ငရုတ်သီးမှုန့် နှစ်မျိုးတွင် သဲမှုန့်ဖုန်မှုန့်များ ပါဝင်နေပြီး ငရုတ်ကောင်းမှုန့်တစ်မျိုးတွင် အခြားအပင် အစိတ်အပိုင်းများ၊ နနွင်းမှုန့် သုံးမျိုးတွင်ဆန်မှုန့်၊ ပြောင်းမှုန့်များ ပါဝင်ပြီး ကျန်နှစ်မျိုးတွင် ခွင့်မပြုသော အန္တရာယ်ဖြစ်စေသည့် အရောင်ဆိုးဆေးများ ပါဝင်နေ

အသည်းကင်ဆာဖြစ်စေနိုင်သော ဆိုးဆေး နနွင်းမှုန့်အချို့တွင်ပါဝင်.........

ဆေးသုတေသနဦးစီးဌာနမှ သုတေသနပြု လေ့လာမှုများအရ နနွင်းမှုန့် အချို့တွင် ခွင့်မပြုသော အရောင်ဆိုးဆေး (metanil yellow) ပါဝင်နေပြီး ထိုဆိုးဆေးမှာ အသည်းကင်ဆာ ဖြစ်စေနိုင်သည့်အပြင် ဗဟိုနာဗ်ကြောမကြီးအား ထိခိုက်နိုင်ကြောင်း သတင်းရရှိသည်။ ဇန်န၀ါရီ ၉ ရက်မှ ၁၃ ရက်အထိ ပြုလုပ်သော ဆေးသုတေသန စာတမ်းဖတ်ပွဲတွင် ဈေးများ၌ ရောင်းချနေသည့် ဟင်းခတ်အမွှေးအကြိုင်များတွင် အရောအနှောပါဝင်မှုအား ဆရာဝန် ၈ ဦးက စုပေါင်းလေ့လာ တင်သွင်းခြင်းဖြစ်ပြီး ငရုတ်သီးမှုန့်၊ နနွင်းမုန့် တံဆိပ်ကွဲ ၉ မျိုးစီနှင့် ငရုတ်ကောင်းမှုန့် ၃ မျိုး၊ ဇီယာမှုန့်များအား ဈေးကွက်အတွင်းမှ ဝယ်ယူလေ့လာခဲ့ခြင်း ဖြစ်သည်။

ထိုလေ့လာမှုအရ ငရုတ်သီးမှုန့် နှစ်မျိုးတွင် သဲမှုန့်ဖုန်မှုန့်များ ပါဝင်နေပြီး ငရုတ်ကောင်းမှုန့်တစ်မျိုးတွင် အခြားအပင် အစိတ်အပိုင်းများ၊ နနွင်းမှုန့် သုံးမျိုးတွင်ဆန်မှုန့်၊ ပြောင်းမှုန့်များ ပါဝင်ပြီး ကျန်နှစ်မျိုးတွင် ခွင့်မပြုသော အန္တရာယ်ဖြစ်စေသည့် အရောင်ဆိုးဆေးများ ပါဝင်နေကြောင်းသိရသည်။ “သုတေသနလုပ်ငန်းပဲ လုပ်တာဖြစ်တဲ့အတွက် တံဆိပ်တွေကိုတော့ သုတေသနကျင့်ဝတ်အရ ထုတ်ပြန်ခွင့်မရှိပါဘူး။ ကျန်းမာရေးကို ထိခိုက်စေတဲ့ပစ္စည်း ပါဝင်မှုရှိ၊ မရှိကိုဘဲ လေ့လာတာဖြစ်ပြီး ကျန်တာကတော့ သက်ဆိုင်ရာက ဆက်လက် ဆောင်ရွက်မှရမှာပါ”ဟု ဆေးသုတေသနမှ တာဝန်ရှိသူတစ်ဦးကပြော သည်။

အစားအစာများတွင် အရောအနှောများ ပါဝင်ခြင်းသည် ခန္ဓာကိုယ်အား အဆိပ်အတောက်ဖြစ်စေခြင်း၊ ကျန်းမာရေးအား ထိခိုက်စေခြင်းအပြင် ခန္ခာကိုယ်ကြီးထွားဖွံဖြိုးမှုကိုပါ ထိခိုက်စေနိုင်ကြောင်း သိရသည်။ ယခုစစ်ဆေးသည့် ငရုတ်သီးမှုန့်၊ နနွင်းးမှုန့်၊ ငရုတ်ကောင်းမှုန့်များအား ကျန်းမာရေး ဦးစီးဌာနအောက်ရှိ အစားအသောက်နှင့် ဆေးဝါးကွပ်ကဲမှု ဦးစီးဌာနမှဈေးကွက်အတွင်း ရောင်းချနေသည့် ပစ္စည်းများအား မကြာခဏ စစ်ဆေးမှုများရှိခဲ့သည်။ သို့ရာတွင် အမြဲမပြတ် အရေးယူ စစ်ဆေးမှုများမရှိသည့်အတွက် ပြန်လည်ရောင်းချခြင်း၊ ဝယ်ယူသူများအနေဖြင့်လည်း ကျန်းမာရေးနှင့် ညီညွှတ်သည့် အစားအစာများထက် အရောင်လှသည့် ပစ္စည်းများအား သဘောကျမှုများပြားခြင်း စသည်တို့ကြောင့် ရောင်းချသူများမှာ ထိုကဲ့သို့ ရေရှည်တွင်ကျန်းမာရေးအား ဆိုးရွားစွာ ထိခိုက်သည့် တားမြစ်ပစ္စည်းများကို အသုံးပြုနေကြဆဲဖြစ်ကြောင်း ကျွမ်းကျင်သူများက ပြောကြားသည်။

Credit: (7Day News Journal)

Posted by စိမ့်စမ်းရေ on Tuesday, March 20, 2012

0 comments

Post a Comment