ကျွီ………………။
ဝေါကနဲထိုးရပ်လာတဲ့
လိုင်းကားပေါ်ကနေ အတင်းတိုးဝှေ့ပြီးဆင်းလာတဲ့ လူအုပ်ကြီးကမနည်းပါ။ ဆင်းတဲ့လူတွေ အတင်းတိုးဆင်းသလို
တက်တဲ့သူတွေကလည်းအတင်းကိုတိုးတက်ကြတော့တာ။ မျက်စိရှေ့မြင်နေရတော့လည်းမကြည့်ချင်လဲကြည့်ပေတော့ပေါ့။ကိုယ်စီးရမယ့်ကားမလာမချင်းတော့
ခုလိုပဲဟိုကြည့်ဒီကြည့်နဲ့ စောင့်နေရပါတယ်။
ရုတ်တရက်…………
ရိပ်ခနဲ
မြင်လိုက်ရတဲ့အရိပ်……
ခင်… ခင်ခင်…ဟုတ်ပါတယ်..
ခင်…ပါ။အရမ်းကိုလှပနေတဲ့ခင်…။
ကားလမ်းမတစ်ဖက်ကနေလမ်းသွယ်ထဲချိုးဝင်သွားတဲ့
တစ်ချိန်ကသူငယ်ချင်းဖြစ်ခဲ့သူခင့်ကို ကျွန်မလှမ်းမြင်လိုက်တာကြောင့် လည်ပင်းကလေးထောင်မတ်၊
ခြေထောက်ကလေးကြွပြီးအသာပဲလှမ်းကြည့်လိုက်ရပါတယ်။ တ၀ီဝီသွားနေတဲ့ကားကြားထဲ ကနေအတင်းပြေးလိုက်ရင်တောင်
ကျွန်မခင့်ကိုမှီမယ်မထင်။အော်ပဲခေါ်လိုက်ရမလား။ လပ်ခုပ်တီးပြီးပဲခေါ်လိုက်ရမလား ဘေးဘီဝဲယာကို
အသာငဲ့ကြည့်လိုက်ရင်း ဝေခဲမရစိတ်တွေက ခင့်ကို အဝေးရောက်သွားစေခဲ့ပြီ။
*****-----*****-----*****-----
“နင်နောက်ကျလိုက်တာ…”
“အေးဟာ..
ကားတွေအရမ်းကြပ်နေလို့…။”
အိမ်ကိုရောက်ရောက်ချင်းနီလာရဲ့စိုးရိမ်သံအရင်ထွက်လာပါတယ်။
နေ့တိုင်းပြောနေကျစကားဆိုပေမယ့် ဒီစကားလေးကိုပဲပြောစေချင်ကြတာမဟုတ်လား။နီလာနဲ့ကျွန်မအလုပ်ချိန်ကရှေ့ဆင့်နောက်ဆင့်ပါ။
ရောက်နေကျအချိန်ထက် နဲနဲလေးနောက်ကျပြီဆိုရင်တော့ လည်ပင်းတဆန့်ဆန့်နဲ့ကိုမျှော်နေတတ်ကြပြီ။
ညီအမရင်းသဖွယ်ဖြစ်နေကြတော့လည်းအသေးအဖွဲ့ကအစဂရုတစိုက်နဲ့ ကြည့်နေတတ်ကြပြီလေ။ဘာလိုလိုနဲ့
ကျွန်မတို့ နေလာတာခုဆို ၃ နှစ်ကျော်ရောပေါ့။
“ငါတို့အလုပ်နားမှာခင့်ကိုတွေ့လိုက်သလားလို့…………..”
“ဟုတ်လို့လားဟယ်…မျက်စိမှားတာနေမှာပါ။”
“ငါလဲအဲဒါပဲစဉ်းစားနေတာ…..
ငါ..တစ်ခေါက်လောက်တော့ ရှာကြည့်ချင်သေးတယ်။”
“တော်ပါတော့ဟယ်….
ပထမတစ်ခါတုန်းကလည်းသူ့အမေကိုသနားလို့သာ….ငါတို့တွေ ဘယ်လောက်အရှက်ရခဲ့လဲ။ အလကားတန်ဖိုးမဲ့တယ်……….။
အတူတူနေခဲ့တာကိုမှမထောက် လုပ်ရက်တာ။ ငါကတော့တွေ့လဲလုံးဝကိုမခေါ်ဘူး… ဒီကပြောင်းသွားတာကိုကျေးဇူးတော်တင်ရဦးမယ်”
“နီလာကလည်း…အေးပါ…နင်မခေါ်ပါနဲ့..ငါပဲခေါ်ပါ့မယ်…ဟုတ်ပီလား..ကဲပါ…လာလာ…ထမင်းစားကြမယ်”
နီလာ့ရင်ထဲကဒေါသစိတ်ကလေးပြေးထွက်ခဲ့ပြီ။
မထွက်ပဲလဲမခံနိုင်တော့ပေ။ ခင့်ကိုအပြစ်မပြောရက်သလိုနီလာ့ကိုပဲနားလည်ပေးလိုက်တော့သည်။
ခင်နဲ့ပတ်သတ်ပြီးစိတ်ဆိုးနေတဲ့ နီလာကတော့ ဒီကိစ္စကို လုံးဝမေ့မယ်မထင်။ ခင်နဲ့ အဆက်အသွယ်ပြတ်သွားတာ
2 နှစ်ကျော်လောက်ရှိခဲ့ပါပြီ။ ခင့်ရဲ့နောက်ဆုံးပုံရိပ်အချို့ ကျွန်မတို့မှာကျန်ခဲ့ပေမယ့်
သိမ်းထားလို့ မကောင်းတဲ့ အရာတွေဆိုတော့ မေ့မေ့ပျောက်ပျောက်ပဲနေခဲ့ကြပါတယ်။ ခုတော့ အတွေးတို့ကတစ်ဖန်သစ်လေပြီ။
ဘာတွေဖြစ်ဦးမယ်မသိ။ခင်တစ်ယောက်တော့ အလုပ်ကောင်း၊နေရာကောင်းလေးမှာအဆင်ပြေနေမှာပါဟုသာ………………။
*****------*****----*****-----
“ မိခင်ခင်….ညည်း..အမိုက်မ….ဘယ်နှယ့်အေ..
လူကြားလို့မကောင်းဒီလိုအလုပ်မျိုးလုပ်ရတယ်လို့
ငါသေတောင်
ညည်းပြန်မလာနဲ့………”
“လာပါ အန်တီမေရယ်….. လာပါ”
“နီလာ…နီလာ…
လာလာ..အန်တီိ့ကိုလာခေါ်…..”
ဘေးဘီဝဲယာကို
အသာငဲ့စောင်းကြည့်လိုက်ရင်း ကျွန်မမျက်နှာတွေထူပူလို့နေပါပြီ။ ဒေါသကြောင့် တစ်ကိုယ်လုံးတုန်နေတဲ့
အန်တီမေ့ကိုနီလာ့ဆီပို့ပေးခဲ့ပြီး ကျွန်မခင့်ဆီအပြေးကလေးပြန်ဝင်လာခဲ့ပါတယ်။
နေရာသစ်တစ်ခုမှာအလုပ်အဆင်ပြေပါတယ်ဆိုတဲ့ခင်ကကာလာစုံမျက်နှာနဲ့။
နဂိုရည်လေးနဲ့ယဉ်စစခင်ကခုတော့ ပုံစံပြောင်းနေခဲ့ပြီ။ မတွေ့ရတဲ့အချိန်အတွင်းမှာကျေးဇူးတင်ရမှာကလိပ်စာအတိအကျပေးထားခြင်းပင်။
မိဘတွေကိုအဆက်အသွယ်ဖြတ်ထားပြီးလွတ်လပ်စွာနေလိုတဲ့ခင်ကသူဌေးမလေးကဲ့သို့ပင်။ ခင်တို့လို
ဝန်ထမ်းတွေက အများသားမို့ ပြူတစ်ပြူတစ်ထွက်ကြည့်နေကြတာကလည်းရှိသေးသည်။ ဘယ်အခန်းထဲ ၀င်သွားမှန်းမသိတဲ့ခင့်ကို
ကျွန်မမျက်နှာပူပူနဲ့ပဲအခန်းပေါက်စေ့မေးမြန်းရတော့တာ။အခန်းတိုင်းလိုလို အ၀တ်ပုံတွေနဲ့..
လေ၀င်လေထွက်မကောင်းသလို အခန်းပုံစံတွေထဲမှာတစ်ခန်းကို ၂ယောက်စီ။ မူးနောက်အောင် ရှုတ်ရှက်ခတ်နေတဲ့
အ၀တ်တန်ဆာပလာတွေကြားထဲမှာတော့ခင်..
“….ခင်…ခင်ခင်….နင်
ဘယ်လိုလုပ်လိုက်တာလဲ…. ကိုယ့်အမေတစ်ယောက်လုံးလိုက်လာတာကိုတောင်…..”
“နင် ငါ့ကိုအရှက်လာခွဲတာလား..
ငါဘာပြောထားလဲ င့ါဆီမလာကြပါနဲ့ဆိုတာကို….တော်ပြီနင်တို့လဲမလာနဲ့ င့ါအမေကိုလည်းနောက်တစ်ခါခေါ်မလာနဲ့…သွား..ထွက်သွားကြ..”
နားနှစ်ဖက်ကိုလက်နဲ့ပိတ်ရင်းအော်နေတဲ့ခင်..
ရှက်ခြင်း၊ကြောက်ခြင်းတွေရင်ထဲကိုဒိန်းခနဲနေအောင်ခံစားလိုက်ရတဲ့ကျွန်မ..စပ်စုတတ်တဲ့လူတွေရဲ့အကျင့်နဲ့ခင့်ပတ်ဝန်းကျင်ကလူတွေ……
ကာလာစုံမျက်နှာပေးတွေကလူကိုမခံချင်စရာ။
……အန်တီမေ့
ကိုတွဲကူထားတဲ့ နီလာကစိတ်တွေတို…။
မမေ့နိုင်ပါ..ဘယ်တော့မှမေ့ပျောက်မရပါ။
ဒါတွေကအတိတ်တဲ့လား….. အတိတ်ကဆိုရင်ကျန်ခဲ့ပြီလား.. ဟင့်အင်းမကျန်ခဲ့ပါဘူး ကျွန်မတို့နဲ့
ခုထိထပ်တူရှိနေဆဲပါ။ ကုန်လွန်ခဲ့တာနေ့ရက်တွေကြားမှာအကြောင်းတရားတွေကနောက်ကလိုက်နေဆဲပါ။
မမေ့နိုင်တဲ့အရိပ်တွေလည်းရှင်သန်နေမြဲဖြစ်မှာပါ…………။
*****-----*****-----*****
သူဇာ…သူဇာ…
လာလာ…မြန်မြန်…
နီလာ…ဘာလဲ..ဘာဖြစ်လာတာလဲ….အရေးတကြီးနဲ့………
လာလာ.
အ၀တ်အစားမလဲနဲ့တော့….. လာလာ……
တက္ကစီ……တက္ကစီ….
ငါ့ကိုလည်းသေချာပြောပြပါဦးဟယ်….
ဟူး….မောလိုက်တာ….အိမ်ပေါ်တောင်မရောက်သေးဘူး…။
ဟိုရောက်တော့
နင်သိရမယ်…..။
“တောက်……..”
တောက်တစ်ချက်ခေါက်လိုက်သံကြောင့်
ကျွန်မနီလာ့ကိုလှည့်ကြည့်မိလိုက်ပါတယ်။ မခံမရပ်နိုင်ခြင်းအခြင်းအရာတွေ အထင်းသားပေါ်နေပေမယ့်
အကြောင်းစုံကိုမေးလည်းခုချိန်ပြောမည်မဟုတ်။ နီလာပြောတဲ့နေရာသာ မြန်မြန်ရောက်ပါစေလို့သာရင်ထဲကျိတ်ပြီးဆုတောင်းနေရုံကလွဲလို့
ဘာများတက်နိုင်ဦးမည်နည်း………………….။
“ကားဆရာ…ရှေ့နားနဲနဲ….”
“ရပြီ…. ရပြီ”
မဆင်းနဲ့..
ဒီကနေပဲ…..ကြည့်…
စားသောက်ဆိုင်တစ်ခုရဲ့
ခပ်လှမ်းလှမ်းကရပ်ထားတဲ့ကားထဲမှာတော့ကျွန်မတို့နှစ်ယောက်၊ နီလာညွှန်ပြရာမှာတော့ ဘာမှမမြင်….
အလျိုအလျိုသွားနေကြတဲ့လူတွေ.. ဘာများထူးခြားနေလို့ပါလိမ့်…အကြောင်းမဲ့ သက်သက်တော့ နီလာဒီကိုခေါ်ခဲ့မှ
မဟုတ်။
“ဟယ်..
ခင်ခင်….ဟိုမှာဟိုမှာ…နီလာ.. ဟိုမှာခင်ခင်….”
“အေး…ကြည့်နေ…..”
“ဟော..ဟော… မြင်ပြီမဟုတ်လား”
“ဟင်း……………….”
“ သက်ပြင်းမချနဲ့မမ….ငါကသိနေတာကြာပြီ။
မသေချာမှာစိုးလို့ နင့်ကိုမပြောတာ. တခင်ခင်လုပ်မနေနဲ့။ ခု မြင်ပြီမလား။ဟိုကပျော်နေတာမိုးမမြင်
လေမမြင်”
“အေးဟာ….ခုလိုပေါ်တင်ကြီးကတော့
ဘယ်ကောင်းမလဲ။အန်တီမေကိုငါတို့ဘယ်လိုပြောရမလဲ။ ခင်တော့ နာမည်ပျက်ပါပြီ၊ ဒီလောက်ကြီးနဲ့များတွဲရတယ်လို့….
တွဲစရာဒီလောက်တောင်ရှားလားမသိဘူး..။
“ပွစိပွစိပြောမနေနဲ့
လာပြန်မယ်”
*****-----*****-----*****
စကားသံတို့
တိတ်ဆိတ်သွားရင်း….. အိမ်အပြန်လမ်းလေးအဓိပ်ပါယ်ပြည့်စုံခဲ့ပြီ။ ဆိုဖာခုံကိုမှီပြီးမျက်လုံးမှတ်ထားပေမယ့်
ခင့်ပုံရိပ်တွေ ဖျောက်လို့မရခဲ့။ ဘေးဘီဝဲယာကပုံရိပ်တို့တရိပ်ရိပ်နဲ့ကျန်နေခဲ့ပေမယ့်ခင်ရဲ့ပုံရိပ်အချို့ကို
ကျွန်မဘယ်ချိန်မှ မေ့ပျောက်နိုင်ပါ့မလဲ။စားသောက်ဆိုင်ထဲတွဲသွားတဲ့ခင်.. ရယ်ကာမောကာနဲ့
နင်..တစ်ကယ်ပျော်နေတာလား၊ မရေရာတဲ့ဒီဘ၀ကြီးမှာ နင် ဘယ်လောက်ထိပျော်နေနိုင်မလဲဆိုတာငါတို့အသက်ရှိသရွေ့တော့
မြင်ချင်ပါသေးတယ်။
ခင်ရေ…..
နင်ကတော့ နင်ဖြစ်ချင်တဲ့ဘ၀ကို ရအောင်ကြိုးစားလိုက်တာ။ တော်လိုက်တာလို့ငါတို့မပြောဘူးနော်။
ဒီလိုပြည့်စုံမှုအတွက် အားရ၀မ်းသာမျက်လုံးတွေ နင့်အမေမှာမရှိဘူးဆိုတာနင်သိလောက်ပါရဲ့။
ခင်….
တစ်ချိန်ကငါတို့ပြောခဲ့ကြတဲ့
ကြိုးစားမှုကဒီလိုမဟုတ်ဘူးလေ။ နင်ပြောတော့ ရိုးသာမှကြီးပွားတာဆို….
နင်ဖြစ်ချင်တဲ့ဆန္ဒတွေ
တစ်ကယ်ဖြစ်လာတဲ့အခါ နင့်ဘ၀ကြီး လှပသာယာလာမယ်ဆိုတာနင်…. ယုံကြည်နိုင်ပါစေလို့ ဆုတောင်းပေးရုံကလွဲလို့
ငါတို့ဘာများတက်နိုင်ဦးမလဲဟယ်……………………..။
စိမ့်စမ်းရေ
0 comments