ်းလက်မခံဘူးဆိုတာ မသိဘူးလား…..…”
“ဟယ်……….မပုတို……ကြည့်စမ်း လူမရောက်သေးဘူး လေသံနဲ့တင် ခြိမ်းခြောက်နေတာများ….ကြောက်လှချေရဲ့နော်….”
ပခုံးတွန့်ကာ ကြောက်ဟန်ဆောင်ပြလိုက်တော့ မပုတိုက တ၀ါးဝါးနဲ့အော်ရယ်လေတော့သည်။ သူရယ်တော့ကျွန်မလည်းလိုက်ရယ်မိလေသည်။ ဒါဟာ ကိုယ့်ဇာတိမွေးရပ်မြေရဲ့ ချစ်ခင်ဖွယ်ရာ နှုတ်ဆက်ဟန်ဆိုရင်လည်း မမှားနိုင်ဘူးပေါ့။ နှစ်ယောက်သား လက်ချင်းချိတ်၊ ပခုံးဖက်လို့ တက်ကြွတဲ့ခြေလှမ်းတွေနဲ့ အမေ့အိမ်ဆီသို့သာ အမြန်လှမ်းလိုက်ကြပါတယ်။
***-----***-----***-----***-----
ဖော်ရွေကာခင်မင်ရင်းနှီးကြတဲ့ တောဓလေ့သဘာဝကို ကျွန်မ စာမဖွဲ့တတ်ပါ။ မြို့ရောက်သွားတာ 6 လလောက်သာရှိသေးတဲ့ကျွန်မကို ၀ိုင်းအုံကြည့်လိုကကြည့်၊ မေးတဲ့သူကမေးနဲ့ ကျွန်မမေမေဧည့်ခံတဲ့ ရေနွေးကြမ်းအိုးတောင် တည်လို့ပင် မနိုင်ချေ။ မျက်နှာပေါ်က အပြုံးပန်းကို အလှဆုံးပန်ဆင်ထားတဲ့ ကျွန်မရဲ့မေမေကတော့ မြို့ပေါ်မှာနေရတဲ့ သမီးအလိမ္မာလေးအတွက် ဂုဏ်ယူမဆုံးနိုင်ကြောင်း လာသမျှလူတွေကို ပြောမကုန်နိုင်ရှိနေခဲ့လေသည်။
ဧည့်သည်တွေကိုဧည့်ခံလိုက်၊  ညနေစာအတွက် ပြင်ဆင်လုပ်နေတဲ့ ကျွန်မရဲ့မေမေက ဒီနေ့မှပိုလို့ ရွှင်လန်းနေသယောင်ပင်။ မေမေ့ရဲ့ပီတိအပြုံးတွေကြားမှာ ကျွန်မလည်းပဲ အပြုံးလေးတွေ ကူးစက်နေလို့သာပေ့ါ။ အမေ့အတွက်ရယ်လို့ ဘာတစ်ခုမှ ပြန်မထောက်ပံ့ပေးနိုင်သေးတဲ့ကျွန်မက ခု မေမေ့ဆီက အားပေးစကားတွေနဲ့ အသုံးစားရိတ်ကို လာပြန်ယူတာလို့ဆိုရင် မေမေစိတ်ချမ်းသာပါဦးမလား…………..။
“သမီး…………မေဦး………”
“ရှင်..မေမေ….လာပြီလာပြီ”
 “င့ါသမီးနှယ်……ဒီမှာ မေမေခေါ်နေတာဖြင့်ကြာလှရှိနေပြီ။ လာ……ညနေစာစားရအောင် တော်ကြာ သမီးသူငယ်ချင်းတွေ လာချင်လာနေကြဦးမှာ ”
စားပွဲပေါ်ပြင်ဆင်ပေးထားတဲ့ ဟင်းတွေကအမျိုးစုံလှလေသည်။ တောထမင်း တောဟင်းမို့ အရသာတော့ ဘာနဲ့မှမလဲနိုင်ချေ။ ချက်ချင်းခူးလို့ ချက်ချင်းစားကြလေ့ရှိတဲ့ သဘာဝမို့ ဟင်းသီးဟင်းရွက်အားလုံးက လတ်ဆတ်လှသည်။ ငါးငါးပိချက်၊ တို့စရာအစုံ၊ အာလူးဟင်း၊ ဆူးပုတ်ရွက်ဟင်းချို အကုန်လုံးက ကျွန်မအကြိုက်တွေပါပဲလား မေမေရယ်………….။
“မေမေ………….ဟင်းတွေကလည်း များလိုက်တာ……….သမီးအတွက် အဲ့လောက်မလိုပါဘူးမေမေရယ်……..နော်”
“အရင်တုန်းကတော့ မလိုပေမယ့် ခုလိုတယ်သမီးရဲ့၊ နောက်ဆို ငါ့သမီးက မေမေ့အိမ်မှာတောင် ထမင်းစားနိုင်ပါဦးမလားကွယ်….မြို့မှာက အစားအသောက်တွေကော တခြားပစ္စည်းတွေကော စုံလို့ပဲမဟုတ်လား…...”
“ဟာ……မဟုတ်တာပဲမေမေကလည်း…သမီးက ဘာမို့လို့ မေမေ့ဆီမှာ ထမင်းမစားနိုင်ရမှာလဲ…မေမေနော်……အဲ့လိုမျိုးတွေပြောတာ သမီးမကြိုက်ပါဘူး…...”
“ကဲပါ ဟုတ်ပါပြီ၊ မေမေက ကိုယ့်သမီးလေးကို ချစ်လို့ စတာပါ…..ကဲကဲ စားစား ပူတုန်းလေး……”
ကျွန်မရဲ့ထမင်းပန်းကန်ထဲကို ဟင်းတွေခပ်ထည့်ပေးနေတဲ့ အမေ့ရဲ့လှုပ်ရှားဟန်တွေတိုင်းမှာ ကျွန်မအပေါ် စေတနာတွေ၊ မေတ္တာတွေ အပြည့်နဲ့ သက်ဝင်လှုပ်ရှားနေတယ်ဆိုတာ ကျွန်မအသိဆုံးပါ။ မစားရတာကြာပြီဖြစ်တဲ့ အမေ့လက်ရာလေးတွေကို ခံတွင်းမြိန်စွာနဲ့ အားရပါးရစားမိတဲ့အခါ ကျေနပ်ပီတိဖြစ်နေရှာတဲ့ မေမေ့ကို မျက်ရည်တွေကြားက ၀ိုးတ၀ါးနဲ့ မြင်လိုက်ရလေသည်။
“မေဦးရေ………………ဒေါ်လေးရေ………..၀င်လာပြီနော်……..”“ဟော……မေမေမပြောလား……..ပုတိုမတို့ ချီတက်လာကြပြီ……..ကဲကဲ…စားစားမြန်မြန်….”
***-----***-----***-----***-----
“မေဦးရေ..မေဦး……. မြန်မြန်လာစမ်းပါဦး…..”

ဘုရားပန်းအိုးထိုးနေရာမှ မမချိုရဲ့ခေါ်သံကြောင့် မေဦးကော မိပုပါ ခေါင်းတွေအလိုလိုတည့်မတ်သွားလေသည်။ ပုံမှန်ထက် ပိုမို ကျယ်လောင်နေတဲ့အသံကြောင့် ဘာများဖြစ်လို့ပါလိမ့်လို့ စိုးရိမ်စိတ်က မေဦးရင်ကို ဒိုင်းခနဲ ၀င်ရောက်လေတော့သည်။
“ရှင်………..မမချို.....ဘာ….ဘာဖြစ်လို့လဲဟင်”
“ လာစမ်းပါမြန်မြန် …ဒီမှာ မေမေဗိုက်ဆာနေလို့တဲ့ အဲဒါ လာလုပ်ပေးဦး”
“ဟုတ်….လာပြီ လာပြီ မမချို……”
အိမ်အောက်ထပ်ဆီသို့ ကြားအောင်လှမ်းအော်ပြောလိုက်ရင်း လုပ်လက်စလေးတွေကို မိပုလက်သို့အပ်လိုက်ရလေသည်။
“မိပု…….ဘုရားပန်းတွေကို သေချာလှလှလေးထိုးနော်။ ရေလည်းသေချာဆေးသိလား………. မမ မကြာဘူး ခဏနေရင်ပြန်လာခဲ့မယ်”
“ဟုတ်ကဲ့ပါ မမလေးရဲ့……….ဖြေးဖြေးလည်းဆင်းသွားဦး….”
“အေးပါ ………”
“ဟွန်း…… ကိုယ့်အမေစားဖို့တောင် မလုပ်ချင်ဘူး ၊ ဒါလေး လုပ်ပေးလိုက်ရတာများ ဘယ်လောက်ကြာတာမှတ်လို့ မမလေးကိုပဲ အကုန်လုံး လိုက်ခိုင်းနေတယ်”
ဘုရားပန်းအိုးတွေကို ဆေးနေရင်းမှ ပွစိပွစိအသံထွက်နေတဲ့ မိပုခေါင်းလေးကိုအသာပုတ်လို့ မေဦး အောက်ထပ်သို့ အပြေးကလေးဆင်းလာလိုက်ပါတယ်။ ၀ရန်တာလက်ရမ်းမပါတာမို့ သွားနေလာနေကျမဟုတ်တဲ့ကျွန်မ အနည်းငယ်တော့ အချိန်ယူရလေသည်။

 “မေဦး….နင်ကလည်း ကြာလိုက်တာ……..ဒီမှာ ကိုင်ထားရတာတောင် ညောင်းနေပြီ…”
ဆီပေမှာစိုးလို့ လက်မနဲ့လက်ညှိုးသာ အားပြုကိုင်ထားရတဲ့ မုန့်ဟင်းခါးအထုတ်လေးက မမချိုအတွက်တော့ အတော်လေးတဲ့ ပစ္စည်းတစ်ခုလိုပင်။
“အော်…မမချိုကလည်း ပန်းကန်ထဲထည့်ထားတော့ ဘာဖြစ်လို့လဲ။ ဒါလေးများ မေဦးကို လှမ်းခေါ်နေရသေးတယ်.. ပေးပေး…”
ပါးစပ်ကလည်းပြော၊ လက်ကလည်းလှမ်းယူပြီး မေဦး မီးဖိုချောင်ထဲ ၀င်သွားလိုက်ပါတယ်။ သင့်တော်မယ့် ပန်းကန်ထဲထည့်လိုက်ပြီး မေမေကြီးအတွက် အခြားပြင်ဆင်စရာရှိတာလေးတွေကိုပါ တစ်ခါတည်း ပြင်ဆင်လာလိုက်လေသည်။

မုန့်ဟင်းခါးပန်းကန်၊ ကော်ဖီပူပူနဲ့ ပေါင်မုန့်မီးကင်တစ်ချပ်၊ နံနက်ဆေးတစ်ဖုံ ထည့်ထားတဲ့ စတီးဗန်းလေးကိုင်ပြီး မီးဖိုခန်းထဲကအထွက်

“သမီး…………မေဦး…….သမီး….သမီး….”
“ဟင်…..မေမေ…….သမီး…သမီး.. ရန်ကုန်အိမ်ကို စိတ်စွဲပြီး အိမ်မက် မက်နေတာထင်တယ်..………”
“ဟုတ်မှပေါ့..ပါးစပ်ကလည်း ဘာတွေပြောနေမှန်းမသိဘူး………မိပုတွေကော မိစုတွေကော စုံနေတာပဲ……….”

ဟင် ဆိုပြီး ရုတ်တရက် ထထိုင်မိလိုက်တဲ့ ကျွန်မ ရုတ်တရက်မို့ အာရုံတွေကို မနည်းစုစည်းလိုက်ရလေသည်။ ကျွန်မစိတ်တွေ မိပုတို့ဆီ ရောက်သွားတာပဲဖြစ်ရမည်။ ခုချိန်ဆို သူတို့လေးတွေ မေမေကြီးကိစ္စတွေနဲ့ အလုပ်ရှုပ်နေကြရောပေါ့……..ပြီးတော့…ဒီနေ့က အင်္ဂါနေ့… ဆရာဝန်အိမ်ကိုလာကြည့်မယ့်နေ့……….ပြီးတော့………ပြီးတော့…….ဟာ……….။

“သမီး…….ဘာဖြစ်နေတာလဲ…..ဘာလဲ အိပ်ရေးမ၀သေးဘူးလား…ညက အိပ်မပျော်ဘူးလား..…ပြန်အိပ်ချင်သေးလို့လား……..ဟုတ်လား….”
“ဟာ……မဟုတ်ပါဘူးမေမေကလည်း……….”
“ဒါဆိုလည်း ထ…ထမင်းကြမ်းစားရအောင်၊.. ပုတိုမတို့ လာခေါ်ကြမှာဆို……..သမီးပဲ သူတို့နဲ့လယ်ထဲခဏလိုက်မယ်ဆို၊ ”
“အယ်……..ဟုတ်သား………”

***-----***-----***-----***-----
ကန်သင်းရိုးတစ်လျှောက် စီတန်းပြီးသွားနေကြတဲ့ မပုတိုတို့အသိုက်ကိုမှီဖို့ မေဦး မနည်းကိုပြေးလိုက်ရလေသည်။ သနပ်ခါးကို ခြစ်ချရလောက် အောင်ဖြီးလိမ်းထားပြီး အပေါ်ထပ်လက်ရှည်အင်္ကျီဝတ်၊ လုံချည်တိုတိုနဲ့၊ ခမောက်ဆောင်းထားတဲ့ မေဦးသူငယ်ချင်းတွေရဲ့အလှက တစ်ကယ့်ကိုတောသဘာဝအလှတွေပင်။ ပျိုးပင်လေးတွေ အစုလိုက် အစုလိုက်ချထားဟန်၊ ကောက်စိုက်သူလေးတွေရဲ့ လှုပ်ရှားဟန်တွေက မေဦးတို့လို တောသူတောင်သားတွေသာ မြင်ရတဲ့ သဘာဝရဲ့အလှတစ်ခုပင်။

ကျောင်းသူဘ၀မှသည် တက္ကသိုလ်တက်၊ နောက် အိမ်ထောင်ကျသည်အထိ မေဦး ကောက်မစိုက်ဖူးခဲ့ပါ။ လယ်ပိုင်မရှိတာလည်းတစ်ကြောင်း၊ မေမေ့ဈေးဆိုင်လေးကြောင့်တစ်ဖုံနဲ့ မေဦးက တောသူဆိုပေမယ့် တောအလုပ်တွေကို မလုပ်ကိုင်ဖူးခဲ့ပေ။ တစ်ခါတစ်လေ အနည်းငယ် ၀ိုင်းကူတာကလွဲလို့ မေဦးက နေ့စားအဖြစ် ကောက်မစိုက်ခဲ့ရပေ။ မေဦးဘ၀ကို အားကြကြောင်း မပုတိုက ခဏခဏပြောခဲ့ပေမယ့် မိစုံဖစုံမရှိတဲ့ဘ၀က ဘာများပိုကောင်းလို့လည်း မပုတိုရယ်လို့ မေဦးက ပြန်ပြောခဲ့ခြင်းသာ။

“မေဦးရေ…နေပူတယ်ဟ မြန်မြန်လာ..……….ဟိုဘက်က ပတ်လာခဲ့”
“ဟုတ် ဟုတ် မပုတိုရေ………..”
လယ်ကွက်ထဲကနေလှမ်းအော်ပြောနေတဲ့ မပုတိုကို မေဦး လက်လှမ်းပြလိုက်ပါတယ်။ လျှောက်နေမကျတဲ့လမ်းတွေမို့ မေဦးအတွက်တော့ ယိုင်နဲ့နဲ့ခြေလှမ်းတွေဖြစ်နေခဲ့လေသည်။
“ဟူး……….မောလိုက်တာ…..နေကလည်းမထွက်သေးဘူး ပူလိုက်တာလွန်ပါရော….”
“မယ်မင်းကြီးမ….အဖြစ်သည်းပြမနေနဲ့၊ သူများတွေကြားရင် ညည်းကို အတင်းပြောကြလိမ့်မယ်……ဘ၀မေ့တယ်ဘာဖြစ်တယ်နဲ့…”
“အဲ့လိုသဘောမဟုတ်ပါဘူး မပုတိုရယ် မေဦးက …….”
“အေးပါအေးပါ…..သွား ဟိုနားသွားထိုင်နေ၊ ငါတို့အလုပ်စလိုက်ဦးမယ်…..ဒီအကွက်က ထောင့်ကွက်မို့ ငါ သက်သက်ချန်ထားခဲ့တာ။ အမှန်ဆို တနေ့ကတည်းက ပြီးရမှာ….”
“အော်…”
လေကကြမ်းတယ်ဆိုပေမယ့် ခပ်သုန်သုန်လေးတိုက်ခတ်နေတော့ နေလို့ပင်အကောင်းသား။ ဟိုဟိုဒီဒီကြည့်စရာလည်း သိပ်မရှိတာမို့ ကောက်စိုက်နေသူတွေထံသို့သာ အာရုံစိုက်ထားလိုက်လေသည်။ တက်ညီလက်ညီနဲ့ ကောက်စိုက်နေကြတဲ့ မပုတိုတို့က နေ့စားမဟုတ်ပဲ အကွက်လိုက်၊ ဧကလိုက်  ယူစိုက်ကြသူတွေပင်။ ကိုယ်မြန်မြန်စိုက်ရင်လည်းရသလို၊ တစ်ရက်နှစ်ရက်နားပြီးမှ စိုက်ရင်လည်းရသည်။ တစ်ချို့က နှစ်ယောက်တွဲ၊ သုံးယောက်တွဲ စသည်ဖြင့် အများဆုံးကတော့ ငါးယောက်တစ်ဖွဲ့ပင်။
တစ်နေကုန် ကုန်းထားရတဲ့ခါးတွေ မညောင်းဘူးလားလို့ ကျွန်မ မေမေ့ကိုမေးကြည့်ဖူးသည်၊ ရွှံ့ဗွက်တွေက ခြေမျက်စိမြုပ်သည်အထိ တစ်ခါတစ်လေ ခြေသလုံးတစ်ဝက်ကျော်သည်အထိ ရုန်းရသည်။ မိုးရွာရင်ပိုပြီးအလုပ်မတွင်ကျယ်ဘူးလို့ မေမေပြောပြသမျှတွေက မေဦးအတွက်တော့ ဘယ်တော့မှ လက်တွေ့ဖြစ်မလာခဲ့ပေ။
မေဦးတို့ရွာမှာက မိုးတွင်းဘက် ကောက်မစိုက်ရင် တခြားဘာအလုပ်မှမရှိပေ။ ၀င်ငွေတစ်ခုရဖို့ ကောက်စိုက်အလုပ်ကိုသာ အလုအယက် လုပ်ရလေသည်။ ကိုယ့်လယ်ပြီးသူများလယ်၊ တစ်ချို့များဆို တခြားရွာတွေအထိ သွားရောက်စိုက်ကြရသည်။ တစ်ခုခု ပင်ပန်းတာမြင်ရတိုင်း မေမေ့ကျေးဇူးတွေကိုသာ အထပ်ထပ်အောက်မေ့မိလေတော့သည်။
“ဟေး……..ပြီးပြီဟ………..ပြီးပြီ…….….”
လယ်ကွက်ထဲကနေ အားရပါးရ အော်လိုက်သံကြောင့် ကျွန်မ မပုတိုတို့ဆီ လှမ်းကြည့်လိုက်ပါတယ်။ သူငယ်ချင်း သုံးယောက်သား ကျွန်မဆီ လာနေဟန်မို့ ဘာများပါလိမ့်လို့သိချင်နေပေမယ့် ခဏတော့ စောင့်နေလိုက်ပါတယ်။
“ဟူး……မောလိုက်တာမေဦးရာ…တော်ပါသေးရဲ့ နေ့တ၀က်နဲ့တင် ပြီးသွားလို့…..”
“အဲ့ဒါကြောင့်ပြောတာ…..ဘာတဲ့…လယ်ကြီးထောင့်လည်းမစိုက်နဲ့………….အိမ်ကြီးရှင်လည်း မလုပ်နဲ့ဆိုတာ..”
“အမယ် အေးစိန်မ….ဒါကို ဘယ်ကကြားလာရပြန်တာတုန်း၊ အဲ့လိုသာဆို လယ်ကွက်တိုင်းမှာ ထောင့်ကွက်တွေချည်း ကျန်နေတော့မပေါ့… ကဲကဲ ရှင်းစမ်းပါဦး…...”
“အဲ့လိုမဟုတ်ဘူး မပုတိုရဲ့…လယ်ကြီးထောင့်ကနေ စစိုက်မိရင် တော်တော်နဲ့မပြီးနိုင်တော့ဘူးတဲ့၊ ခု မပုတိုက ယူထားတဲ့လယ်ကွက်က အကြီးကြီး၊ ပြီးတော့ တစ်ယောက်တည်း၊ စ စိုက်တော့လည်း ထောက်ဖြတ် အဲ့လိုအဲ့လို……အိမ်ကြီးရှင်လုပ်မိရင်လည်း လုပ်ပါလေဦး အိမ်အလုပ်တွေ၊ မနက်နဲ့ည နားရတယ်ကို မရှိဘူးတဲ့…..မယုံရင် မေဦးမေကြည့်ပါလား….”
“ဟာ…. မအေးစိန်ကလည်း မေဦးမှ ကောက်မစိုက်ဘူးတာ…..”
“အေးစိန်မရေ……တော်ပြီ…..ထမင်းစားမယ်….ခု ပြီးပြီမဟုတ်လား၊ ဘာမှအပိုတွေပြောမနေနဲ့တော့.. တို့တွေစားသောက်ပြီး ခဏနားမယ်၊ ပြီးရင် ဘုန်းကြီးကျောင်းဘက်ကနေ လှည့်ပြန်ကြမယ်…ဒေါ်လေးရွှေတို့ အ သုံးလုံး သင်နေတဲ့ဆီ သွားကြမယ်လေ…မကောင်းဘူးလား..”
“ဒေါ်လေးရွှေက အရမ်းရီရတာ မေဦးရဲ့…….ဟိုရက်က ဘာတဲ့ (ရကောက်)ကို မရေးချင်လို့ ပတ်ပြေးနေတာဆိုလားပဲ။ ဒါတောင်သူကပြောသေးတယ်….စပါး တစ်တင်းသာ ပြေးထောင်းလိုက်ချင်တယ်…..အဲ့ဒါ ရှည်ရှည်ကောက်ကောက်ကို မရေးချင်ဘူးတဲ့……”
“ ဟားဟားဟား… ဒေါ်လေးရွှေကတော့ လုပ်ပြီ…….”
***-----***-----***-----***-----
ဆက်ရန်
စိမ့်စမ်းရေ

21.9.2015

Read More
Posted by စိမ့်စမ်းရေ on

*** ကျေးဇူးပါ ကံကြမ္မာ ***
လေးကန်စွာလျှောက်လှမ်းလာတဲ့ ကျွန်မရဲ့ခြေအစုံတို့ တဖြည်းဖြည်းနှေးလာခဲ့လေပြီ။ ကားပေါ်ကဆင်းကတည်းက ကိုယ်သွားရမယ့်နေရာသို့ အမြန်မရောက်ချင်ခဲ့ပေ။  ဖြစ်နိုင်ရင်နောက်ကြောင်းသာ ပြန်လှည့်လိုက်ချင်ပါတယ်။ အမိန့်အရ အလုပ်လုပ်နေရတဲ့ စိတ်မပါတဲ့ ဒီခြေထောက် တွေကိုလည်း သနားဖို့ကောင်းပါရဲ့။
လွန်ခဲ့တဲ့နှစ်များဆီမှ အတိတ်ရဲ့ခြေရာတို့ ပြေးလွှားခဲ့တဲ့ ဒီနေရာကို ကျွန်မ နောက်တစ်ကျော့ ပြန်မရောက်ချင်ခဲ့ပေ။ ပြန်မရောက်ရအောင် လည်း ကျွန်မတို့သားအမိတွေ နေ့မနား ညမအား ကြိုးစားခဲ့ရတာပါ။  ပြန်မတွေးတော့ပါဘူးဟု ကိုယ့်ဘာသာစိတ်ဆုံးဖြတ်ထားပေမယ့်၊ မတွေးဘဲရောက်လာတတ်တဲ့ အတွေးတို့ကို ကျွန်မ မပိုင်ခဲ့တာ သိပ်မကြာခင်ကတည်းကပါ။
အရာရာတိုင်းသောအဟောင်းတွေက အရောင်တောက်ပနေဆဲပင်။ မြင်ဖူးသလို၊ စူးစမ်းသလို ဝေ့ကြည့်လာတဲ့  လူပေါင်းစုံတို့ရဲ့ အဓိပ္ပါယ် ပေါင်းစုံနဲ့ မျက်ဝန်းအစုံကို ကျွန်မဘာသာမပြန်တတ်ခဲ့။
 “အို……ငါက အရင်လိုမှမဟုတ်တာ၊ သူတို့အကျိုးတွက် ငါလာရတာပဲ” လို့ မိမိဘာသာအားတင်းထားပေမယ့်၊ စိတ်ရဲ့ထွက်ပေါက် တစ်ခုဖြစ်တဲ့ ဘာသာပြန်မျက်ဝန်းမှာတော့ ၀မ်းနည်းရိပ်တွေ တွဲလို့ခိုလို့။ အရင်ကကျင်လည်ခဲ့တဲ့ဒီရပ်ကွက်၊ ဒီလမ်း၊ အိမ်နေရာ၊ မုန့်ဈေးဆိုင်ကလေးနဲ့ လမ်းသူလမ်းသားတွေ စသည်စသည်တို့ဘာမှ ပြောင်းလဲခြင်းမရှိသေးပေ။ အသက်အရွယ်သာ ကြီးလာကြပေမယ့် လူတစ်ချို့ရဲ့အမြင်တွေကတော့ နဂိုအတိုင်းပင်။ မှုန်ကုတ်ကုတ်မျက်ဝန်းထဲမှာ အလင်းတစ်ချို့တို့ရှိကြလေရဲ့။ 

တစ်ချို့ကလည်းကျွန်မကို မှတ်မိကြဟန်၊ မြင်ဖူးကြဟန်ပြပေမယ့် ခေါ်မလို၊ မခေါ်မလို။ ဝေးကွာခဲ့တဲ့နှစ်တွေ ဘယ်လောက်များခဲ့ပေမယ့် နှလုံးသားထဲစွဲထင်ကျန်နေတဲ့ ဒီနေရာ၊ ဒီပုံရိပ်တွေကိုတော့ ကျွန်မဘ၀မှာ ကမ္ဗည်းထိုးမှတ်တမ်းတင်ထားခဲ့တာကြာခဲ့ပါပြီ။ မမေ့မပျောက်နိုင်တဲ့ နေ့ရက်တို့ကတော့ ပုံဖမ်းကားချပ်တစ်ခုပမာပင်။
ငယ်ရွယ်တဲ့ကလေးဘ၀ရဲ့ မလှမပတဲ့ ပန်းချီကားတစ်ချပ်က အမေ့ကြောင့် ဆေးရောင်စိုခဲ့ရတာပါ။ အမေ့ကြောင့် အရောင်တောက်ခဲ့ရတာပါ။
ခုလည်း ဒီနေရာကို ပြန်ရောက်လာတယ်ဆိုတာကလည်း အမေ့ကြောင့်၊ အမေ့ကို တခြားလူတွေ အားကျစေချင်လို့၊ “ဒါ အေးကြည်မ သမီးလား”ဟု မေးလာမယ့်လူတွေရဲ့နှုတ်က စကားသံကို အမေ့ကိုပြန်ကြားစေချင်လို့။ အနှစ် ၂၀ ကျော်လောက် ရင်းခဲ့ရတဲ့ရက်တွေအတွက် လူတွေက အမေ့ကိုသိစေချင်လို့ပါ။
“ အေးကြည်မဆိုတဲ့ မိန်းမက သားသမီးကို ဘယ်လိုစောင့်ရှောက်ခဲ့တယ်ဆိုတာ သူတို့သိသွားစေရမယ်သမီး၊ စာကိုကြိုးစားစမ်းပါသမီးရယ်” လို့ မကြာခဏပြောပြောနေတဲ့ အမေ့ရဲ့ဒီစကားသံတို့ကို ကျွန်မ၀ိုင်းဝန်းဖြည့်ဆည်းခဲ့ရတာပါ။  အားလုံးထက်မတော်တောင် တန်းတူဖြစ်ဖို့ ကျွန်မကြိုးစားခဲ့ရတာ။ “တစ်နေ့ကျ ငါ့သမီးလေး အမြင့်တစ်နေရာကို ရောက်စေရမယ်”လို့ အမေ့ကြိမ်းဝါးသံတွေကို ကျွန်မ ပါရမီဖြည့်ခဲ့တာပါ။
မျက်ရည်ကြားက အမေ့အပြုံးလေးတွေ အသက်ဝင်လာအောင် ကျွန်မနိုင်သလောက် စွမ်းဆောင်ခဲ့ရတာပါ။ ခုတော့ ဒီနေရာကို နောက်တစ်ကျော့ ပြန်မလာချင်ပေမယ့် အမေ့ကိုကျေးဇူးဆပ်ချင်တာတစ်ခုတည်းနဲ့၊ အမေ့ စကားတစ်ခွန်းထဲနဲ့တင် ကျွန်မ ရောက်ခဲ့ပါပြီ။

ဟော၊ ရောက်ပါပြီ။ အိမ်ရှေ့ရောက်ကတည်းက ရင်းနှီးပြီးသားဖြစ်တဲ့ အနံ့တစ်ခုက ကျွန်မကို ခပ်ပြင်းပြင်း ဆီးကြိုလို့။ အသက်အောင့်ထား ပေမယ့် အတင်းထိုးဝင်လာတဲ့ဒီအနံ့ကို ကျွန်မ နှစ်အတော်ကြာ သိကျွမ်းခဲ့ဖူးပါတယ်။  ပြန်မတွေးချင်ပေမယ့် လွှင့်မျောလာတဲ့ မီးခိုးငွေ့ကြားမှာ ကျွန်မစိတ်သည်လည်း နောက်ကြောင်းတစ်ခါ လှည့်ချေပါပြီ။
***-----***-----***-----***-----***-----***-----***-----***-----
“ အေးကြည်၊ ဟဲ့အေးကြည်၊ ညည်းနှယ်အေ၊ အလုပ်လုပ်ရင်း ငိုက်နေရသလား၊ ဟိုမှာ ဟင်းရည်အိုးကို သွားမွှေချေဦး”
“ မငိုက်ပါဦးဒေါ်ဒေါ်ရဲ့”
“ညည်းပြောလိုက်ရင် ဆင်ခြေတွေချည်းပဲ”
အေးကြည်ဘာမှထပ်မပြောနိုင်ပါ။ အိမ်ရှေ့ကိုရောက်သွားပြီဖြစ်တဲ့ ဒေါ်ဒေါ်မြကို ဘယ်လိုစကားလုံးတွေနဲ့ ပြန်ပြောနိုင်ပါ့မလဲ၊ နေရာတကာ မောက်မောက်မာမာပြောတတ်တဲ့ ဒေါ်ဒေါ်မြဆီမှာအလုပ်လုပ်လာတာ ကြာလှချေပြီ။ 

အိမ်ထဲကအိမ်ပြင်မထွက်ရဘဲ မနက် ၄ နာရီလောက်ကတည်းက တစ်နေကုန် မနားတမ်းလုပ်ရတဲ့ ဒီအလုပ်ကို အေးကြည်လုပ်လာခဲ့တာ သမီးလေးပင် အသက် ဆယ်နှစ် ပြည့်ခဲ့လေပြီ။ လူကြားသူကြားဆို သိပ်ပြောချင်ဆိုချင်တဲ့ ဒေါ်ဒေါ်မြရဲ့စရိုက်ကိုလည်း ဒီကိုရောက်ပြီး သိပ်မကြာခင်မှာ အေးကြည် သိခဲ့ရပါတယ်။ ခင်ပွန်းသည်ဆုံးပြီး သမီးကလေးငယ်ငယ်နဲ့ ယောင်ချာချာဖြစ်နေတဲ့ အေးကြည်ကို မုန့်ဟင်းခါးဆိုင်မှာလူလိုလို့ နယ်ဘက်ကို လူလာရှာတဲ့ ဒေါ်ဒေါ်မြက စတင်ခေါ်ခဲ့ခြင်းပင်။

“ရန်ကုန်ကိုလိုက်ခဲ့ပါလားအေ၊ ညည်းက တောသူဆိုတော့ လုပ်နိုင်ပါတယ်၊ အိမ်ကဈေးရောင်းတာကို နည်းနည်းပါးပါးဝိုင်းကူပေါ့၊ ငါက ကလေးတွက်လည်း မုန့်ဖိုးပေးဦးမှာပါ၊ ကလေးကိုလည်း ဟိုမှာကျောင်းထားပေါ့” လို့ဆိုလာတာနဲ့ သမီးလေး ကျောင်းကောင်း တက်ရအောင်ဆိုတဲ့ စိတ်တစ်ခုတည်းနဲ့ အေးကြည် ရန်ကုန်ကိုလိုက်လာခဲ့ခြင်းပင်။မရင်းနှီးသေးတဲ့နေရာကို အတင်းပဲရင်းနှီးအောင် နေထိုင်ရင်းက ခုဆို မုန့်ဟင်းခါးအိုးတောင် အေးကြည်လက်ရာဖြစ်နေခဲ့ပြီ။ ဆီသတ်၊ ရေအချိန်အဆ၊ စသည်စသည်တွေကို အေးကြည်ပဲ အကုန်စီမံနေခဲ့ရပြီ။

အရင်ကတော့ “ဒေါ်မြ” မုန့်ဟင်းခါးပေါ့။ အလုပ်သမားစုစုပေါင်း ဆယ်ယောက်လောက်ရှိခဲ့ပေမယ့် ခုတော့ အေးကြည်နဲ့ နောက်ထပ် ကောင်မလေး ငါးယောက်လောက်သာ။
“ညည်းက ကလေးနဲ့ဆိုတော့ ၂ ယောက်စာ ပိုလုပ်ပေါ့အေ”
ဒီလို ခပ်ထေ့ထေ့စကားတွေလည်းကြားရတာ မကြာခဏပါပဲ။ အရင်က ကလေးမလေးတွေ ငါးယောက်လောက်ဝိုင်းကူရတဲ့ ဒီအလုပ်ကို ခု အေးကြည် တစ်ယောက်တည်းလုပ်ပေးနေရတာပါ ဒေါ်ဒေါ်ရယ်လို့၊ အေးကြည်နှုတ်က မထွက်ရဲပါဘူး။ တစ်နေကုန်ရောင်းတဲ့ဆိုင် ဆိုတော့လည်း တစ်နေကုန်လုပ်ရသည်သာ။ ဟင်းနံ့တို့နဲ့ အနံ့စွဲနေတဲ့ အေးကြည်တစ်ကိုယ်လုံးက ပြောင်ပြောင်ရောင်ရောင်ပင်မရှိ။ ပေးတဲ့လစာလေးက သမီးလေးကျောင်းစားရိတ်လောက်ရုံသာ။ 

ပြောတော့ မိုးလားကဲလားနဲ့ တစ်ကယ်တန်းကျတော့ လောက်ငှအောင်ပင် မနည်းချွေတာနေရသည်။ နေစရာပေး၊ အစားကြွေး ဆိုပြီး လုပ်နေခဲ့ရတာ။ ဒါပေမယ့် အေးကြည်တို့က အပြုံးမပျက်ပါဘူး။ ဘယ်လောက်ပဲပင်ပန်းပင်ပန်း ကျောင်းမှာပြုံးပျော်နေတဲ့သမီးလေးမျက်နှာကို မြင်လိုက်ရရင်ပဲ  အေးကြည်တို့ဘ၀ နေပျော်ပါပြီ။
“သန္တာ၊ ဒီဘက်ကို နဲနဲကြည့်လိုက်ဦးနော်၊ အမ သမီးလေးကျောင်းသွားဖို့ လုပ်ပေးလိုက်ဦးမယ်”
“ ဟုတ်အမ သွား၊ သွား”
မနက်ကတည်းက ထည့်ထားတဲ့ သမီးလေးကြိုက်တဲ့မုန့်ဟင်းခါးဗူးလေးကို လက်ကကိုင်လို့ အိမ်ဘေးနားက အခန်းလေးဆီသို့ ထွက်လာခဲ့ ပါတယ်။ အိပ်ရာကနိုးနေတဲ့သမီးငယ်ကို ကျောင်သွားဖို့ပြင်ဆင်ပေးခဲ့ပြီး ကိုယ်ကတော့ နဂိုနေရာ မီးဖိုချောင်သို့သာ။ အိမ်နဲ့ကျောင်းနဲ့က နီးလို့တော်ပါသေးတယ်။ မြို့မှာဆင်းရဲတယ်ဆိုပေမယ့် ကိုယ့်နယ်ဘက်ထက်တော့ အဆပေါင်းများစွာသာသေးသည်လေ။ ကျောင်းဝတ်စုံ တူညီလေးတွေနဲ့ သမီးလေးတို့လို ရွယ်တူတွေ သွားလာနေကြတာမြင်တော့ ကျွန်မရင်ထဲ ဘယ်လောက်ထိပီတိဖြစ်သလဲဆိုတာ ရွာက လူတွေကိုပြန်ပြောပြချင်ပါရဲ့။
***-----***-----***-----***-----***-----***-----***-----***-----“”
“ ဘာ၊ ဘာပြောတယ်အေးကြည်၊ လစာတိုးပေးဖို့ဟုတ်လား၊ လုံးဝမတိုးပေးနိုင်ဘူး၊ ရာရာစစအေ၊ ညည်းမလုပ်နိုင်ရင် တခြားအလုပ်သွားလုပ်”
“ အဲ့လိုတော့မပြောပါနဲ့ ဒေါ်ဒေါ်မြရယ်။ ကျွန်မ ဒီကိုရောက်လာကတည်းက ဒေါ်ဒေါ်မြကို အားလုံးလုပ်ပေးခဲ့တာ ဘယ်လောက် ကြာခဲ့ပြီလဲ။ ခုကလည်းအများကြီးမဟုတ်ပါဘူး။ နောက်နှစ်ဆို သမီးလေးကအတန်းကြီးလာလို့ပါ။”

“ ဘာ အတန်းကြီးလာတာလဲ၊ ဒီနှစ်ပြီးရင် ငါကကျောင်းမအပ်ပေးနိုင်တော့ဘူး။ ဆိုင်မှာပဲခိုင်းမယ်လို့ စီစဉ်ထားတာ။ နှစ်ယောက်စာလုပ်အားခ ငါပေးမှာပေါ့အေ၊ ညည်းတို့ပိုအဆင်ပြေတာပေါ့”
“ ဟင်………..”
ကြားလိုက်ရတဲ့စကားက စကားလုံးများမှ ဟုတ်ပါလေစ၊ ကျွန်မနားကိုတောင် ကျွန်မမယုံနိုင်ခဲ့ဘူး။ 
“ ပြောတတ်လိုက်တာ၊ ပြောတတ်လိုက်တာ……..”လို့ ကျွန်မ စိတ်ထဲကပဲ ရေရွတ်မိပါတော့တယ်။
ဒါ သဘောထားကြီးတယ်တဲ့လား၊ အများအမြင်မှာတော့ ကယ်တင်ရှင်ဆိုတဲ့ ဂုဏ်ပုဒ်နဲ့ လူလုပ်နေတဲ့သူရဲ့စကားလား၊ မျက်နှာကို ဟိုဘက်လှည့်လို့ ခပ်ပေါ့ပေါ့ပြောချလိုက်တဲ့ ဒေါ်ဒေါ်မြရဲ့စိတ်ဓါတ်ကို ကျွန်မ အံ့သြမိပါရဲ့၊ ကျွန်မက မိခင် တစ်ယောက် ဆိုတာကိုကော ဒေါ်ဒေါ်မြသတိထားမိရဲ့လား။ 
သားအမိနှစ်ယောက်လုံး သူများအိမ်မှာအလုပ်လုပ်ရမယ်တဲ့။ ဟုတ်လား၊ မလုပ်နိုင်ဘူး၊ ကျွန်မလုံးဝမလုပ်နိုင်ဘူး။
နောက်ထပ်ဆက်ပြောတဲ့စကားသံတို့ ကျွန်မ၊ မကြားလိုတော့ပါ။
“ ညည်းစဉ်းစားဦးပေါ့……တဲ့…..” 
ဟုတ်တယ်၊ ကျွန်မ စဉ်းစားရမယ်။
***-----***-----***-----***-----***-----***-----***-----***-----
“ အေးကြည်၊ ဒီနေ့ဟင်းရည်က ငန်လှချေလား၊ ညည်းအလုပ်ကို စိတ်မပါတော့ဘူးလား၊ မလုပ်ချင်ရင် တစ်ခါတည်းပြောနော်”
“ မဟုတ်ပါဘူး ဒေါ်ဒေါ်မြရယ် ပုံမှန်ပါပဲ၊ ကျွန်မ သေချာလုပ်ထားတာပါ။”
“ လုပ်ပုံ ကိုင်ပုံတွေက ဟုတ်ကိုမဟုတ်ဘူး၊ ငါမပြောချင်လို့ကြည့်နေတာကြာပြီနော်။ အေး…….ထမင်းဝလို့တော့ အာမခံနဲ့ ငါကတော့ ပြောစရာရှိပြတ်ပြတ်ပဲ ဘာမှသံယောဇဉ်တွယ်စရာမရှိဘူး။”

“ ဒေါ်ဒေါ်မြ … ကျွန်မကိုအဲ့လိုမပြောပါနဲ့။ တခြားစကားလုံးနဲ့ကြိုက်သလိုပြောပါ။ ကျွန်မကလည်း ဒေါ်ဒေါ်မြတို့ကို ကိုယ့်ကျေးဇူးရှင်လို့ သဘောထားလို့ ဒီအခြေအနေထိ လုပ်ပေးခဲ့တာ။ ကိုယ့်ရပ်ကိုယ့်ရွာမှာလည်း ထမင်းတစ်လုပ်တော့ ၀အောင် စားလို့ရပါတယ်..”
“ အေး…စားနိုင်ရင် သွားစား၊ ဒီမှာတော့လာပြီး အသံကျယ်မနေနဲ့၊ တော်ပြီအေ၊ ညည်းမျက်နှာကိုလည်း ငါမမြင်ချင်တော့ဘူး ညည်းတို့အမြန်ဆုံးသာပြန်ကြ.”

အမေနဲ့ ဖွားမြတို့ပြောနေသံကို အဲဒီနေ့က ကျွန်မသေချာကြားလိုက်ရတယ်။ ကျောင်းကပြန်လာပြီး လွယ်အိတ်လေးလွယ်လို့ အမေအလုပ်လုပ်နေတဲ့ မီးဖိုချောင်ဘက်က ထောင့်လေးတစ်ထောင့်မှာ ကပ်နေတဲ့ ကျွန်မကို ကြီးကြီးမြ မမြင်ခဲ့ဘူး။
မျက်ရည်တွေနဲ့ပြေးထွက်လာတဲ့အမေ့ကို ကျွန်မပြေးဖက်လိုက်တော့ ကျွန်မမျက်လုံးအိမ်မှာလည်း မျက်ရည်တွေနဲ့ပါလား။ အဲဒီတုန်းက ကျွန်မ အသက် ၁၀ နှစ်။
***-----***-----***-----***-----***-----***-----***-----***-----
ဒီလိုနဲ့ ကျွန်မတို့ဘ၀တွေတိုးတက်ဖို့ကြိုးစားခဲ့ကြတယ်။ အမေ့ကိုချစ်ခင်တဲ့အန်တီတစ်ယောက်အိမ်မှာ ကျွန်မတို့ လအတန်ကြာ နေခဲ့ရတယ်။ ကြုံတွေ့လာတဲ့မျက်နှာပေါင်းစုံကို အမြဲပဲမော့ကြည့်ခဲ့ရတယ်။ 
ရပ်ကွက်တစ်ခုပြီးတစ်ခုပြောင်းသွားတိုင်း ကျွန်မရဲ့ကျောင်းပညာရေးလည်း တဖြည်းဖြည်းမြင့်လာခဲ့ရတယ်။ ဘ၀ကိုရင်ဆိုင်ခဲ့တဲ့ အမေက ရွာကိုမပြန်ခဲ့ပါ။ အနှိမ်ခံဘ၀ရဲအကျိုးရလဒ်ကို အသုံးချရင်းက မုန့်ဟင်းခါးဆိုင်လေးတစ်ခုဖွင့်နိုင်ခဲ့တယ်။ အမေ့ရဲ့ဦးဆောင်မှုအောက်မှာ ကျွန်မတို့ဘ၀ကို အဆင့်မြင့်သထက်မြင့်အောင် ကြိုးစားနေထိုင်ခဲ့ကြတယ်။
ခုတော့ ကျွန်မဆီကို တန်းတန်းမတ်မတ်ရောက်လာတဲ့ ဒီအခွင့်အရေးကို ကျွန်မလက်မခံချင်ပေမယ့် ကျေနပ်စွာနဲ့ပဲ ယူခဲ့ရပါပြီ။ 

တွေးလက်စ အတွေးတွေအဆုံးမှာတော့ ခပ်ပါးပါးမီးခိုးငွေ့တွေက လေနှင်ရာသို့လွင့်မျောသွားကြသလို ကျွန်မလည်း ကံကြမ္မာရဲ့ ဦးဆောင်ရာသို့ အလိုက်သင့်လိုက်ပါရင်းက ခြံတံခါးပိတ်ထားတဲ့ အိမ်ထဲသို့ အသာကဲကြည့်လိုက်ရင်း လူခေါ်ခေါင်းလောင်းလေးကို နှိပ်လိုက်လေသည်။ တံခါးလာဖွင့်ပေးတဲ့ကောင်မလေးတစ်ယောက်က 

“ဟို၊ တိုးတိုးကို စာလာသင်မယ့် ကွန်ပျူတာဆရာမလားမသိဘူး”
ခေါင်းညှိပ်လို့အဖြေပေးလိုက်ရင်းက ကောင်မလေးဦးဆောင်ခေါ်သွားတဲ့နောက်ကို လိုက်သွားခဲ့လေသည်။ နေ့ရက်ပေါင်းများစွာ ဖြတ်လျှောက် ခဲ့ဖူးတဲ့ အနေအထားအားလုံး နဂိုအတိုင်းပင်၊ အိမ်အောက်ထပ်နောက်ဖေးဘက်မှာ မုန့်ဟင်းခါးချက်တဲ့မီးဖိုချောင်၊ မီးခိုးမှိုင်းတွေနဲ့ပြည့်နေတဲ့ အဲဒီမီးဖိုချောင်ထဲမှာ ကျွန်မအမေ အလုပ်လုပ်ခဲ့ရတာပါလားလို့ အမေ့ကိုပြန်မြင်ယောင်လိုက်ရင်းက ကျွန်မခြေလှမ်းတွေက အိမ်အပေါ်ထပ် ဆီသို့သာ။ 
မီးဖိုချောင်လေးရဲ့ရှေ့မှာ အိမ်အပ်ါထပ်ဆီသို့တက်တဲ့လှေကား၊ နေခဲ့ရတဲ့နှစ်အများကြီးမှာ တစ်ခေါက်မှတောင် မရောက်ဖူးလိုက်တဲ့ အပေါ်ထပ် ဆီသို့ ခုတော့ ကျွန်မရောက်ခဲ့ရလေပြီ။

“ ဆရာမ၊ လာလာ ဒီကိုလာပါ၊ ဒီမှာထိုင်ပါ။ အေးအေးရေ..ဆရာမတွက် တစ်ခုခု လုပ်ခဲ့ပါဦး”
ဇရာအိုနေပေမယ့် လေသံမပျောက်သေးတဲ့ ကြီးကြီးမြကို ကျွန်မမှတ်မိပါသေးတယ်။ အိမ်ကိုတော့ ကြီးမြရဲ့သမီးတစ်ယောက်က ဦးစီးနေပုံပါ။ နှစ်တန်း၊ သုံးတန်းအရွယ် မြေးနှစ်ယောက်အတွက် သူများတန်းတူဖြစ်စေချင်တဲ့စိတ်နဲ့ ဘယ်ကဘယ်လိုအဆက် အသွယ်ရသွားမှန်းမသိတဲ့ ကြီးကြီးမြက ကျွန်မရဲ့ဆရာမမှတစ်ဆင့် အဆက်အသွယ်ရကာ အိမ်လိုက်သင်ပေးဖို့ဖြစ်လာခဲ့ခြင်းပင်။
လူနာမည်၊ အိမ်လိပ်စာပြောလိုက်တာနဲ့ မမှတ်မိနိုင်စရာမရှိတဲ့ဒီနေရာကို တစ်ကယ်တော့ကျွန်မ ပြန်မလာချင်ခဲ့ပေ။
ထူးဆန်းစွာ တိုက်ဆိုင်လာတဲ့ ဒီကံကြမ္မာကို ကျွန်မကော၊ အမေကော အံ့သြလို့သာ။
“ အချိန်နဲ့လစာကိုညှိကြည့်ပါဦး” လို့ဆိုလာတဲ့ ဆရာမရဲ့စကားကိုလက်ခံလိုက်ရခြင်းသာ။

“ ဒါနဲ့ ဆရာမက အရင်က ဒီရပ်ကွက်မှာ နေဖူးခဲ့တာဆို၊ ဘယ်လမ်းမှာများတုန်း၊ အဖွားက သိပ်ချင်လို့မေးကြည့်တာပါ၊ ကိုယ့်ရပ်ကွက်သားချင်းဆိုတော့ ဆွေလိုမျိုးလိုပေါ့ မဟုတ်ဘူးလား”

“ ဟုတ်ကဲ့ပါအဖွား၊ ဒီလမ်းမှာပဲနေဖူးခဲ့တာပါ။ ဒါပေမယ့် သမီးအသက် ၁၀ နှစ်အထိပဲ နေခဲ့တာပါ”
“ ဟေ……….၊ ဟုတ်လား၊ ဘယ်သူ့သမီးများတုန်း၊ နေစမ်းပါဦး ငါ ငယ်ရုပ်ကို မနည်းဖမ်းနေရတယ်”
ဖွားမြနဲ့စကားပြောနေရင်းက အနည်းငယ်တုန်ရင်လာတဲ့ အသံကို ကျွန်မမနည်းထိန်းနေရပါပြီ။ ငယ်ငယ်ကတည်းက မျက်နှာကိုတောင် စေ့စေ့မကြည့်ရဲခဲ့တဲ့ ဒီရိုက်ပုတ်ချက်တွေက ခုချိန်ထိအကျိုးသက်ရောက်ဆဲပါလား။ 
“ ဒါနဲ့အဖွား၊ သမီးခုလာတာ အချိန်ညှိမလို့ပါ။ ကလေးတွေရဲ့ကျောင်းချိန်နဲ့သမီးရဲ့အားချိန် အဆင်ပြေမပြေနဲ့ စာသင်မယ့်ရက်နဲ့ လစာနဲ့ညှိဖို့လာခဲ့တာပါ။ သမီးကို ကလေးတွေအားမဲ့ရက်ကလေးပြောပါဦးနော်”
ကြီးကြီးမြရဲ့သမီးဖြစ်သူက ကလေးတွေရဲ့အချိန်စာရင်းစာရွက်ကို ကိုင်ပြီးထွက်လာချိန်မှာတော့…………
“…..ဟယ်…….”
“ ဟုတ်ပါတယ် အန်တီ၊ သမီးက ဒေါ်အေးကြည်ရဲ့သမီးပါ။ ဒီအိမ်မှာနေဖူးခဲ့၊ အလုပ်လုပ်ဖူးခဲ့တဲ့ ဒေါ်အေးကြည်ရဲ့သမီးပါ”
မသေချာမှာစိုးသည့်အလား ထပ်ကာထပ်ကာပြန်ဖြေလိုက်တဲ့ ကျွန်မရဲ့အသံအဆုံးမှာတော့ ကြီးကြီးမြကော သူ့သမီးပါ အံ့သြဟန်ပြလိုက် တဲ့အတွက် ကျွန်မ ကျေနပ်ပါပြီ။ တစ်ချိန်က အေးကြည်မကို မျက်လုံးထဲမြင်ယောင်လို့ ရှေ့မှာမြင်နေရတဲ့ ကလေးတွေကို စာသင်ဖို့ငြင်းဆိုတာ ခံလိုက်ရတဲ့ သမီးဖြစ်သူတို့ရဲ့ အခြေအနေတွေကို အကောင်းဆုံးသုံးသပ် တတ်ပါစေဟုသာ။

“ ကလေးတွေကို စာမသင်ပေးနိုင်လို့တစ်ကယ်ပဲ စိတ်မကောင်းပါဘူးအန်တီ၊ တခြားဆရာမတစ်ယောက်ကို သမီးပြောပေးပါ့မယ်။ ကလေးတွေအားတဲ့အချိန်က သမီးနဲ့မကိုက်လို့ပါ။ သွားပါဦးမယ်နော်။ အမေမျှော်နေမှာစိုးလို့ပါ”
အိမ်ထဲကလှမ်းအထွက်မှာ အလိုလိုဝေ့၀ဲလာတဲ့ မျက်ရည်ဥတွေကို ကျွန်မ မသုတ်ဘဲလွှတ်ထားလိုက်ပါတယ်။ တစ်စက်စက်နဲ့ ကျလာတဲ့ မျက်ရည်တွေက ခပ်နွေးနွေးပါလားလို့ ကျေနပ်လိုက်ရင်းက ဒီပူနွေးနွေးမျက်ရည်တွေနဲ့ ကျွန်မ မရင်းနှီးခဲ့ရတာ အတော်ကြာခဲ့ပြီမလား။

အလုပ်အပြန်ကိုဝင်ကြည့်လိုက်မယ်ဟု အမေ့ကိုကတိပေးခဲ့တဲ့တိုင်း ကျွန်ဆောင်ရွက်နိုင်ခဲ့ပြီမို့ အမေ ကျွန်မကို အပြစ်တော့ မတင်လောက် ပါဘူးဟုသာ……..။ နေ့ရက်တွေကဘယ်လောက်ပဲသစ်လွင်တောက်ပလာခဲ့ပေမယ့် မှုန်ပြပြအတိတ်လေးကတော့ စိတ်ရဲ့တစ်နေရာမှာ ကျန်ရှိနေဆဲပါ။

အရာရာဟာ အရင်အတိုင်းပါပဲလားလို့ တိုးညှင်းစွာရေရွတ်လိုက်ရင်းက ပြာလဲ့လဲ့ကောင်းကင်ကြီးကို အားကိုးတကြီးနဲ့ မော့ကြည့် မိလိုက်တဲ့အခါ မျက်ရည်ပူတွေကြောင့် အရာရာဟာ မှုံဝါးလို့သာနေလေသည်။
မျက်လုံးကလေးမှိတ်လို့ ခဏလောက်တော့ စောင့်ကြည့်လိုက်ရင်ဖြင့် ကြည်လင်နေတဲ့ကောင်းကင်ပြင်ကြီးကို ကျွန်မ ပြန်လည်ပြီး မြင်တွေ့နိုင်ပါပြီ။ ဒါ့ကြောင့် ကျေးဇူးပါ။ အရာအားလုံးအတွက် ကျေးဇူးပါ ကံကြမ္မာ။

စိမ့်စမ်းရေ
19.2.2016


Read More
Posted by စိမ့်စမ်းရေ on Friday, February 19, 2016

ဆောင်းမနက်ခင်းမို့ထင်သည်၊ အေးစက်စက်အထိအတွေ့တွေက လူကိုရင်းနှီးလွန်းလှသည်။ အပေါ်ထပ်အင်္ကျီလေးရဲ့ လက်ရှည်ကို အသာပင့်တင်ကြည့်လိုက်တော့ အအေးဓါတ်က သိသာစွာနဲ့ လာရောက်မိတ်ဆက်လေတော့သည်။
“မိုးကြည် …… ဒီနှစ်ဆောင်းက အေးသားနော် ……”
ခေါင်းညိတ်လို့အသိအမှတ်ပြုပေးတဲ့ မိုးကြည်က လက်ထဲကအထုတ်တွေဆီသာ အာရုံထားနေပါတယ်။ အနွေးထည်ရောင်စုံ လေးတွေထည့်ထားတဲ့ အိတ်ကြီး၂လုံးက သူတစ်လုံး ကိုယ်တစ်လုံး…တခြားပစ္စည်းလေးတွေထည့်ထားတဲ့ အိတ်တွေက ကိုယ်စီ……..။
လမ်းချိုးထဲသို့ကွေ့ဝင်လိုက်ပြီး သိပ်မကြာခင်ရောက်တော့မည့် သီလရှင်စာသင်တိုက်ဆီသို့ ခင်မာတို့ခြေလှမ်းများ ဦးတည်ကာ လျှောက်လှမ်းလို့နေလေသည်။ တစ်နိုင်တစ်ပိုးဆွဲယူလာတဲ့ အထုတ်အပိုးတွေနဲ့အပြိုင် ဟိုဒီယိမ်းယိုင်နေတဲ့ ခြေလှမ်းတွေတိုင်းမှာ အားအင်တို့အပြည့်ပါနေတာ သိသာလှလေသည်။
“ဟေး………….အန်တီမာတို့လာပြီ………..”
ကျောင်းဝန်းထဲကနေ ပြေးထွက်လာကြတဲ့ သမီးငယ်လေးတွေက ခင်မာ့လက်ထဲက အထုတ်အပိုးတွေကို အတင်းပဲဆွဲယူကာ ၀ိုင်းကူကြပါတယ်။ မိုးကြည်ကိုပြေးဖက်သူကဖက်၊ ခင်မာရဲ့လက်ကိုဆွဲသူကဆွဲမို့ ကျောင်းဝင်းရှေ့လေးမှာတင်ပဲ အသံတွေဆူညံလို့သွားလေသည်။
“ပိစိတို့…သဲသဲတို့..…အန်တီတို့ကိုအဲ့လိုမလုပ်ရဘူးလေ…..တော်ကြာ သမီးတို့ဆီမလာပဲနေလိမ့်မယ်နော်….လာလာ သမီးတို့ပြန်လာကြ..”
ကျောင်းပေါ်က လှမ်းအော်ပြောတဲ့ သီလရှင်ဆရာကြီးရဲ့ အသံကြားရာဆီသို့ ခင်မာလှမ်းကြည့်လိုက်ပြီး….နှုတ်ဆက်အပြုံးလေး ပြုံးပြလိုက်ပါတယ်။ နေရာထိုင်ခင်းပြင်ထားရာနေရာလေးကနေ စောင့်နေရှာမယ့် တစ်ချို့သော ကလေးငယ်များက ကျွန်မတို့ကို စောင့်မျှော်နေမှာတော့ အသေအချာပင်။.
“သူတို့လေးတွေပျော်သလို သမီးတို့လည်း ကြည်နူးရပါတယ်ဆရာလေးရယ်….ဖြစ်နိုင်ရင်သမီးတို့က နေ့တိုင်းတောင်လာချင်တာ ခုလည်း မနည်းအချိန်ယူပြီးထွက်လာကြတာ……ဟိုမှာလေ…မိုးကြည်က  ကလေးတွေအတွက် အနွေးထည်လေးတွေ ပြီးပြီဆိုလို့ လာပို့တာ…...”
“အေးပါကွယ်………..သာဓုပါ…သာဓု….သာဓု……အေးအေးဆေးဆေးနေကြဦး၊ ထမင်းစားပြီးမှပြန်နော်………”
“တင့်ပါ့……ဆရာလေး”
အတန်းလိုက်စီတန်းကာထိုင်နေကြတဲ့ ကလေးတွေရှေ့မှာ မိုးကြည်က အင်္ကျီလေးတွေကို တစ်ထည်ချင်းထုတ်ယူကာ တစ်ယောက်ချင်း ဝေပေးနေလေသည်။ တစ်ခါတည်း ၀တ်သူက၀တ်၊ ရင်ခွင်ထဲပိုက်ထားသူကပိုက်ထားနဲ့ အရွယ်တူလေးတွေဆိုတော့ ပိုလို့ကြည့်ကောင်းနေသယောင်ပင်။ ပုံစံတူ အဆင်တူ လေးတွေက အရောင်လေးတွေသာကွာလေတော့ ကလေးများအားလုံး ပိုလို့ချစ်ဖို့ကောင်းနေတော့သည်။
“ကဲ….သမီးတို့အားလုံး………သဘောကျလား…….ကြိုက်ကြလား…”
“ဟုတ်ကဲ့……….ကြိုက်ပါတယ် အန်တီမိုး…….”
အသံကုန်အော်ကာ ပြောလိုက်တဲ့အသံကအားမာန်အပြည့်နဲ့မို့ မိုးကြည်က ထိတ်လန့် သွားတဲ့ပုံစံနဲ့ ရင်ဘတ်ကိုဖိပြီး လန့်သွားတဲ့ပုံလုပ်ပြတော့ ကလေးများက တခစ်ခစ်နဲ့ ရယ်မောကြလေသည်။
“ဟုတ်ပြီ။ ဒါဆို….. သေချာသွားသိမ်းထားမယ်နော်။ ကိုယ်လုပ်စရာရှိတာလုပ်ကြ၊ ခဏနေရင် အန်တီမိုးတို့ပြန်မယ်။ နောက် တစ်လနေမှ တစ်ခါပြန်လာမယ်။ ဟုတ်ပီလား………..”
တ၀ုန်းဝုန်းနဲ့ပြေးလွှားသွားကြတဲ့ ကလေးငယ်တို့ရဲ့လက်ထဲမှာတော့ မိုးကြည်ရဲ့လက်ရာ အနွေးထည်လှလှလေးတွေက အရောင်စုံ၊ အသွေးစုံ။ မြတ်နိုးဖွယ်ရာပစ္စည်းလေးတစ်ခုကဲ့သို့ ယုယကြင်နာနေကြတဲ့ သူတို့လေးတွေနဲ့ ဟန်ပန်က မိုးကြည်နဲ့ခင်မာ အတွက်တော့ အားရှိစရာ ပီတိလေးတွေပင်။
“ခင်မာ………အပြန်ကျ ငါတို့ ဘုရားဝင်ရအောင်နော်………”
“အေးပါ၊ နင်မပြောလည်း ငါကသတိပေးမလို့ပါ……..ဒါဆို တို့ ဆရာလေးကို ကန်တော့ပြီး ပြန်ကြမယ်လေ…ထမင်းတော့ အပြန်ကျမှ အဆင်ပြေသလိုပေါ့”
နှစ်ယောက်သား ခေါင်းညိတ်အတည်ပြုလိုက်ရင်းက မီးဖိုချောင်ထဲ အလုပ်များနေတဲ့ ဆရာလေးကို ရိုသေစွာကန်တော့လို့ ခင်မာတို့သူငယ်ချင်းနှစ်ယောက် ပြန်လာခဲ့ပါတယ်။ ပီတိအဟုန်ကြောင့် ပေါ့ပါးသွားတဲ့ခင်မာတို့နှစ်ယောက်ရဲ့ ခြေလှမ်းလေးတွေက အလာထက်ပိုများမြန်နေသလားလို့……….။
***-----***-----***----- “”
ဘုရားဖူးဧည့်သည်တွေ များနေပေမယ့် အသံဆူညံခြင်းမရှိဘဲ တိတ်တိတ်ဆိတ်ဆိတ်လေးဖြစ်နေတဲ့ ဘုရားကုန်တော်ကို အားရအောင်ပတ်ပြီးချိန်မှာတော့ ခင်မာတို့စိတ်ထဲ ကျေနပ်မှုတွေ အပြည့်အ၀ရခဲ့လေသည်။
“ဘုရားအရိပ်က အေးချမ်းလိုက်တာဟယ်…. ခဏလေးလာတာနဲ့တင် သိသာတယ်၊……….လွန်ခဲ့တဲ့နှစ်တွေများကတော့ ငါတို့ဘ၀တွေပူလောင်နေလိုက်တာ….ဘုရားရောက်ဖို့မပြောနဲ့ အိမ်ကဘုရားတောင် နေ့ဘက်မမြင်ဖူးခဲ့ဘူးနော်……….”
“ဒါပေါ့ဟာ….”
သတိရစရာတွေပြောနေတဲ့မိုးကြည်စကားကို ခင်မာအသိအမှတ်ပြုကာ ခေါင်းငြိမ့်ပြလိုက်လေသည်။ မိုးကြည်ပြောသလို လွန်ခဲ့တဲ့ ၇ နှစ်လောက်ကအဖြစ်အပျက်တွေကြားမှာ လူးလိမ့်နေအောင် ရုန်းကန်ခဲ့ဖူးတယ်ဆိုရင် ဒါတွေဟာ ပုံပြင်မဟုတ်ခဲ့ပါဘူးလို့ ခင်မာထောက်ခံလိုက်ပါတယ်။
ဘုရားကုန်းတော်ပေါ်ကနေ ရန်ကုန်ဘက်ကမ်းက ရွှေတိဂုံစေတီတော်မြတ်ကြီးကို လှမ်းလို့မြင်နိုင်သလို ခင်မာတို့ရဲ့ အတိတ်နေရာဟောင်းလေးကိုလည်း မှုန်ပြပြမှန်းလို့ မြင်နိုင်ပါတယ်။ေ၀၀ါးနေတဲ့မှတ်ဥာဏ်အချို့လင်းလက်လာချိန်မှာ ကျင်ခနဲ ဝေဒနာတစ်ခုက ခင်မာတို့မျက်ဝန်းကနေတစ်ဆင့် လောကအပြင်ဘက်ကို ခဏတာ ဆင်းသက်လာခဲ့လေတော့သည်။
***-----***-----***-----
“ဒေါင်ဒေါင်…………ဒေါင်ဒေါင်……..ဒေါင်…..”
“….ငါထင်တယ်….11 နာရီတော့ကျော်တော့မှာပဲလို့… အဲဒီကားအစုတ်ကြီး တော်တော်ဒုက္ခပေးတာပဲ.…. စိတ်ပျက်လိုက် တာဟာ…တစ်ကယ်ပါပဲ….”
“ဖြေးဖြေးလျှောက်ပါ ခင်မာရယ်၊ တော်ကြာ ခွေးတွေလိုက်ဆွဲနေပါ့မယ်…..”
“အေးပါ….ငါ့စိတ်က တအားလောနေလို့…နင်က လမ်းထိပ်နားတင် ငါက အထဲကိုဝင်ရဦးမှာ….….”
“အေးပါဟယ်……”
စကားသံတို့ ခဏတာ တိတ်ဆိတ်သွားပေမယ့် ခြေလှမ်းတွေကတော့ ခပ်မြန်မြန်လှမ်းနေမိလေသည်။ လက်ဆွဲခြင်းကို တစ်ဖက်က မ၊ ထမီကိုကျန်တစ်ဖက်က မ လို့ ခပ်သုပ်သုပ်ခြေလှမ်းတွေနဲ့ ခင်မာတို့သူငယ်ချင်းနှစ်ယောက် အပြိုင် လှမ်းနေမိပါတယ်။  ခြေကုန်သုတ်တယ်ဆိုတာ ဒါမျိုးထင်ပါရဲ့။
လူဆိုးလူကောင်း ခွဲခြားတတ်လေသည်မသိ လမ်းဘေးခွေးတစ်စုကတော့ဖြင့် ကွက်ကြည့်ကွက်ကြည့်နဲ့သာ။
“မိုးကြည် လာ…မြန်မြန်…ရောက်တော့မယ်..”
“အေးပါ….”
ဓါတ်မီးတိုင်တစ်ခုကျော်ရင် မိုးကြည်တို့အိမ် အရင်ရောက်ပေမည်။ တစ်လမ်းထဲပေမယ့် လမ်းအစနဲ့ လမ်းအဆုံးမို့ ခင်မာတို့ အိမ်ကိုရောက်ဖို့ နောက်ထပ် ထပ်လျှောက်ရပေဦးမည်။
“ခင်မာ ငါ လိုက်ပို့ပေးရဦးမလား”
“နေနေ….ငါသွားရဲတယ်။ မီးတွေလင်းနေတာပဲ၊ နင်သာ မနက်ကိုနောက်မကျစေနဲ့နော်……”
“အေးပါ….”
အိမ်ထဲဝင်သွားတဲ့မိုးကြည်ကို စိတ်ချရပြီဆိုတော့မှ ခင်မာဆက်လျှောက်လာခဲ့လေသည်။ တစ်လမ်းလုံးအိပ်မောကျနေပေမယ့် ခင်မာ့ကို အိပ်ယာထဲကနေစောင့်နေရှာမယ့် အဖွားတစ်ယောက်တော့ရှိနေပါသေးတယ်ဆိုတဲ့ အသိတစ်ခုနဲ့တင် ခြေလှမ်းတိုင်း အားရှိမိတာ အမှန်ပါ။
အိမ်ရှေ့ဘက်က အသံတစ်ခုခုကြားတိုင်း ခေါင်းထောင်ကြည့်တတ်တဲ့ အဖွားဖြစ်သူ ခုလောက်ဆိုသူ့ကို လည်ပင်းရှည်အောင် မျှော်နေရှာတော့မည်။ ဟတတ ခြံတံခါးလေးကို အသာပိတ်လို့ အိမ်ပေါ်လှမ်းတက်လိုက်ချိန်မှာ ကြားနေကျစကားလေးတစ်ခွန်းနဲ့ အဖွားက အမြဲဆီးကြိုတတ်လေသည်။
“နောက်ကျလိုက်တာ သမီးရယ်………..”
“ဟုတ်တယ် ဖွားရဲ့….. ဖွားစိတ်ပူနေမယ်ဆိုတာ သမီးသိပါတယ်။ လမ်းမှာ ကားပျက်နေလို့…..”
“ကဲကဲ…..ထမင်းစားချေ………..”
“ဟုတ်…….”
***-----***-----***-----
အရုဏ်မနက်ခင်း လင်းကြက်တွန်သံနဲ့အပြိုင် ခင်မာရဲ့ခြေလှမ်းတွေလည်း စတင်ရပါတယ်။ မှောင်ရိပ်သန်းနေတဲ့ အိမ်စုတ်ထဲက ခပ်ကုတ်ကုတ်လေး ငုံ့ထွက်လာရပေမယ့် ခြံစည်းရိုးရဲ့အပြင်ဘက်မှာတော့ ရင်ကော့ ခေါင်းမော့ကာ ခပ်မြန်မြန် လျှောက်ရလေ သည်။ ခြေလှမ်းတွေကို တန်ဆာဆင်ဖို့ ခင်မာတို့မှာ အချိန်မရှိခဲ့ပါ။ အချိန်နဲ့ဒီရေသည် လူကိုမစောင့်သလို ခင်မာတို့ရဲ့ ဖယ်ရီကား ကလည်း ဘယ်သောအခါမှ မစောင့်ချေ။
“မိုးကြည်ရေ……….ငါရောက်နေပြီနော်………”
“အေးအေး…လာပြီ….လာပြီ….”
ထမင်းချိုင့်ထည့်ထားတဲ့ ဆွဲခြင်းလေးကိုဆွဲလို့ မိုးကြည်ထွက်လာပြီဆိုရင်ဖြင့် သံပတ်ပေးထားတဲ့ ခြေထောက်တွေကို စည်းချက် ညီစေဖို့ ခင်မာတို့ စကားတောင်မပြောနိုင်ကြပါ။ သနပ်ခါးမခြောက်သေးတဲ့ မိုးကြည်ရဲ့ပါးပြင်၊ ဘီးကျဲနဲ့အမြန်ဖြီး လာခဲ့တဲ့ ခင်မာ့ဆံပင်တို့ကသာ သဘာဝရဲ့အလှတစ်ပါးဖြစ်လေတော့သည်။
“ဟူး…..စောစောစီးစီး မောလိုက်တာဟာ……ခင်မာ…..အဲ့ဒါ နင်လောလို့သိလား……..နင်လောလို့”
“မိုးကြည်….မောရင်ရေသောက်၊ နင့် အဘကားက ငါတို့ကို ဘယ်နှစ်ခါစောင့်လို့လည်း….”
ဟောဟဲဟောဟဲဖြစ်နေတဲ့ မိုးကြည် စကားပြန်မပြောနိုင်ပါ။ ဗိုက်ကိုလက်နဲ့နှိပ်လို့ ခဏတာအမောဖြေနေတဲ့မိုးကြည်က ရေသောက်လိုက် ကားကိုမျှော်ကြည့်လိုက်နဲ့။
“ကားက မလာသေးပါဘူးနော်……ဒါနဲ့ ညက နင့်ကိုအဖွားစောင့်နေသေးလား”
“စောင့်တာပေါ့ဟ……..နင့်ကိုရော….”
မျက်နှာလေးမဲ့ကာ လက်ခါပြသွားတဲ့မိုးကြည်က တခြားဘက်သို့လှည့်သွားလေသည်။ မကြာခင်ရောက်လာတော့မယ့် ဖယ်ရီကား ကို မျှော်ကြည့်နေတဲ့မိုးကြည်မျက်နှာလေး မရွှင်လန်းတော့ပေ။ နားလည်မှု၊ အားပေးမှုတွေမရှိတဲ့ မိုးကြည်ရဲ့ဘ၀ပေးက မိဘမရှိတော့တဲ့ ခင်မာနဲ့ နင်လားငါလားပင် အခြေအနေမတူပေမယ့် ဘ၀တူလို့ ဆိုနိုင်ပါတယ်…..။
“ဖယ်ရီကား သွားများသွားပြီလားမသိနော်…….”
စိတ်မချလေဟန်နဲ့ မျှော်ကြည့်နေတဲ့မိုးကြည်က ဟိုး အဝေးကလာနေတဲ့ ဖယ်ရီကားကို မြင်တော့မှ သက်ပြင်း ချနိုင်လေတော့ သည်။
အော်……….နေ့ရက်တစ်ခု စ ပြန်ပါပြီလားလို့ သိလိုက်ရင်းက ခင်မာတို့ခြေထောက်တွေလည်း သစ္စာရှိစွာနဲ့ ဖယ်ရီကားပေါ်သို့ အလုအယက်ပြေးတက်ကြလေတော့သည်။
**********************
ကိုရီးယားအထည်ချုပ်စက်ရုံတစ်ခုရဲ့ အောက်ခြေသိမ်းဝန်ထမ်းဖြစ်တဲ့ ခင်မာတို့သူငယ်ချင်းနှစ်ယောက်က ခုမှ လူသစ်ပါ။ ရပ်ကွက်ထဲက ဈေးသည်တစ်ယောက်ရဲ့ကျေးဇူးကြောင့် ရလာတဲ့ဒီအလုပ်လေးကို ခင်မာတို့ သိပ်ကိုတန်ဖိုးထားမိလေသည်။ ၁၀ တန်းမအောင်ဘဲ အလုပ်တစ်ခုရသည်၊ လမ်းစားရိတ်ကုန်စရာမလိုပဲ အလုပ်သွားရသည်။ စနေနေ့တိုင်း အချိန်ပိုကြေးရသည်။ ဒီလိုအားသာချက်ကလေးတွေနဲ့တင် ခင်မာတို့ရွေးချယ်မိခြင်းဖြစ်လေသည်။
စက်ရုံဝန်ထမ်းပေါင်း တစ်သောင်းကျော်လောက်ရှိပေမယ့် ခင်မာတို့က အနီးဆုံးဆိုရင် မအံ့သြလိုက်ပါနဲ့။ တစ်ရက်ကို ၈ နာရီလောက်အိပ်မှ အိပ်ရေးဝတဲ့လူတန်းစားတွေနဲ့စာရင် စက်ရုံဝန်ထမ်းတွေက ပိုလို့ကျန်းမာကြတယ်လို့ ဆိုနိုင်ပါတယ်။ စက္ကန့်မလပ်ဖိအားတွေနဲ့ ရှင်သန်နေရတဲ့ ၀န်ထမ်းတွေရဲ့ဘ၀ကို အချင်းချင်းကသာ အသိဆုံးမို့ တခြားသူစိမ်းတစ်ယောက်က သမီးတို့အလုပ် ပင်ပန်းလားလို့ မေးလာတဲ့အခါ…….ဟင့်အင်း မပင်ပန်းပါဘူးလို့ ခင်မာတို့သူငယ်ချင်းနှစ်ယောက် ခပ်ပြုံးပြုံးလေး တွေနဲ့ ဖြေမိပါတယ်။
“ဟဲ့………ခင်မာ…..နင်ဘာတွေ တွေးနေတာလဲ……”
လက်မောင်းကိုကိုင်ကာ မေးလာတဲ့မိုးကြည်အသံက ကားစက်သံကို ဖုံးအောင် မနည်းကြိုးစားရလေသည်။ ဘေးချင်းယှဉ်ထိုင်နေပေမယ့် အတွေးနယ်ချဲ့တတ်တဲ့ ခင်မာက တော်ရုံလေသံလောက်ကိုတော့ မကြားတတ်ချေ။
“အော်……..ဘာရယ်မဟုတ် ဟိုတွေးဒီတွေးပေါ့၊ ဒါနဲ့ နင်ဘာဟင်းထည့်လာလဲ……”
“ထုံးစံအတိုင်းပေါ့ဟာ…….ငါတော့မကြိုက်ပါဘူး……….ဒါပေမယ့် နင်ကြိုက်တာသိလို့ ငါ ဆီများများ ထည့်ခဲ့တယ် ”
“ဟုတ်လား....ကောင်းတယ်ကောင်းတယ်……အဖွားတော့ ငါ့ကို ဘာထည့်ပေးလိုက်လဲမသိဘူး၊ ဟိုရောက်မှဖွင့်ကြည့်ရမယ်”
“အင်း………”
ဖယ်ရီကားသည်လည်း တရွေ့ရွေ့မောင်းလေသည်။ ခင်မာတို့တတွေလည်း တဖြည်းဖြည်းနဲ့လိုက်ပါသွားကြလေသည်။ တစ်စတစ်စနီးကပ်လာတဲ့ စက်ရုံကြီးဆီတော့ ခင်မာရဲ့အတွေးများက ဦးတည်ထားမိလေတော့သည်။
“ဟင်း………ဒီနေ့လည်း ဘယ်လိုများ ဖြတ်ကျော်ရပါ့ဦးမလဲနော်………………”
***-----***-----***-----
ခေါင်းလောင်းတီးသံနဲ့အတူ လူ ၁၈ ယောက်လောက်ဝိုင်းတွန်းရတဲ့ စက်ရုံတံခါးက အလိုလိုပွင့်သွားခဲ့လေသည်။ အတင်းကိုစုပြုံကာ တိုးဝင်သွားကြတဲ့ လူအုပ်ကြားထဲ ခင်မာဘယ်တော့မှလိုက်မတိုးပါ။ စက်ရုံရှေ့မှာ တစ်ယောက်ချင်းစစ်နေတဲ့ QC တွေမသိအောင် အစားအစာတွေကိုလည်း စက်ရုံထဲမယူသွားချင်ပါ။ ခင်မာတို့ဝန်ထမ်းအားလုံး စက်ရုံထဲရောက်ချိန်က မနက် ၇ နာရီနှင့် မိနစ် ၁၀ အတိပင်။
တဖျတ်ဖျတ်နဲ့လင်းလာကြတဲ့ မီးချောင်းတွေက ခင်မာတို့ခေါင်းထက်မှာ အပြိုင်အဆိုင်၊ တ၀ီဝီနဲ့ လည်ပတ်နေတဲ့ မော်တာကြိုးတွေပေါ်မှာ ပြေးလွှားကခုန်နေကြတဲ့ စက်သမားတွေရဲ့ခြေထောက်၊ ခေါင်းပေါင်းလေးတွေကိုယ်စီနဲ့ အနားမနေရတဲ့ ခြေထောက်ပိုင်ရှင်တွေက QC ၊ ဓါတ်ငွေ့ပိုက်ကြိုးလုံးတွေနဲ့ သွယ်တန်းထားတဲ့ မီးပူတွေ၊ မော်တာသံ၊ Cutting အခန်းက ပိတ်ဖြတ်သံတွေနဲ့ တဒုန်းဒုန်းတ၀ုန်းဝုန်းနဲ့ ဆူညံစွာ လည်ပတ်နေတဲ့အချိန်တွေမှာ ခင်မာတို့အားလုံး ဂုဏ်ယူစွာနဲ့ လှုပ်ရှားလျက်ပါ။
တာဝန်ကျတဲ့ လိုင်းနံပါတ်ချင်းမတူတာမို့ ခင်မာနဲ့မိုးကြည်က စက်ရုံထဲရောက်ပြီးတာနဲ့ မတွေ့ရတော့ပေ။ ထမင်းစားချိန်နားမှသာ နှစ်ယောက်သားအတူစားကြ၊ နားကြရသည်။ လှမ်းမြင်ရပေမယ့် အပိုစကားပြောချိန်မရှိတာမို့ မမြင်ချင်ယောင်ဆောင်ရလေ သည်။ အလုပ်ထဲစိတ်ရောက်နေကြပေမယ့် ဗိုက်ထဲကအချက်ပြလာပြီဆိုရင်တော့ ဒါဟာ ထမင်းစားနားဖို့အချိန်ရောက်တော့မှာပဲ ဆိုတာ အလိုလိုသိကြလေသည်။
***-----***-----***-----
“ကလင်ကလင်ကလင်……….ကလင်ကလင်ကလင်……….”
ဘဲလ်တီးသံကြားရပြီး စက္ကန့်ဝက်လောက်အကြာမှာ စက်ရုံတစ်ခုလုံး မီးတွေမှိတ်သွားခဲ့လေသည်။
“ ၀ုန်း ”ဆိုတဲ့ အသံကြားရပြီး လုပ်လက်စတွေကို ကမန်းကတန်းပစ်ချလို့ မတ်တပ်ရပ်နေသူအားလုံး ခန္ဓာကိုယ်ကို ပစ်လှဲချလိုက်တာတွေ မြင်ရလေသည်။ တစ်ချို့ငုတ်တုတ်၊ တစ်ချို့ထိုင်ရက်နဲ့ တမနက်လုံးညောင်းထားသမျှ ခဏတာလေး နားကြရသည်။
စက်ရုံအပြင်ဘက်ကို ထမင်းစားနားဖို့ထွက်သွားတဲ့ လူအုပ်ကြီးနောက် ခင်မာလည်းအတင်းပဲတိုးလို့လိုက်သွားလိုက်ပါတယ်။ စက်ရုံအပြင်ရောက်တော့မှ နေ့လည်ခင်းရဲ့သဘာဝနေရောင်ကို မြင်တွေ့ရလေတော့သည်။ ဟိုစုစု ဒီစုစုနဲ့ မတ်တပ်တစ်မျိုး ထိုင်လျက်တစ်မျိုး အမျိုးမျိုးသောလူစုတွေကြားမှာ မိုးကြည်ဘယ်များရောက်နေလဲလို့ ကမန်းကတန်းလိုက်ရှာကြည့်တဲ့အခါ…….
“ခင်မာ……ခင်မာ……..လာလာ…….ဒီဘက်လာ….”
အသံလာရာဘက်ကို လှည့်ကြည့်လိုက်တော့ ထမင်းစားဆောင်ထဲကနေ ထိုင်စောင့်နေတဲ့မိုးကြည်ကို လှမ်းတွေ့လိုက်လေသည်။ “မိုးကြည်…..နင်က နေရာတွေဘာတွေ ရလို့ပါလား…………….”
ဘဲလ်တီးပြီးပြီးချင်း ကမန်းကတန်းပြေးထွက်သွားတဲ့ အများစုက ဒီ ထမင်းစားဆောင်ထဲနေရာလိုချင်လိုပါ။ တီဗွီအကြီးကြီး ၂ လုံးနဲ့ ခေတ်ပေါ်သီချင်းများလည်းဖွင့်ထားပေးလေသည်။ စားပွဲခုံ၊ ထိုင်ခုံစသည်ဖြင့် အေးအေးသာသာ ထမင်းစားနိုင်အောင် စီစဉ်ပေးထားခြင်းပင်။ နေရာမရသူများကတော့ ဟိုစုစု၊ ဒီစုစုဖြင့် အဆင်ပြေသလိုဖြေရှင်းရလေတော့သည်။
“ခင်မာ….ငါ မလုပ်နိုင်တော့ဘူးထင်တယ်……စိတ်ညစ်တယ်ဟာ အရမ်းပဲ..…”
အလုပ်ဝင်ပြီး တစ်လအကြာမှာ စတင်ကြားရတဲ့ဒီစကားက ခင်မာကို ထမင်းစားရပ်တန့်စေပါတယ်။ မျက်ရည်လေးဝဲတဲဝဲတဲနဲ့ အားငယ်စကားပြောလာတဲ့မိုးကြည်ကို သူ ဘယ်လိုနည်းနဲ့ နှစ်သိမ့်ပေးရပါ့မလဲ။ တစ်နေ့တစ်နေ့မရိုးနိုင်တဲ့ စိတ်ဒုက္ခပေါင်းများစွာ ထဲမှာ ခင်မာလည်းပဲ ခံစားနေရတာပဲမဟုတ်လား…….။
“ငါလည်းတူတူပါပဲမိုးကြည်ရယ် သူတို့ကပြောပြီး၊ ပြီးတာပဲ၊ ဘာမှစိတ်ထဲရှိကြတာမဟုတ်ဘူး၊ သူများတွေလည်းတူတူပဲအပြောခံရတာပဲ၊ကြာတော့လည်း ရိုးသွားမှာပါ…ခဏလေးပဲသည်းခံနေလိုက်ပါဟာနော်…နော်…..နော်…မိုးကြည်နော်…..….”
“စကားလုံးတွေ တအားရိုင်းတယ်ဟ၊ တစ်နေကုန် မတ်တပ်ရပ်ရတာကို ငါခံနိုင်ပါတယ်၊ ပါးစပ်ကြမ်းတာတော့မခံနိုင်ဘူး၊ သူတို့က လက်ပါပါချင်တာ…ဟုတ်တာတွေကော မဟုတ်တာတွေကော အကုန်ကြမ်းကြမ်းတမ်းတမ်းကိုပြောတော့တာ…..”
ဟုတ်ပါတယ်….မိုးကြည်ခြေထောက်လေးတွေ ဖောရောင်နေလေသည်။ ပြည့်ဖောင်းနေတဲ့ခြေခုံမို့မို့လေးတွေအောက်မှာက ပြားကပ်ကပ် ဖိနပ်ပါးလေးက ပုန်းလို့ကွယ်လို့……….။
“ဟင်း……..”
စားလက်စခဏရပ်လို့ ခင်မာ သက်ပြင်းအရှည်ကြီးကို ချမိလိုက်မိပါတယ်။ ထမင်းစားရုံကို မျက်စိဝေ့ကြည့်မိလိုက်တော့လည်း အားလုံးက သူ့အကြောင်းနဲ့သူ ပြောနေဆိုနေကြတဲ့သူတွေချည်းပင်။ တစ်ချို့ရယ်နေကြသည်၊ တစ်ချို့ မျက်နှာလေးတွေ ငေးငိုင်နေကြသည်။
“ ငါ့ဒုက္ခတွေကို အိမ်ကဘယ်သူမှမသိကြဘူး၊ အဆင်ပြေလားလို့လည်း မမေးကြဘူး၊…တခါတခါဆို ငါအရမ်းငိုချင်တာပဲ ခင်မာရယ်…ပြီးတော့ အရမ်းလည်းဝမ်းနည်းတယ်….…….”
“အေးပါဟာ….ငါလည်း တူတူပါပဲ….. ခုတော့ ဒါလေးတော့ကုန်အောင်စားလိုက်ဟာ ညနေကျ စောစောပြန်ရမှာမဟုတ်ဘူး… အချိန်ပိုရှိတယ်လို့ပြောသံကြားတယ်…ဘာမှအားမငယ်ပါနဲ့ဟာ….ငါတစ်ယောက်လုံးရှိပါသေးတယ်မိုးကြည်ရယ်…နော်….နော်……”
စကားပြောနေရင်း ဒလဟောစီးကျလာတဲ့ မိုးကြည်ရဲ့မျက်ရည်လေးတွေနဲ့အပြိုင် ခင်မာ့မျက်ဝန်းလေးတွေလည်း စိုလို့ရွှဲကုန်ပြီ။ ဒါပေမယ့်ကြာကြာမငိုအားခဲ့ပါ။ နာရီဝက်သာပေးတဲ့ ဒီအားလပ်ချိန်လေးအတွင်းမှာ ကိုယ့်ဝေယျာဝစ္စတွေကို အပြီးလုပ်ဆောင်ရ သေးသည်မဟုတ်ပါလား…။
***-----***-----***----- ***-----***-----***----- ***-----***-----***----- ***-----***-----***-----
“ဟဲ့…ဟဲ့..ခင်မာ …ခင်မာ….”
“ဟင်…ဘာလဲ…ဘာလဲဟ”
အတွေးနယ်ချဲ့နေတဲ့ခင်မာ ရုတ်တရက်မို့ လန့်သွားမိပါတယ်။ ခုံတန်းလျားလေးပေါ်ထိုင်နေရင်းက အတိတ်ဆီက အတွေးတွေကို ပစ္စုပ္ပန်ဆီပြန်လည်ဆွဲငင်ခေါ်ယူလိုက်တာမို့ မိုးကြည်ရဲ့ခေါ်သံကို ကမန်းကတန်းဖြေလိုက်ရပါတယ်….။
“နင်….တွေးနေပြန်ပြီလား…..ခင်မာ…”
အင်း….လို့ခေါင်းညိတ်အတည်ပြုပေးလိုက်ပြီး ထိုင်နေရာမှ ထလိုက်ကြပါတယ်။ လက်ကနာရီကိုပြိုင်တူကြည့်မိရင်းက အိမ်ပြန်ဖို့အချိန်သင့်ပြီဆိုတာကို ခင်မာတို့နှစ်ယောက်လုံး ပြောစရာမလိုဘဲသိနေခဲ့လေသည်။
စောင်းတန်းတစ်လျှောက် ဖြေးဖြေးချင်းဆီ လျှောက်လာတဲ့အခါ တစ်နေရာမှာ စုပုံချထားတဲ့စားပွဲတင် နာရီလေးတွေက ခင်မာတို့နှစ်ယောက်ကို အပြုံးလေးတွေထပ်မံပေးခဲ့လေသည်။ ပြိုင်တူပြုံးမိလိုက်တဲ့အပြုံးကိုယ်စီမှာလည်း အကြောင်းကိုယ်စီရှိနေခဲ့လို့ပါ။ ဒါဟာ အတိတ်ဆိုရင်တော့ ခင်မာအတွက် ပြန်ပြောင်းတွေးစရာအကြောင်းတစ်ခုပဲ ဖြစ်ပေဦးတော့မည်။
***-----***-----***-----
အဲဒီနေ့က ခင်မာပျော်ရွှင်နေခဲ့လေသည်။ အဖွားကိုမှာထားတဲ့နာရီလေး ပါလာခဲ့တာမို့ မိုးကြည်ကိုအရမ်းသိစေချင်နေမိ လေသည်။ ပုံမှန်အချိန်ထွက်လာပေမယ့် စိတ်ထဲကအမြန်ရောက်ချင်ဇောကြောင့် ကိုယ့်ခြေလှမ်းတွေကိုပင် အားမရမိခဲ့ပါ။
“မိုးကြည်…မိုးကြည်….မြန်မြန်…မြန်မြန်”
“ငါလာပါပြီဟ….ဒီမှာရေဗူးထည့်နေလို့”
မိုးကြည်တို့အိမ်ရှေ့ကနေ အတင်းပင်အော်ခေါ်နေမိတဲ့ခင်မာက လက်ထဲကအထုတ်လေးကို မြှောက်ကာပင့်ကာနဲ့ပင်။
“လက်ထဲက ဘာလဲဟ”
“ငါတို့အတွက်.. နာရီ၊  အဖွား ၀ယ်ပေးတာ…”
“ဟယ်……….တကယ်….ငါ့အတွက်လည်းပါတယ်ဟုတ်လား……..ပြ…..ပြ.”
အံ့သြသွားတဲ့မိုးကြည်က ပျော်သွားပုံပင်။ ရင်ထဲက ကလိကလိအသံတွေကို အသာထိန်းရင်း ဘာလဲဆိုတာ သိချင်နေတဲ့မိုးကြည်ကို ခဏညှဉ်းဆဲထားလိုက်ပါတယ်။ ဖယ်ရီဂိတ်ဆီ အရောက်မှာတော့-
“ဟင်…နင့်ဟာကလည်း…………လက်ပတ်တာလည်းမဟုတ်ဘူး…….နှိုးစက်နာရီကြီး”
“အေးလေ နင်ကလည်း လက်ပတ်နာရီမှ မ၀ယ်နိုင်သေးတာ.. အချိန်သိရဖို့အရေးကြီးတာပဲ၊ ခုတော့ဒါလေးနဲ့အရင်သုံးမယ်လေ။  ဆွဲခြင်းထဲထည့်ဆွဲတော့ ဘယ်သူသိတာမှတ်လို့….ဟုတ်ဘူးလား….………”
“ပြီးရော…….”
ဆရာကြီးစတိုင်နဲ့ပြောတတ်တဲ့ခင်မာက သူထင်တာလွဲသွားတဲ့မိုးကြည်ကို ဖြောင်းဖျပြောဆိုဖူးပါတယ်။ ရှိတာလေးနဲ့ ကျေနပ်ခဲ့ ရတာလည်း သည်းခံနိုင်ခြင်းတစ်မျိုးပဲလို့ ခင်မာက ယုံကြည်ထားလို့ပါ။ အဖွားရဲ့ ပြောဆိုဆုံးမမှုတွေကြားမှာ အရွယ်နဲ့မလိုက်အောင် သိတတ်တဲ့ခင်မာက မိုးကြည်အပေါ်တော့ အားကိုးအားထားရာ သူငယ်ချင်းကောင်းတစ်ယောက်ပင်။
***-----***-----***-----
“ဟဲ့ ခင်မာ အောက်ကိုလည်းကြည့်လျှောက်ဦး၊ အထစ်ကျော်ဆင်းမိမယ်… သတိရတာကနောက်ထား၊ ခု ခေါင်းပေါက်နေမယ်…..”
“အမယ်အမယ်……အေးပါ…….ငါကိုက သတိမရဘဲ မနေနိုင်လို့ပါ…..”
ပြောလိုက်ဆိုလိုက်နဲ့ ခင်မာနဲ့မိုးကြည်တို့ခြေလှမ်းလေးတွေသွက်လိုက်ကြပါတယ်။ လွတ်လပ်ပေါ့ပါးတဲ့ခြေအစုံက လေဟုန်ကိုပင် စီးနိုင်သလားလို့ …..။ နှစ်ယောက်သား ရယ်ကာမောကာနဲ့ သောကတွေကင်းစင်နေပါလားလို့ ကိုယ့်ဘာသာထင်မိလိုက်လေသည်။
“ခင်မာ……….လိုင်းကားနဲ့ပြန်ရအောင်…..”
“အင်း……….ပြန်ကြမယ်လေ ပြေးလွှားတက်ကြတာပေါ့…တစ်ခါတလေပဲဟာ..”
“တစ်ခါတလေမဟုတ်လဲ ပြေးလို့ လွှားလို့ရပါသေးတယ် ခင်မာရယ်…ငါက ဘ၀မေ့တဲ့သူ ကျနေတာပဲ…”
“မိုးကြည်………ထိုင်ခုံမရရင် မငိုကြေးနော်၊ ညောင်းတယ်ဆိုပြီး ထိုင်မချရဘူးနော်…..…”
“…….အစုတ်ပလုပ် ခင်မာ၊ နင်ကင့ါကိုလှောင်တာပေါ့လေ……”
“ဟိဟိ……နဲနဲလေး စကြည့်တာပါဟယ်…”
သန်လျင်နဲ့ရန်ကုန် လိုင်းကားတွေက များတယ်လို့ဆိုရပေမယ့် မချောင်ပါ။ ရန်ကုန်အရှေ့ပိုင်းတက္ကသိုလ်ဘက်ကလာတဲ့ ကားတွေရှိသလို ကျောက်တန်းဘက်ကလာတဲ့ကားတွေလည်းရှိလေသည်။ သွားနေလာနေကျမဟုတ်ရင်တော့ လူကြပ်ကြပ် ကားကို စီးရတာလည်း ဒုက္ခတစ်မျိုးပင်။
ကားပေါ် အတင်းလုတက်ကြ၊ နေရာရဖို့ကြိုးစားကြနဲ့ လူကြီးလူငယ်မခွဲခြားတတ်တဲ့ လူနေမှုစနစ်ထဲမှာ ခင်မာတို့က ပိုလို့ အသားကျခဲ့ဖူးပါတယ်။ တစ်ချိန်တုန်းကလည်း နေ့ရက်ပေါင်းများစွာကို မတ်တပ်တစ်မျိုး၊ ထိုင်ရက်တစ်မျိုးနဲ့ ဖြတ်ကျော်လာခဲ့ရတာတွေက မမေ့ကောင်းစရာ အမှတ်တရတွေပေါ့။
အကြောင်းအရာတိုက်ဆိုင်တိုင်း ပြန်ပြောင်းလို့သတိရမိတတ်တဲ့ခင်မာက ပီပြင်တဲ့အတွေးသမားတစ်ယောက်ပင်။ စိတ်မကောင်းစရာတွေကို ပြန်မတွေးတတ်တဲ့မိုးကြည်က ပြန်တွေးတိုင်း မျက်ရည်ဝဲတတ်သူပင်။…………ဟော….ခုလည်း ခင်မာတစ်ယောက် အတွေးကမ္ဘာထဲ လည်ပတ်နေဦးမှာ အသေအချာပင်။
***-----***-----***----- “”
 “ဟဲ့ကောင်မ…….မိုးကြည်……..ညည်း ဒါဘာလုပ်နေတာလဲ…ထထ….ထစမ်း….….”
လိုင်းထဲ တစ်ချက်အလစ်မပေးတတ်တဲ့ ခေါင်းဆောင်က ငုတ်တုတ်ကလေးဖြစ်နေတဲ့ မိုးကြည်ကိုမြင်သွားခဲ့တာပါ။ လျှာကြမ်း၊ အာကြမ်းနဲ့ပြောဆိုတတ်တာကြောင့် သူများတွေကြားမှာစိုးသည့်အလား မိုးကြည်ရဲ့ငိုမဲ့မဲ့မျက်နှာလေးနဲ့တောင်းပန်သံက တိုးတိုးလျလျ…
 “ခဏလေးပါ အမရယ်….ခဏလေးပါ။ မိုးကြည် တအားညောင်းနေလို့ပါ”
“ဟဲ့ ဒီမှာ………..ဒါ အလုပ်လုပ်နေတာ…မလုပ်နိုင်ရင်လာလုပ်မနေနဲ့….ဟိုမှာမြင်လား နင့်ဆီကရမယ့်ပစ္စည်းကို စောင့်နေကြတာ၊ ထထ……မြန်မြန်လုပ် ငါဒီဘက်ပြန်ရောက်လာတာနဲ့ ဒါတွေအကုန်ပြီးတာမြင်ချင်တယ်………..ဒါပဲ”
ပြောပြီးပြီးချင်းလှည့်ထွက်သွားတဲ့ခေါင်းဆောင်က တခြားသူတွေဆီရောက်သွားခဲ့လေပြီ။ ခေါင်းပေါ်ကလင်းနေတဲ့မီးချောင်း၊ လက်ထဲကမီးပူနဲ့၊ မတ်တပ်ရပ်ထားရလို့ ညောင်းနေတဲ့ခြေထောက်တွေထက် စိတ်ထဲက ခံပြင်းမှုတွေနဲ့အတူ မိုးကြည်ဝမ်းနည်းခဲ့ လေသည်။
တပေါက်ပေါက်စီးကျလာတဲ့မျက်ရည်တို့ မီးပူတိုက်တဲ့ခုံပေါ်စီးကျလာချိန်မှာ ဘေးနားမှာလာရပ်တဲ့အရိပ်တစ်ခုကြောင့် လှည့်အကြည့်-
“မိုးကြည်…... သူငယ်ချင်း….ပေးပေး...သွား…နင်ဟိုဘက်ခဏသွားနေလိုက်၊ ငါလုပ်ထားမယ်”
“ခင်မာ……ခင်မာ………ငါ…ငါ….”
“သွား..ငါ….ရတယ်….ငါကတနေကုန် လမ်းလျှောက်နေရတာ…သွားဆိုသွား…..”
မိုးကြည်လက်ထဲကမီးပူကိုအတင်းလုဆွဲကာ ကမန်းကတန်းလုပ်ဆောင်လိုက်တဲ့ ခင်မာရဲ့လုပ်အားက မိုးကြည်အတွက်တော့ ဘာနဲ့မှလဲမရတဲ့ အားကိုးမှုတစ်ခုပါ၊ လစ်ရင်လစ်သလို လာလာကူရှာတဲ့ခင်မာကို မိုးကြည်ပိုလို့ အားကိုးမိခဲ့လေတော့သည်။
***-----***-----***-----
ကားနောက်မှာ တရိပ်ရိပ်ကျန်ခဲ့တဲ့ ပုံရိပ်တွေကို နောက်ပြန်လှည့်ကြည့်ရင်းက မကြာခင်ရောက်တော့မှာပဲဆိုတဲ့ အသိ တစ်ခုနဲ့တင် အညောင်းတွေပြေရပါတယ်။ သန်လျင်လိုနေရာမျိုးကနေ ရန်ကုန်မြို့ထဲအထိ အလုပ်လာဆင်းရတဲ့ အလုပ်သမား လေးတွေကတော့ ဒီဒုက္ခကို နေ့စဉ်နဲ့အမျှ ခံစားကြရမှာပါ။ ကြာလာတော့လည်း ဒါဟာ ရိုးအီသွားခဲ့လေပြီထင်သည်။
ခင်မာတို့လည်း ထို့အတူပါပဲ ပင်ပန်းခဲ့တယ်၊ ဆင်းရဲခဲ့တယ်၊ အိပ်ချိန်နည်းခဲ့တယ်၊ လူတွေဟာစက်ရုပ်တွေလိုပဲ အမိန့်တစ်ခုအောက်မှာ တာဝန်ကျေအောင် မနားမနေလုပ်ဆောင်ခဲ့ဖူးတယ်။ နေမကောင်းလို့ပြန်ဖို့မလွယ်ကူခဲ့ဘူး၊ စက်ရုံနဲ့အိမ်နဲ့ ဖယ်ရီကားတောင် ၁ နာရီခွဲ စီးခဲ့ရတယ်၊ လိုင်းကားနဲ့ပြန်ဖို့မလွယ်ကူလေတော့ နေမကောင်းလည်း လုပ်၊ နေကောင်းလည်း လုပ်ပေါ့။
ဒီလိုနဲ့ခင်မာတို့တွေ ငိုလိုက်ရယ်လိုက်နဲ့ လုံလောက်တဲ့အချိန်ကိုရင်ဆိုင်ကျော်ဖြတ်ပြီးချိန်မှာ အရာရာဟာ နေသားကျခဲ့လေသည်။ ရင်းနှီးကျွမ်းဝင်လာတဲ့ ခေါင်းဆောင်တွေရဲ့သဘောထားနဲ့ ကိုယ်နဲ့ဘ၀တူချင်းတွေရဲ့အားနည်းချက်တွေကို သတိပြုလာနိုင်ခဲ့ လေသည်။
မိုးကြည်က အကူအဆင့်ကနေ မီးပူတိုက်ရသလို ခင်မာက ပစ္စည်းထုတ်ရလေသည်။ ရေငွေ့ပိုက်လိုင်းတွေနဲ့ ချိတ်ဆက်ထားတဲ့ မီးပူတွေက အလေးကြီးတွေပင်။ လက်မောင်းပြုတ်မတက် ခံစားရတဲ့ဝေဒနာတွေက အိမ်ကမိသားစုကိုဖြေရှင်းနိုင်တယ်ဆိုရင် ဒါဟာ တန်တယ်လို့ ခင်မာတို့ ယူဆထားပါတယ်။
ပစ္စည်းထုတ်တာ ၆ လအကြာမှာတော့ ပိတ်တွေဖြတ်ရတဲ့အပိုင်းကို ခင်မာရောက်လေတော့သည်။ တိကျသေချာတဲ့ တွက်နည်း တွေနဲ့ စက်တွေကြားမှာ အလုပ်လုပ်ရတော့ ခင်မာစိတ်ဝင်စားမိလေသည်။ အပိုအလိုမရှိ၊ အလေအလွင့်မရှိအောင် သတိထား ရပြီး အချိန်နဲ့တပြေးညီ ပိတ်စတွေကို စက်နဲ့ပိုင်းဖြတ်ရလေသည်။
ခင်မာနဲ့မိုးကြည်တို့အဆင့်ဆင့်ပြောင်းလဲလုပ်ရတဲ့အလုပ်တွေကို အိမ်ကမိသားစုတွေက မသိပေ။ အသိလည်းမပေးခဲ့ပေ။ အိမ်က မိသားစုက မေးလည်းမမေးခဲ့ပေ။
အချိန်တန်လစာရယုံကလွဲလို့ ဘာမှအားမပေးတတ်တဲ့ မိုးကြည်မိဘတွေ၊ ခင်မာ့မျက်နှာတစ်ခုတည်းသာ ကြည့်တတ်တဲ့ အဖွားအိုကြီးတစ်ယောက်ကို ခင်မာတို့ဘာများတိုင်ပင်လို့အကြံဥာဏ်ကောင်းများ ရခဲ့ပါမည်နည်း။ ကိုယ်ထူကာ ကိုယ်ထလို့ ကိုယ့်ဘာသာတက်မြောက်လာတဲ့ ပညာရပ်တွေကြားမှာ ခေါင်းမော့ ရင်ကော့တတ်ခဲ့လေသည်။
အပိုထွက်လာတဲ့လစာလေးတွေကို ကြိတ်စုကြလို့ ကိုယ့်ဘ၀အတွက်ရည်မှန်းချက်ကိုယ်စီနဲ့ ကြိုးစားခဲ့ကြသည်။ တန်ဖိုးရှိလှတဲ့အချိန်တွေ  ချွေးစက်တွေ၊ မျက်ရည်စက်တွေနဲ့ရင်းနှီးထားရတာတွေက ခင်မာတို့အတွက်တော့ ပညာရွှေအိုးကြီး တစ်ခုပင်။
မိုးကြည်က အနစ်နာပေါင်းများစွာ ကြိတ်မှိတ်ခံစားရပြီးမှ စက်ပေါ်ရောက်ရှိခဲ့လေသည်။ အပ်နှစ်ချောင်းနဲ့တစ်ပြိုင်နက်ချုပ်တတ်ဖို့ လက်ကိုအပ်စိုက်ပေါင်းလဲမနည်းခဲ့လေပြီ၊ တစ်နာရီကိုအထည် 20 ပြီးအောင်ချုပ်ပါလို့ဆိုလာရင် မိုးကြည်က ပိုထွက် အောင်ချုပ်နိုင်ခဲ့လေသည်။
လူ့ဘ၀ကြီးက ပျော်စရာကြီးပါတဲ့ လူတစ်ချို့ပြောတာကြာဖူးခဲ့လေသည်။ ဟုတ်သည် ခင်မာတို့တွက် တဖြည်းဖြည်းဟုတ်လာခဲ့ လေသည်။ အနည်းငယ်ပိုလျှံလာတဲ့ လုပ်အားခငွေအချို့နဲ့ ပစ္စည်းအချို့ကိုလဲလှယ်ခဲ့ကြသည်။ အားတဲ့အချိန်လေးတွေမှာ ခင်မာက ပိတ်စတွေဖြတ်သလို မိုးကြည်က အိမ်မှာချုပ်လေသည်။ ကလေးဝတ်၊ မိန်းမ၀တ်နဲ့၊ တခြားပုံစံအမျိုးမျိုးတို့ကို တဖြည်းဖြည်းနဲ့ တက်မြောက်လာခဲ့ကြလေသည်။ ဒါတွေဟာ ကိုယ်တိုင်သင်ယူလုိ့သာ တက်မြောက်ခဲ့ရတာတွေပင်။
“ငေးလှပါလား ခင်မာ…… ဘာတွေ တွေးနေပြန်ပြီလဲ….”
“ဘာမှမဟုတ်ပါဘူးမိုးကြည်ရဲ့…..တိုင်းရင်းသားကျေးရွာထဲ ခဏ၀င်မလားလို့”
“အေး….၀င်ချင်ဝင်ပါလား၊ ငါတို့မရောက်တာလည်း ကြာပြီပဲဟာ….”
ခင်မာ စကားလမ်းကြောင်းပြောင်းကာ ညာလိုက်ရပါတယ်။ ပြန်တွေးလိုက်တိုင်း အားငယ်တတ်တဲ့မိုးကြည်ကို မျက်ရည်မ၀ဲစေလို ပါ။
“အော်….မေ့လို့ …မေ့လို့……ဒီနေ့ အဖွားကို ခေါင်းလျှော်ပေးရမယ့်နေ့ဟ….”
“ဟွန်း……အမျိုးမျိုး………………”
ဒီလိုပဲ….ရယ်လိုက်မောလိုက်ရင်းနဲ့ အညောင်းတွေပြေစေဖို့ ကြိုးစားရပြန်ပါတယ်။ ခဏတာဆိုပေမယ့် လှုပ်ရှားရုန်းကန်ရဦးမယ့် နေ့ရက်တွေက အများသားပင်။ ဒီနေ့ပြီးနောက်နေ့၊ တစ်လပြီးတစ်လ၊ တစ်နှစ်ပြီးတစ်နှစ်နဲ့ မကုန်ဆုံးနိုင်တဲ့ ခရီးမိုင်ပေါင်းများစွာ ခင်မာတို့ လျှောက်လှမ်းရဦးမှာပါ။
လိုရာခရီးရောက်သူအဖို့ ကားပေါ်က ဆင်းသွားလိုက်၊ သွားချင်သူတွေ ပြန်တက်လာလိုက်နဲ့ ခင်မာတို့ရဲ့လိုင်းကားလေးက တရွေ့ရွေ့နဲ့ခရီးဆက်နေလိုက်တာ ခင်မာတို့အလှည့်လည်း မကြာခင်ရောက်လာခဲ့လေတော့သည်။
***-----***-----***----- ***-----***-----***-----
ခင်မာတို့အပါအ၀င် လောကလူသား အားလုံးက မပြီးဆုံးနိုင်တဲ့ ဘ၀သံသရာထဲလည်ပတ်နေကြသူတွေချည်းလို့ အများပြောသံ ကြားဖူးခဲ့လေသည်။ ဘ၀သံသရာလည်းနားမလည် ယနေ့သံသရာထဲသာ လည်ပတ်နေရသူတွေက ခင်မာတို့ ပတ်ဝန်းကျင်မှာ ထုနဲ့ဒေးပင်။
တစ်နေ့စာအတွက် ရုန်းကန်နေရသူတွေအဆင်ပြေစေဖို့ ခင်မာတို့ရဲ့စက်ချုပ်ရုံလေးက အနည်းငယ်တော့ ပေးစွမ်းနိုင်ခဲ့လေသည်။ တစ်စတစ်စနဲ့ စုထားရတဲ့ ပစ္စည်းတွေ၊ တစ်နေ့တစ်နေ့နဲ့ သင်ယူခဲ့ရတဲ့ ပညာတွေ၊ မခံချင်စိတ်တွေနဲ့ ပေါင်းစပ်ထားတဲ့ ခင်မာတို့ရဲ့ စက်ချုပ်ရုံလေးသေးသေးလေးက မထင်ထားလောက်အောင် အောင်မြင်ခဲ့လေသည်။ သူများမျက်နှာမကြည့်ရတဲ့ဘ၀က ဘယ်လောက်များ အေးချမ်းလိုက်သလဲဆိုတာ ခုတော့ ခင်မာတိုို့ကိုယ်တိုင် ခံစားသိရှိခဲ့လေသည်။ ခင်မာရဲ့စေ့စပ်သေချာမှု အတိုင်းအထွာတွေနဲ့ မိုးကြည်ရဲ့ချုပ်အားနဲ့ပေါင်းစပ်ကာ နိစ္စဓူဝစက်သံတွေဆူညံနေတဲ့ ဒီအလုပ်ရုံ လေးမှာ တစ်လလျှင် ၄ ရက်သာ တိတ်ဆိတ်ငြိမ်သက်နေလေသည်။
အလုပ်သမားလေးတွေက တစ်ပါတ်တစ်ရက်နားရပေမယ့် ခင်မာတို့က တစ်လမှတစ်ရက်သာ နားကြလေသည်။ ထိုနေ့က လပြည့်နေ့ပင်။ အနားရတဲ့ ရက်လေးမှာတော့ ခင်မာတို့အနားမနေတတ်ပါ။ မိမိတက်စွမ်းသလောက်အလှူဒါနအဖြစ် မိဘမဲ့ကျောင်းလေးတွေကို အလှည့်ကျ အ၀တ်အထည်လေးတွေ သွားရောက်လှူဒါန်းတတ်လေသည်။မိဘမရှိတဲ့ဘ၀ကို ခင်မာကပိုလို့နားလည်ကိုယ်ချင်းစာသလို မိုးကြည်ကလည်းပါရမီဖြည့်ပေးခဲ့လေသည်။
လိုတာရသွားတဲ့ကလေးငယ်တွေရဲ့အပြစ်ကင်းစင်တဲ့မျက်နှာလေးတွေက ခင်မာ့အတွက်တော့ အားရှိစရာတွေပင်။ အားကိုးမှု မျက်ဝန်းလေးတွေမှာ ဖြူစင်မှုက ပကတိပင်။ ပိုလျှံနေတဲ့နေရာတွေမှာ တောင်းယူလို့မရနိုင်ပေမယ့် လိုအပ်နေတဲ့နေရာတွေ အတွက်တော့ ပြည့်ဖို့ဆိုတာအတော်ကြိုးစားယူရလေသည်။
မိမိကြောင့်လိုအပ်ချက်လေးတွေ အနည်းငယ်ပြည့်ဖြိုးသွားတယ်ဆိုရင်ပဲ ဒါဟာ တိုင်းတာမရတဲ့ အားရကျေနပ်စရာကောင်းတဲ့ အပြုအမူတစ်ခု မဟုတ်ပါလားနော်………………….
***-----***-----***----- ***-----***-----***-----
အပြင်ကပြန်လာပြီး အမောဖြေနေတဲ့မိုးကြည် ရေတစ်ခွက်ကိုအမြန်သောက်လို့ ခင်မာတို့အိမ်ဘက် ထွက်ခဲ့လေသည်။ ညနေစောင်းနေပေမယ့် ခင်မာအတွက်ချက်ချင်းသွားပေချင်တာမို့ ဖိနပ်အိတ်လေးကို လက်ကကိုင်လို့ ကျေနပ်မှုပြည့်နေတဲ့မိုးကြည်မျက်နှာလေးက ချွေးစို့နေပေမယ့် ကြည်နူးနေခဲ့လေသည်။
“အဖွားရေ…………အဖွား……ခင်မာရှိလား……သမီး မိုးကြည်ပါ….….”
“ကန်ဘောင်ဘက် လမ်းလျှောက်ဆိုလား ထွက်သွားတယ်ကွဲ့”
“ဒါဆို သမီးလိုက်သွားလိုက်မယ်နော်အဖွား……….”
“အေးအေး……သိပ်အကြာကြီးမနေကြနဲ့ဦး……….”
“ဟုတ်…..”
အတွေးသမားခင်မာက တိတ်ဆိတ်ပြီးအေးချမ်းနေတဲ့နေရာတွေကို သဘောကျတတ်လေသည်။ မနက်ဖန် သီလရှင်ကျောင်းကို သွားစရာရှိတာမို့ ခင်မာ့အတွက် ကတ္တီပါဖိနပ်လေးကို မိုးကြည်လာပေးခြင်းပင်။ အေးအေးလူလူလမ်းလျှောက်နေတဲ့ ခင်မာက ပတ်ဝန်းကျင်လည်း သတိပြုမိပုံမပေါ်ပေ။
“ဟိတ်….”
“အမလေးလန့်လိုက်တာ မိုးကြည်ရယ်……….အသံလေးဘာလေး ပေးဦးမှပေါ့”
“ရော့………ဒီမှာ နင်မှာထားတဲ့ဖိနပ်၊ အစိမ်းရောင်က မနည်းဖယ်ထားရတယ်ဆိုပဲ၊ ငါကတော့ ပန်းရောင်လေးပဲယူလိုက်တယ်၊ ဘယ်လိုလည်း ကြည့်ကြည့်ပါဦး……ကြိုက်မကြိုက်သိရအောင်……..”
“…ရပါတယ်ဟ။……ငါက အစိမ်းရောင်ဖြစ်ရင်ပြီးတာပဲလေ၊ ပုံစံတွေဘာတွေ သိပ်ချေးမများပါဘူး… လာ ဟိုခုံမှာ သွားစီးကြည့်မယ်။”
“သွားလေ…………..”
ကန်ရေပြင်က ငြိမ်နေသည်၊ ကြာပန်းဖြူဖြူလေးတွေက အနည်းငယ်စီစုရုံးနေကြသည်။ ယိုင်နဲ့နဲ့ထိုင်ခုံလေးပေါ်မှာ ခပ်ကုပ်ကုပ်ကောင်မလေးနှစ်ယောက် ကန်ရေပြင်ကိုကျော်ဖြတ်လို့ ဟိုဘက်ခြမ်းဆီက ဓါတ်မီးတိုင်တွေကို လှမ်းကြည့် နေကြသည်။
“ငါတို့တွေ ဒီလိုဖိနပ်လေးစီးရဖို့ အတော်စောင့်ခဲ့ရတယ်နော်ခင်မာ”
“ဒါပေါ့ဟာ………”
“အေးနော်…………..ခုတော့လည်း ဒါတွေ ဒါတွေ……ပြီးခဲ့ပါပြီ………….ပြီးခဲ့ပါပြီ………………. ဒါပေမယ့်လည်း…….”
“အမယ်……..သီချင်းတွေဘာတွေတောင် ဆိုနိုင်နေပြီပေါ့လေ….”
“ဟား ဟား ဟား ဟား.……………”
“ဒါပေမယ့် တို့တွေ မမေ့ကြေးနော်…………………….”
ညက အေးစက်နေပါတယ်။ ပြီးတော့ တိတ်ဆိတ်နေသေးတယ်။ ကြယ်တွေစုံနေတဲ့ ကောင်းကင်ကြီးကို အားရပါးရမျှော်ကြည့်ရင်းက တွဲလျောင်းချထားတဲ့ ခြေထောက်တွေကို သတိမပြုမိတော့ပေ။
ခြင်ကိုက်မှာစိုးလို့ မကြာမကြာလှုပ်ရမ်းပေးနေတဲ့ ခင်မာတို့ရဲ့ခြေထောက်လေးတွေပေါ်မှာတော့ ကျောက်စီထားတဲ့ ကတ္တီပါ ဖိနပ်လေးက တဖျတ်ဖျတ်လက်လို့သာပေါ့……………
ဒီဖိနပ်မျိုးလေးစီးရဖို့ ဖိနပ်ကြမ်းလေးတွေနဲ့ ခြေလှမ်းလေးတွေ ရင်းနှီးခဲ့ရတယ်ဆိုရင်တော့ ခင်မာတို့လျှောက်ခဲ့ရတဲ့ လမ်းလေးက စိန်တွေစီထားတဲ့လမ်း မဟုတ်ပါလားနော်။

စိမ့်စမ်းရေ

Read More
Posted by စိမ့်စမ်းရေ on Sunday, November 15, 2015