စိမ့်စမ်းရေ

တနေ့မှာ သြစတေးလျသို့ လာရောက် လည်ပတ်သူ မြန်မာမိတ်ဆွေ တစ်ဦးက သြစတေးလျမှာ ဘဏ်စာရင်း ဖွင့်ပြီးနောက် ဘဏ်မှ ထုတ်ပေးလိုက်တဲ့ ကဒ်ပြားလေး တစ်ခုနဲ့ ဈေးဝယ်တာ၊ စားသောက်ဆိုင်မှာ စားသောက် တာတွေကို သူက အသုံးပြုပါတယ်။

တနေ့သူနဲ့ စားသောက်ဆိုင် တစ်ခုမှာ စားသောက်ပြီး၊ သူက သူ့ရဲ့ ဘဏ်ကဒ်ပြားနဲ့ ငွေပေးချေချင်တဲ့ အတွက် ဆိုင်ကို ခရတ်ဒစ်ကဒ် (Credit Card) နဲ့ လက်ခံလားလို့ မေးလိုက်တဲ့ အခါ၊ မိမိမှာ အံ့အားသင့် သွားခဲ့ပါတယ်။

အဘယ်ကြောင့် ဆိုသော် ခရတ်ဒစ်ကဒ် ဆိုတာ သြစတေးလျမှာ အမြဲတမ်းနေထိုင် နေတဲ့သူ (Permanent Resident) ဖြစ်ရမယ့် အပြင်၊ အနည်းဆုံး ၃နှစ် နေထိုင်ဖူးတဲ့သူ ဖြစ်ပြီး၊ ဝင်ငွေ ပုံမှန်ရှိတဲ့ အလုပ်အကိုင်ရှိဖို့ လိုတယ်လို့ သိထားတဲ့ အတွက် ဖြစ်ပါတယ်။

ဒါကြောင့် သူ့အနေနဲ့ သြစတေးလျကို မနေ့တနေ့ကမှ ရောက်လာပြီး ဘဏ်စာရင်းဖွင့် ပြီးပြီးချင်းမှာ ခရတ်ဒစ်ကဒ် ရတယ် ဆိုတော့ အတော် အံ့အားသင့် သွားရခြင်း ဖြစ်ပါတယ်။

နောက်မှ သူ့ရဲ့ ဘဏ်ကဒ် ဆိုတာ ခရတ်ဒစ်ကဒ် (Credit Card) မဟုတ်ဘဲ၊ ဘဏ်ငွေထုတ် ကဒ်ပြား (Debit Card) ဖြစ်ကြောင်းသာ သိလိုက်ရပါတယ်။

Debit Card ဆိုတာ ယခင်က ATM Card လို့ခေါ်တဲ့ ဘဏ်ငွေထုတ် ကဒ်ပြားမျိုး ဖြစ်ပြီး ဘဏ်မှာ ငွေစုစာရင်း ဖွင့်တဲ့ အခါ ဘဏ်က ငွေအလိုအလျှောက် ထုတ်ပေးတဲ့ စက်ကနေ ငွေထုတ်နိုင်ဖို့ ထုတ်ပေးခြင်း ဖြစ်ပါတယ်။

နောက်ပိုင်းမှာ ATM Card တွေကို ပစ္စည်း အရောင်းဆိုင်တွေနဲ့ စားသောက် ဆိုင်တွေက လက်ခံဖို့ လုပ်လာပြီး၊ လူသုံးများလာ ကြတာကြောင့် Debit Card ဆိုပြီး ထုတ်ပေးတာ ဖြစ်ပါတယ်။

ထိုင်းနိုင်ငံမှာ ၂၀၀၅ ခုနှစ်အထိ ဘဏ်က ထုတ်ပေးတဲ့ Debit Card ဆိုရင် ကဒ်ပြားပေါ်မှာ ဖောင်းကြွ စာလုံးတွေ မပါဘဲ ရိုးရိုး ပုံနှိပ်စာလုံးများ ဖြင့်သာ ထုတ်ပေးပြီး၊ Credit Card နဲ့ ပုံစံခွဲခြား ထားပါတယ်။

ထိုစဉ်က ထိုင်းဘဏ်တွေက ထုတ်ပေးတဲ့ Debit Card ဟာ အင်တာနက် ပေါ်ကနေ ဈေးဝယ်တာမျိုး လုပ်လို့ မရသေးပါဖူး။ သို့သော် သြစတေးလျနဲ့ စင်္ကာပူနိုင်ငံက ထုတ်ပေးတဲ့ Debit Card များကတော့ Credit Card များလိုဘဲ ပုံစံတူ ဖြစ်ပြီး အင်တာနက်မှာ ဈေးဝယ်တဲ့ အခါ အသုံးပြုလို့ ရကြပါတယ်။

Debit Card နဲ့ Credit Card တို့ရဲ့ ကွာခြားချက် ကတော့- Debit Card ဟာ ကိုယ့်ဘဏ်ထဲမှာ ရှိတဲ့ ငွေကို တိုက်ရိုက် ချက်ခြင်း ထုတ်လွှဲပေးရတာ ဖြစ်ပါတယ်။

ကိုယ့်ဘဏ်ထဲမှာ ငွေမလုံလောက်ခဲ့ရင်တော့ သုံးလို့မရပါဖူး။ Credit Card ကတော့ အကြွေးသုံးတာ ဖြစ်ပါတယ်။ ကိုယ့်ဘဏ်ထဲမှာ ငွေရှိစရာ မလိုပါဖူး။

ကိုယ့်ဘဏ်ထဲက ငွေကိုလဲ ချက်ခြင်း ထုတ်လွှဲပေးစရာ မလိုပါဖူး။ Credit Card နဲ့ ငွေပေးချေလိုက်တဲ့ အခါမှာ ဘဏ်က ကိုယ့်ကို ငွေစိုက်ထုတ် ပေးထားလိုက်တဲ့ သဘောပါ။ နောက်မှ ဘဏ်ကို (များသောအားဖြင့် လကုန်သည့် အခါ) ကိုယ်က ငွေပြန်ပေး ဆပ်ရတာပါ။

သြစတေးလျမှာ ဆိုရင် Debit Card နဲ့ ငွေလက်ခံတာကို EFTPOS လက်ခံတယ်လို့ ပြောကြပါတယ်။ EFTPOS ဆိုတာ အပြည့်အစုံက Electronic Funds Transfer at Point of Sale ဖြစ်ပါတယ်။

သဘောကတော့ ဈေးဝယ်သူရဲ့ ဘဏ်ငွေ စာရင်းထဲက ငွေပေးချေတဲ့ အချိန်မှာ တိုက်ရိုက်(ချက်ခြင်း) ငွေလွှဲပြောင်း ယူလိုက်တာပါဘဲ။

ဒါကြောင့် Debit Card နဲ့ အသုံးပြုတဲ့ အခါ အချို့နေရာတွေမှာ အန္တရာယ်ရှိပါတယ်။ ဥပမာ ကိုယ်က Debit Card နဲ့ ငွေပေးချေလိုက်တဲ့ အခါမှာ ကိုယ့်ဘဏ်ငွေ စာရင်းထဲက တိုက်ရိုက် ထုတ်ယူသွားတာမို့ တစ်ခါတစ်ရံ စက်နဲ့ ၂ခါ ဆွဲမိလိုက်တဲ့ အခါမျိုးမှာ ငွေကို ၂ကြိမ် ဖြတ်သွားတာမျိုး ရှိတတ်ပါတယ်။

မိမိကိုယ်တိုင် ထိုင်းက Debit Card နဲ့ စင်္ကာပူမှာ ပစ္စည်းတစ်ခုဝယ်စဉ် ထိုသို့ ဖြစ်သွားရာမှာ မိမိငွေ စာရင်းထဲမှ ငွေကို ၄ ကြိမ်ဖြတ်သွားလို့ ဘဏ်ကို အကြောင်းကြားပြီး ငွေပြန်အမ်းဖို့ကို ၃ ပတ်လောက် စောင့်လိုက်ရတာ ကြုံခဲ့ဖူးပါတယ်။

နောက်တစ်ခုက ဥပမာ ဟော်တယ် တစ်ခုခုကို တည်းမယ်ဆိုရင် Credit Card မရှိလို့ Debit Card နဲ့ ပေးရတဲ့ အခါမျိုးမှာ ဟိုတယ်တွေက ကြိုတင်ပြီး ငွေပမာဏ တစ်ခုကို စပေါ်အဖြစ် ဖြတ်ထားလိုက်တဲ့ အတွက် ကိုယ့်ဘဏ်ထဲက လက်ကျန်ငွေ စာရင်းမှ ချက်ခြင်း နှုတ်သွားပါတယ်။

တစ်ခါ ဟိုတယ်ခ ပေးတဲ့ အခါလည်း ထိုကပင် ထပ်နှုတ်ပြီး၊ နောက်ဆုံး ဟိုတယ်မှ စာရင်းအားလုံး ရှင်းပြီး ထွက်တဲ့ အခါမှာမှ ပထမ ဖြတ်ယူထားတဲ့ စပေါ်ငွေကို ပြန်ထည့်တာကြောင့် ကိုယ့်ဘဏ်ငွေ စာရင်းမှာ အသုံးပြုမဲ့ ငွေထက် ၂ ဆလောက် ရှိထားမှ ဖြစ်ပါမယ်။

အခု နောက်ပိုင်းမှာတော့ အဲသည်လိုမျိုးတွေ မဖြစ်ရအောင် Debit Card နဲ့သုံးတဲ့ စံနစ်ကို ပိုမို လုံခြုံအောင်နဲ့ အစဉ်ပြေအောင် လုပ်ဆောင် လာကြပေမဲ့၊ Debit Card ရဲ့ အဓိက သဘောဖြစ်တဲ့ ကိုယ့်မှာ ရှိတဲ့ ဘဏ်ငွေစာရင်းကနေ တိုက်ရိုက် ထုတ်ယူရတာကြောင့် ဘဏ်ငွေစာရင်းမှာ ငွေမလုံလောက်တဲ့ အခါမျိုးမှာတော့ ပိုသုံးလို့ မရပါဖူး။

Credit Card ကတော့ ကိုယ့်ရဲ့ ဘဏ်ငွေ လက်ကျန်စာရင်းကို မထိတာကြောင့် လကုန်မှ ရှင်းတဲ့ အခါ ငွေပို ဖြတ်သွားတာမျိုး၊ စပေါ်ငွေ ပြန်မရသေးတာမျိုးတွေ ရှိခဲ့ရင် ကိုယ်က အဲဒီငွေကို ပေးစရာမလိုသေးဘဲ ဘဏ်ကို အကြောင်းကြားပြီး ရှင်းခိုင်းလို့ရတဲ့ အတွက် Credit Card နဲ့သုံးတဲ့ အခါ Debit Card နဲ့သုံးတာထက် ပိုပြီး လုံခြုံသလို အစဉ်လည်းပြေပါတယ်။

ဒါကြောင့် ဘဏ်က ကဒ်ပြား ထုတ်ပေးလိုက်တဲ့ အခါမျိုးမှာ ကိုယ့်ရဲ့ ဘဏ်ကဒ်ဟာ Debit Card လား Credit Card လား သေချာသိဖို့လိုပါမယ်။

ထို့အပြင် ဘဏ်က ထုတ်ပေးတဲ့ ထို Debit နဲ့ Credit ကဒ်ပြားများဟာ ဘဏ်တစ်ခုနဲ့ တစ်ခု မတူသလို၊ နိုင်ငံတစ်ခုနဲ့ တစ်ခုရဲ့ ဘဏ်စံနစ်အရလည်း ကွဲပြားချက်တွေ ရှိတာကြောင့် ဘဏ်က သက်ဆိုင်ရာ စည်းကမ်း သတ်မှတ်ချက်တွေ ကိုပါ သေသေချာချာ ဖတ်ရှုကြည့်ဖို့ လိုပါတယ်။


အထူးသဖြင့် Debit Card ဆိုတာဟာ ကိုယ့်ဘဏ်ငွေ စာရင်းထဲက ငွေကို တိုက်ရိုက် ထုတ်ယူနိုင်တဲ့ အကြောင်းကြောင့် မီးခံ သေတ္တာသော့လို ဖြစ်နေတဲ့ အတွက် ဈေးဝယ်တဲ့ အခါတွေမှာ လွယ်လင့်တကူ မသုံးဖို့နဲ့၊ မဖြစ်မနေ သုံးရမဲ့ အကြောင်း ဖြစ်လာလျှင်လည်း ဆိုင်က ငွေဖြတ်ယူဖို့ လုပ်တဲ့ အခါမျိုးနဲ့ ငွေလက်ခံ ဘောက်ချာ ထုတ်ပေးတဲ့ အခါမျိုးတွေမှာ သေသေချာချာ စစ်ဆေး ကြည့်ရှုဖို့ သတိထားရပါမယ်။



ဖေ့ဘုတ်မှပြန်လည်ဝေမျှခြင်းသာ