သူဇာလေး(စိမ့်စမ်းရေ) သို့ အစဉ်တစိုက် အားပေးနေကြသော ချစ်လှစွာသော သူငယ်ချင်း၊ မိတ်ဆွေများ၊ အွန်လိုင်းပေါ်မှ စာဖတ်ပရိတ်သတ်များအားလုံး မင်္ဂလာပါလို့ နှုတ်ခွန်းဆက်လိုက်ရပါတယ်။

တက်စွမ်းသမျှသော ငွေကြေးပမာဏလေးများဖြင့်၊ မအားမလပ်တဲ့ကြားက မဖြစ်ဖြစ်အောင်ကြိုးစားဆောင်ရွက်ထားတဲ့ ပရဟိတအဖွဲ့ငယ်လေးတစ်ခုရဲ့ တက်နိုင်သမျှသော လုပ်ဆောင်မှုလေးတွေကို ပရိသတ်ကြီးအားလုံးအား မျှဝေပေးချင်တဲ့ ဆန္ဒလေးတစ်ခုတည်းနဲ့တင် ဤပို့စ်လေးကို တင်ပြပေးလိုက်ရပါတယ်။

ပထမဦးဆုံး လှူဒါန်းမှုလေးကတော့
မြောက်ဥက္ကလာပမြို့နယ်၊ ခြောက်ကွေ့ကားမှတ်တိုင်အနီး ဇမ္မူအေးကျာင်းဝင်းရှိ
အရုဏ်သစ် လူငယ်ဖွံ့ဖြိုးရေးဂေဟာ သို့ သွားရောက်လှူဒါန်းမှု ပြုခဲ့ပါတယ်။



မေတ္တာစမ်းရေလို့ အမည်လေးပေးထားပြီး  မပြည့်စုံကြတဲ့ လူသားများအချင်းချင်း စာနာနားလည်မှုတွေနဲ့
ဖြတ်ကျော်ကြမယ်လို့လည်း ဂတိပြုထားကြပါတယ်။

အသင်းသူ၊ အသင်းသားရယ်လို့ ဘာကိုမျှ သတ်မှတ်မထားဘဲ။ စေတနာရှင်လူငယ်များမှ စုပေါင်း၍ လှူဒါန်းခြင်းသာဖြစ်ပါတယ်။

သူတစ်လက်၊ ငါတစ်ခု၊ ၀ိုင်းကာစုလို့ အပုံကြီးမဟုတ်ပေမယ့် အသုံးဝင်မှုလေးတွေမြင်ရပြန်တော့ ရင်ထဲ အတိုင်းမသိ ၀မ်းသာခဲ့ကြပါတယ်။

ကောင်းနိုးရာရာလေးတွေကို ၀ိုင်းဝန်းစဉ်းစားပေးကြသဖြင့် လိုအပ်မှုလေးတွေကိုလည်း ကွက်လက်လေးတွေဖြည့်ပေးနိုင်ခဲ့ကြတယ်။


ကလေးငယ်များနဲ့ အမှတ်တရ ဓါတ်ပုံလည်းရိုက်ခဲ့ကြတယ်။ သူတို့လေးတွေနဲ့ ပီတိအပြုံးလေးတွေ ထာဝရ ရှင်သန်နေစေဖို့ ကျွန်မတို့အားလုံး ၀ိုင်းဝန်းဆောင်ရွက်ပေးနိုင်ကြစေဖို့လည်း ဆုတောင်းလိုက်ရပါတယ်။





သူဇာလေး(စိမ့်စမ်းရေ)ရဲ့  မေတ္တာစမ်းရေ ပရဟိတ အသင်းရဲ့ တစ်နိုင်တစ်ပိုင်လုပ်ဆောင်မှုလေးတွေကို ဤပို့စ်လေးကို ကြည့်မိကြသူ အားလုံးသော မိတ်ဆွေ သူငယ်ချင်းများလည်း သူဇာလေးတို့နဲ့အတူ ကုသိုလ်အမျှ ထပ်တူရကြပါစေလို့ ဆုတောင်းပေးလိုက်ရပါတယ်ရှင်။

ခင်မင်စွာဖြင့်။
သူဇာလေး (စိမ့်စမ်းရေ)


Posted by စိမ့်စမ်းရေ on Friday, February 14, 2014

0 comments

Post a Comment